يا جماعه هيا المعموره فيها اماكن ترفيه حلوه...

[Mahmoud Badwe]

يا جماعه هيا المعموره فيها اماكن ترفيه حلوه فين يعني شواطئ نضيفه كافيهات اماكن خروج ؟

 

[Si Elsayed Elkamary]

كافيهات بس

 

[Si Elsayed Elkamary]

وملاهي

 

[Mohammed Saeed Awad]

فيه شاطئين فى اول المعمورة ،واحد سعره اقتصادى و زحمة نسبيا، و التانى أغلى و العدد أقل،فى كل الاحوال زحمتها أقل و افضل من شواطىء المنتزه مليون مىة

 

[Tour-guide Hanan Ezzat]

في الشتا كله مقفول تقريبا

 

[Rania Emam]

في ملاهي هناك كمان غير الكافيهات وتأجير عجل

 

[Ahmed Elsharkawy]

لو هتأجر شالية على البحر او شقة داخل المعمورة
اللى بتأجر منة بيديك خمس كارنيهات للشاطىء
واتنين لبواية المعمورة
الشاطىء منقسم جزئين
الاول بتدخل بالكارنية ولو مش معاك كارنية ب 25 فى الوقت الحالى مع دخول المدارش الشاطىء مش زحمة
التانى ب 85
فى فندق برادايز ان احسن فندق فى المعمورة
فى كافيهات كتير زى هارودز على البحر
وفى كافيهات ومطاعم عند مول المعمورة
وطبعا ملاهى المعمورة معقولة
ومش غالية
ممكن تاخد الباص الدورين المكشوف من المعمورة للقلعة ب 7 جنية حلو ءوى
يفضل وقت الغروب
فى اماكن كتير برة بقى للفسح
وماتنساش حدائق قصر المنتزة

 

[Mohammed Adel]

خااااالص راس البر احسن

 

[Ahmed Mohamed]

فيها كافيهات وبحر .. بس لو انت عايز زيطة بجد .... اطلع على سان ستيفانو مول او كارفور اللى فى الداون تاون ... او محطة الرمل ...