A
Ahmed Abd El-sabour Ali
:: مسافر ::
انا من اسوان وسافرت علي طريق القاهرة اسوان دا اكتر من عدد شعر راسي ... بص هي متعبه لو انت مش متعود علي المسافات الطويلة بس لو بتسوق كويس ولمده 8 ساعات متواصل ف هتخد اسكندريه اسوان علي مرحلتين وتقف رست واحد انت هتنزل علي القاهرة عادي وبعدين تاخد طريق الكريمات بتاع الجيش طريق واسع ونضيف جدا وفيه كذا رست علي الطريق تقريبا هتوصل ف 12 ساعه لو سايق علي 140 مثلا... اهم حاجه تظبط عربيتك قبل ما تتحرك وتوصل بالسلامه ولو محتاج اي مساعده ف اسوان كلمني ☺
E
Eslam Elshikh
:: مسافر ::
خد الخلاصه
اي مكان في الدنيا تقدر تروح منه لأي مكان في الدنيا
المهم انت رايح تعمل ايه
يعني لو رايح رحله تتفسح و تقعد في اسوان فتره مش اقل من اسبوع او 10 ايام مثلا و ناوي تزور سوهاج او الاقصر و تعدي علي مدن الخط يبقا اوك
هتسافر براحتك و تستمتع و تريح في البلد اللي بتزورها شويه و تكمل رحلتك و هترجع مبسوط
.
لكن لو مسافر شغل او رايح صد - رد يبقا بلاش منه و مالوش لازمه حتي لو سيارتك مجهزة
هتتعب و مش هتنبسط
اي مكان في الدنيا تقدر تروح منه لأي مكان في الدنيا
المهم انت رايح تعمل ايه
يعني لو رايح رحله تتفسح و تقعد في اسوان فتره مش اقل من اسبوع او 10 ايام مثلا و ناوي تزور سوهاج او الاقصر و تعدي علي مدن الخط يبقا اوك
هتسافر براحتك و تستمتع و تريح في البلد اللي بتزورها شويه و تكمل رحلتك و هترجع مبسوط
.
لكن لو مسافر شغل او رايح صد - رد يبقا بلاش منه و مالوش لازمه حتي لو سيارتك مجهزة
هتتعب و مش هتنبسط
M
Mostafa Kenawy
:: مسافر ::
عادي جدا لو انت جريك كويس بالعربيه انا كنت بروح الاقصر وارجع في نفس اليوم هيا متعبة بس لاني متعود علي المسافات الطويله كنت باخد من القاهرة للاقصر في 5 ساعات ومن الاقصر لاسوان ساعتين وزود ساعتين اسكندرية القاهرة يعني مجموع 9 ساعات وممكن تاخدلك رستين في الطريق حلوين انا بحب اتحرك بالعربية احسن من القطر والتاكسيات هناك وده احلي حل علي فكرة بس اهم حاجه تفول العربية عند بوابة اسيوط علي طريق الجيش لان من اسيوط لحد الاقصر حوالي ساعتين مفيش بنزينات ولازم تتاكد ان عربيتك كويسة بس من وجهة نظري لو كل ده متوفر يبقي العربية احسن حل