ينفع اسافر من اسكندريه لأسوان بالعربيه؟

[Mostafa Hassan]

بالصلي ع النبي كده انت بتتكلم ف ١٠٠٠ كيلو .. لو رايح فسحه يبقي بلاش عربيه انما لو شغل وهتلف كتير يبقي خدها .. بس احب اقلك ان ده مشوار مش سهل وحب ابشرك ان الطريق بعد اسيوط زي الزفت بالتوفيق ️

 

[Ayman Abousehly]

ينفع بس ده يتطلب انك تقدر تسوق لمسافات طويله الطريق من القاهره للاسكندريه اعتقد ان حضرتك عارف مستواها والطريق من القاهره لقنا كويس اما الطريق من قنا لاسوان فهي طريق بين المدن يعني مش حتزيد السرعه عن 100 كيلو وبالتوفيق

 

[Abdelrhman Ayman]

متعبه جدا يا كبير منصحكش

 

[Rasha Mohamed]

اهم حاجة العربية هتستحمل المشوار بس

 

[Mohammed Abdelhai]

عادي

 

[Islam El Mantawi]

هي شكلها هاتكون مغامره حلوه - و اه عربيتي تستحمل المشوار الحمدلله و مخصصه و مجهزه للرحلات و المسافات الطويله
دي فان شيفروليه ٨ سلندر ٥٧٠٠ سي سي مش عربيه صغيره

 

[Ahmed Farag]

خدتها في 9 ساعات بالظبط بدون استراحه سنه 2010 السرعه مابين 160 و200
بعربيه فيرنا 2009

 

[Mohamed Abd El Gayed]

عادى جدا بس اهم حاجة العربية تبقى مكيفة وحديثة عشان الاعطال هتاخد صحراوى اسكندرية للقاهرة وبعدين طريق الكريمات بتاع الصعيد لاسوان .. بس خد بالك ان البنزينات فى طريق الصعيد قليلة فلازم تمون فى كل بنزينة تقابلك كل 100 كم مثلا حتى لو مش محتاج عشان تضمن انك متقفش على بنزين

 

[Gemy Casper]

صور العربية كدا

 

[Ahmed Nazeeh]

ينفع المسافه ٨٨٠ كيلو للقصر حتاخد منك ١٢ ساعه سواقه وهتريح مرتين ... متجريش امشى على ١٢٠ ... عملتها الشهر الفات... وتلاته ساعات كمان لاسوان ٢٠٠ كيلو وشويه من اقصر لاسوان

 

[Ahmed Hassan]

انا اخدت القاهره اسوان 950 ف 9 ساعات رست واحد ف المنيا
والرجوع 10 ساعات.
الموضوع متعب شويه بس ياريت يكون معاك حد يسليك عشان متنمش ف الطريق ورينا يسهلك طريقك.

 

[Essa Marsa]

حسب حالة العربيه ولو كنت ناوي خد الطريق الصحراوي الغربي

 

[Sherif Ahmed]

عادي انا عملتها قبل كده بس لغايه الاقصر

 

[Hisham Fahmy]

عادي بس متعبه
وياريت لو معاك حد يبدل سواقه معاك
تريح في القاهره وفي اسيوط وفي الاقصر
لو معاك اطفال بلاش تماما

 

[Hossam Stone]

ودي عايزة سؤال اكيد طالما في كرافان يبقى ينفع

 

[Hossam Stone]

محطات طبعا تبقى ممتازة

 

[اميره سليم]

تعب اوي

 

[Ezat Mahmoud]

مخ خربان... اركب طياره بلا عربيه بلا وجع راس ونفس المصاريه بس راحه غير شكل طبعا

 

[Osama Salm]

ظبط طياره احسن ساعتين تلاته بالكتير

 

[Hany Adel]

مفيش طيران مباشر من اسكندرية الى اسوان لازم ترانزيت فى القاهرة