A
Ahmed Tarek Aboelnour
:: مسافر ::
نخش علي كيب تاون بقى
كيب تاون ببساطه يا جماعه من احلى المدن اللي شفتها ف العالم حيث الطبيعه الخلابه و اللمسه الاوروبيه و الثقافه الافريقيه ❤
وصلنا المطار و كنا رايحين نأجر عربيه المهم دخلنا علي شركه Bidvest car rental
قولنلهم عايز احقر و ارخص عربيه اتوماتيك عندكوا ، المهم قالتلنا عندي عربيه ب٢٠٠ رند ف اليوم و العربيه hyndai i10 انا وقتها استغربت لأن مفيش i10 اتوماتيك بس قولت جايز هما هنا متقدمين و نزلتلهم اتوماتيك ، بعد م دفعنا و روحنا نستلم العربيه لقينها مانيوال ،، رجعنالها قولنلها العربيه مانيوال و احنا قايلنلك عايزين اتوماتيك ،، المهم فضلت تعتذر و المدير خرج قالنا احنا اسفين جدا بس هي حاسبتكوا علي سعر المانيوال قولنالوا احنا ملناش دعوه احنا كده يعتبر اتنصب علينا ،، بعد جدال طويل قالنا خلاص بدل م تدفعوا ٥٥٠ رند ف اليوم هنخليها ٣٠٠ و ده اقصى حاجه نقدر نعملها ،، المهم احنا وقفنا لان ده عرض كويس جدا و يعتبر محظوظين انتا لقينا السعر ده ،، اتحركنا علي بيت الست اللي كانت مستضيفنا ف بيتها ف مكان اسمه fish hoek ، انا مش هتكلم كتير عن الست و جوزها الناس دول قمه ف الاخلاق و الرقي ، اول م وصلنا البيت قالولنا اركنوا عربيتكوا و احنا هنفسحكوا ف عربيتنا عشان البنزين هنا غالي !!
رد فعلنا كان : مين اللي قدامي ده واحد معرفوش !!
غير طبعا الاكل الجنوب افريقي
اول يوم ده لفينا المدينه دي كلها و طلعنا الجبل و كانت المدينه تحفه بصراحه
تاني يوم بقي الست قالتلنا انا رايحه مدينه اسمها Hermanus دي بتبعد عن المكان اللي كنا فيه حوالي ساعتين ف قالت تعالوا معايا انا عندي ميعاد هناك كده كده و هخلص بعد ٣ ساعات تكونوا انتوا شوفتوا المدينه
المدينه دي يسكنها اغنياء جنوب افريقيا عموما و مشهوره بالحيتان لانك بتقدر تشوف الحيتان و هي بتنط ف المايه ، بليل بقي علي الساعه ٨ قررنا اننا ننزل مدينه Muizenberg و رجعنا علي الساعه ١٢ و محدش سرقنا ولا اي حاجه بردو
تالت يوم بقي كان اكتر يوم زحمه و ف كذا حاجه هنعملها ،، اول حاجه روحنا علي Cape point ⛰ و بالعربي هو رأس الرجاء الصالح اللي هي اخر نقطه ارض ف افريقيا كان مكان وهم بصراحه بس الدخول كان غالي نسبيا التكلفه : ١٣٥ رند للشخص
تاني حاجه مزرعه نعام مزرعه كبيره كده فيها نعام و فبها مطعم و محل هدايا
دخلنا المطعم طلبنا ستيك و برجر نعام الاتنين كانوا تحفه
تالت حاجه رحنا علي Table Mountain
هو جبل سطحي من فوق و من احلى الجبال اللي ممكن تشوفها ف حياتك غير ان متسمي بردو بجبل السحاب ، صعود الجبل بيستغرق حوالي ساعتين ، الغريب عن الجبل ده ان ف ناس كتير اوووي بتموت اثناء صعوده بسبب البرد الشديد ، الانزلاق من علي صخور الجبل ، و ف بعض السياح اختفوا تماما و ملقوش الجثث لحد دلوقتي !!
