مرسي علم " بوست غالي يعني هتدفع كتير لو عايز...

[Mostafa Magdy]

مرسي علم
" بوست غالي يعني هتدفع كتير لو عايز تلف " وجودك في المكان ده يعني انك مؤمن بالسفر كقضيه حياه او موت لأنك مش هتاخد 728 كيلو كده من فراغ ..

سمعت عن شاطئ النيزك .. طيب مشيت في 5000 كيلو متر مربع من الجمال و الجزر الجميله أشجار الجروف .. قلعًون طيب .. طيب مركز فلك بتشوف منه الفضاء كانك بتشوف سما جديده .. مش عندنا دي في القاهره .. سمعت قبل كده عن القصير .. القصير فيه واحد من اهم الفنادق و اللي عليها طلب و غاليه جدا انا مش فاكر اسمه بس مش حوارنا ..

موضوعنا عن مكان بعده .. مرسي علم
انا حجزت مع نفسي بعيده جدا يستحسن طيران او ٩-١٠ ساعات سفر بسوبرجيت الطريق أمان لو هتروح بعربيتك .. بس اطلع الفجر عشان تلحق السفريه من أولها ..

تنوعت الأوتيلات وقتها .. ربنا أراد اني انزل في مارينا ايكولودج بورت غالب .. معجبنيش .. المكان اجانب جايين يستجموا و مصريين جايين ينكدوا عليهم و هو بيستجموا .. و النبي يا جماعه حافظوا علي شكلنا ولا اقولك .. #مفيش_فايده

جموا زتها انك في البورتو يعني اي رحله بتطلع من مرسي علم بتطلع من هنا .. الجو حر لانها علي نفس خط النوبه تقريبا ( المسافه بين مرسي علم و النوبه ١٥٠ دقيقه تقريبا و في موقف هناك كرحله شتويه طالما طلعت من بيتكم ممكن تاخد ٤ هنا و ٤ ايام نوبه مثلا اللي هفرد لها بوست لوحده ❤النوبه)

ارجع معايا مرسي علم و سيبك من الهري اللي فوق ده .. الأوتيل كان ٤ ليالي ب1200 جنيه تقريبا هاف بوردً بيزيس ..

الشط هناك مش حلو تماما موفينبيك شطه حلو ده اللي اعرفه
المكان ده فقط لعشااااااق البحر لان حياتك هناك كلها بحر ..
ايه ممكن يتعمل هناك ..

رحله بحريه لسطايا " مرسي مبارك " محميه الدولفين تظهر اكتر فالصيف طبعا
و ممكن تشوف الترسه و الفقمه .. او عجل البحر لو امك داعيالك و العجل راضي عنك و لازم الشرطين سوا
اعمل دايفنج لو انت غني لانه غالي جدا هناك كان ٤٠ دولار بعد التعويم بقي فرض كفايه ممكن تجمعوا و تنزلوا واحد جينيص تثقوا فيه يحكيلكم.. بس عايز اقولك انت نازل ناشيونال جيوجرافيك هتشوف اجمل مواقع دايفنج في العالم
و ابقي خليه يوريك الدجنجو dugong

شاطيء النيزك : مش كتير يعرفوه و للاسف الأجانب بيهتموا جدا يروحوه بتروحه بعربيه من الأوتيل او بعربيتك طريقه سهل 15 كيلو جنوب مرسي علم .. مكان خيالي

المركب الغرقانه : لو انت ليك قرايب مهمين او برنس غطس او شغلتك الأساسيه غطاس مجاري و معاك شهاده من اتنين سباكين بكده .. ممكن تعمل دايفنج جوا المركب الغرقانه..
الطريق ده كان الطريق الأساسي للسفن الرايحه قناه السويس لما فتحت في 86 .. بسبب الشعب المرجانية فيه 5 مراكب و اكتر غرقوا في مسافه 100 ميل .. بتروحه برحله بحريه من المارينا ..

شاطيء هنكوراب : احد اجمل شواطيء العالم .. أشجار المنجروف .. اللي بتطلع وسط الميه المالحه .. و اللي ليها دور أساسي في حمايه الطيور و هجرتها و دوره حياتها ..
ده كلام الأجانب احنا هنعرف انها منجروف بس و انك بما تاخد صوره جنبها تبقي واد برنس و رحاله و خلاصه لاصه و 100100 ..

محميه وادي الجمال : مكان وهمي جمال حمر بتوع مهر عبله .. طيور اول مره تشوفها علي مساحه ضخمه ..

قلعون باي او إيلاند : جزيره في وادي ممكن اروحها في طريقك لوادي الجمال .. مكان منقسم اربع اجزاء بأشجارها المنحروف .. بيعيش فيه بدو اصليين اسمهم قبيلتي العبابدة و البشيريه .. ناس كريمه و محترمه لو بتحب القهوه اشرب جبنه عندهم .. حبوب القهوه تتحمل ادامك تتطحن تتستوي علي نار فحم هاديه في حاجهً فخار ..
ظ
مركز الفلك : مش عارف مكانه للاسف لاني كنت في الشتا و يا اتفرج علي النجوم و اموت من التلج .. او اتدفي و اسكت
اخت اموت من البرد في الأوتيل اقرب و ارخص ..
مرسي علم تأتيكم من الاحد الي الأربعاء علي ناشيونال جيوجرافيك ابو دابي
رحله سعيده
سلام علي أولئك الذين عشقوا السفر ..
#مصر_جميله
#مرسي_علم
#سافروا_تصحوا
#رحله_ناشيونال_جيوجرافيك

 

[Sarah Salah]

Omnia Salah

 

[Hesham Elgohary]

Sara Qandil

 

[Hesham Elgohary]

احمد فراج

 

[Mano Elhawy]

وهم افتكرتها اوروبا مش مصر

 

[زهره بنفسج]

الله يا مصر

 

[Hesham Elgohary]

Sara Qandil

 

[Sara Waheed]

Yasmina Saeed Nada Yousry Kholoud MohaMed Abdelaty Manoura Winchester Esraa Elmasry Gehad Waheed

 

[Dina Mohamed]

ايه الجمال ده

 

[Mohamed Sorour]

Aliaa El Sobky

 

[Gehad Gamal]

Samir Elashry

 

[Ahmed Alhadedy]

Noor Mohey

 

[Hesham Elgohary]

بوست راااائع .

 

[Ahmad Elfeel]

كنت قاعد فين فى بورت غالب؟

 

[Aya Elbanna]

Ahmed Rezk

 

[Nagla Toubar]

Sherif El-Kafrawy

 

[شيماء وجيه]

الفندق ده في بورت غالب انا بحبه لانه معزول وهادىء بليل فيه جو حلو وحفلات احسن حاجه الانميشين ومدير المطعم و قبلهم طبعا البحر ال كل الناس بتقول عليه وحش ده راءع هو صخري فكل حد يشوفك يحظرك منه لكن طبعا انت هتنزل فيه وتشوف اجمل شعب مرجانية لسة فيها حياه محدش لمسها اجمل من شرم بمراحل ومش محتاج تدخل جو ده من اول البحر ابداع رهيب ؛ بليل ممكن تاخد مركب في البورتو وتتطلع على الممشي وهناك فيه حاجات كتير وشوفت ناس جاية مخصوص تعمل شوبنج لان في محلات هناك بتبيع ماركات باسعار كويس

 

[Mohamed Mobarak]

نوبة ايه يا نجم اسمها اسوان متفتيش

 

[Eckram Mohamed]

Moustafa Mahmoud Hussein

 

[Muhammad Hamza]

Ehab Muhammad