بعد م خلصنا الجبل قولنا نعمل حاجه جديده زي اننا نجرب نضرب نار
بصراحه كانت تجربه ممتازه الواحد كان أمير كراره ف نفسه المكان اسمه Gun Fun
و اخيرا مسك الختام Water front
المكان ده كان مرسى سفن عادي لحد من حوالي ١٥ سنه جيه رجل اعمال و قرر يطور المكان و يخليه واحد من اجمل مزارات كيب تاون ، المكان بأختصار حاجه كده زي كايرو فيستيفال بس مع فرق رهيب بسبب المناظر الطبيعيه
و طبعا مقدرش افوت ماتش للمنتخب زي
و ف الاخر وصلت ام الدنيا بسلام من غير م حد يسرقني او يقتلني او ياكلني او اي حاجه من حكاوي الناس اللي بتتكلم عليها
ملحوظه : محدش يسألني علي شغل لأني مش هقدر افيده عشان انا كنت رايح لمجرد سياحه بس ، و اللي عايز حجز مبدأي لطيران او فندق يبعتلي و انا هعملهوله و هساعده ف ورق الفيزا (كل ده ببلاش)
اخر حاجه سافروا يا جماعه و متحكمش علي حاجه غير لما تجربها او علي شعب غير لما تتعامل معاه ، كفايه عنصريه و قفل دماغ
و اتمنى كل الناس انها تقدر تسافر و انا هياعد بكل اللي اقدر عليه ان شاء الله
مش عايز غير الدعاء بس مقابل افاده الناس
كيب تاون ببساطه يا جماعه من احلى المدن اللي شفتها ف العالم حيث الطبيعه الخلابه و اللمسه الاوروبيه و الثقافه الافريقيه ❤
وصلنا المطار و كنا رايحين نأجر عربيه المهم دخلنا علي شركه Bidvest car rental
قولنلهم عايز احقر و ارخص عربيه اتوماتيك عندكوا ، المهم قالتلنا عندي عربيه ب٢٠٠ رند ف اليوم و العربيه hyndai i10 انا وقتها استغربت لأن مفيش i10 اتوماتيك بس قولت جايز هما هنا متقدمين و نزلتلهم اتوماتيك ، بعد م دفعنا و روحنا نستلم العربيه لقينها مانيوال ،، رجعنالها قولنلها العربيه مانيوال و احنا قايلنلك عايزين اتوماتيك ،، المهم فضلت تعتذر و المدير خرج قالنا احنا اسفين جدا بس هي حاسبتكوا علي سعر المانيوال قولنالوا احنا ملناش دعوه احنا كده يعتبر اتنصب علينا ،، بعد جدال طويل قالنا خلاص بدل م تدفعوا ٥٥٠ رند ف اليوم هنخليها ٣٠٠ و ده اقصى حاجه نقدر نعملها ،، المهم احنا وقفنا لان ده عرض كويس جدا و يعتبر محظوظين انتا لقينا السعر ده ،، اتحركنا علي بيت الست اللي كانت مستضيفنا ف بيتها ف مكان اسمه fish hoek ، انا مش هتكلم كتير عن الست و جوزها الناس دول قمه ف الاخلاق و الرقي ، اول م وصلنا البيت قالولنا اركنوا عربيتكوا و احنا هنفسحكوا ف عربيتنا عشان البنزين هنا غالي !!
رد فعلنا كان : مين اللي قدامي ده واحد معرفوش !!
غير طبعا الاكل الجنوب افريقي
اول يوم ده لفينا المدينه دي كلها و طلعنا الجبل و كانت المدينه تحفه بصراحه
تاني يوم بقي الست قالتلنا انا رايحه مدينه اسمها Hermanus دي بتبعد عن المكان اللي كنا فيه حوالي ساعتين ف قالت تعالوا معايا انا عندي ميعاد هناك كده كده و هخلص بعد ٣ ساعات تكونوا انتوا شوفتوا المدينه
المدينه دي يسكنها اغنياء جنوب افريقيا عموما و مشهوره بالحيتان لانك بتقدر تشوف الحيتان و هي بتنط ف المايه ، بليل بقي علي الساعه ٨ قررنا اننا ننزل مدينه Muizenberg و رجعنا علي الساعه ١٢ و محدش سرقنا ولا اي حاجه بردو
تالت يوم بقي كان اكتر يوم زحمه و ف كذا حاجه هنعملها ،، اول حاجه روحنا علي Cape point ⛰ و بالعربي هو رأس الرجاء الصالح اللي هي اخر نقطه ارض ف افريقيا كان مكان وهم بصراحه بس الدخول كان غالي نسبيا التكلفه : ١٣٥ رند للشخص
تاني حاجه مزرعه نعام مزرعه كبيره كده فيها نعام و فبها مطعم و محل هدايا
دخلنا المطعم طلبنا ستيك و برجر نعام الاتنين كانوا تحفه
تالت حاجه رحنا علي Table Mountain
هو جبل سطحي من فوق و من احلى الجبال اللي ممكن تشوفها ف حياتك غير ان متسمي بردو بجبل السحاب ، صعود الجبل بيستغرق حوالي ساعتين ، الغريب عن الجبل ده ان ف ناس كتير اوووي بتموت اثناء صعوده بسبب البرد الشديد ، الانزلاق من علي صخور الجبل ، و ف بعض السياح اختفوا تماما و ملقوش الجثث لحد دلوقتي !!
بعد م خلصنا الجبل قولنا نعمل حاجه جديده زي اننا نجرب نضرب نار
بصراحه كانت تجربه ممتازه الواحد كان أمير كراره ف نفسه المكان اسمه Gun Fun
و اخيرا مسك الختام Water front
المكان ده كان مرسى سفن عادي لحد من حوالي ١٥ سنه جيه رجل اعمال و قرر يطور المكان و يخليه واحد من اجمل مزارات كيب تاون ، المكان بأختصار حاجه كده زي كايرو فيستيفال بس مع فرق رهيب بسبب المناظر الطبيعيه
و طبعا مقدرش افوت ماتش للمنتخب زي
و ف الاخر وصلت ام الدنيا بسلام من غير م حد يسرقني او يقتلني او ياكلني او اي حاجه من حكاوي الناس اللي بتتكلم عليها
ملحوظه : محدش يسألني علي شغل لأني مش هقدر افيده عشان انا كنت رايح لمجرد سياحه بس ، و اللي عايز حجز مبدأي لطيران او فندق يبعتلي و انا هعملهوله و هساعده ف ورق الفيزا (كل ده ببلاش)
اخر حاجه سافروا يا جماعه و متحكمش علي حاجه غير لما تجربها او علي شعب غير لما تتعامل معاه ، كفايه عنصريه و قفل دماغ
و اتمنى كل الناس انها تقدر تسافر و انا هياعد بكل اللي اقدر عليه ان شاء الله
مش عايز غير الدعاء بس مقابل افاده الناس