انا سافرت تركيا تلات مرات قبل كده اخر مرة كان...

[Ramy Salah]

انا سافرت تركيا تلات مرات قبل كده اخر مرة كان من سنة ونص . فالاجراءات بالنسبه لى كانت معروفة . حتى الموافقه الامنيه كنت بطلعها بسهوله مفيش مشكله والموضوع كله بياخد حوالى ١٠ ايام ..

المرة دى استغبيت وروحت حجزت التيكت من على موقع الشركة على يوم ٦ اكتوبر والعودة ١٦ على aegean airline ب ٤٠٠٠ مصرى وامبارح اكتشفت ان اجراءات الفيزا اتغيرت . وبقى لازم الاول تحجز ميعاد مقابله بالسفارة وده مبيكونش قبل شهر او ٤٥ يوم . فطبعا كده انا مش حلحق خالص اسافر فى الميعاد اللى حجزت فيه . كلمت المكتب بتاعهم الوحيد فى مطار القاهرة . قالولى انه المكتب مبيغيرش مواعيد ولا بيلغى الرحلة طالما انت حجزتها من الموقع .

فعلا انا مش عارف اتصرف ازاى . مش عارف اتعامل مع الموقع ده غير انى مش عارف هل فى امكانيه انه اقدر اوصل لشركة سياحة تقدر تطلعالى فى الفترة دى ؟؟

اتمنى تساعدونى لان الموضوع احبطنى بشكل رهيب

 

[Ahmed Elsebaey]

Up

 

[Hassan Kamal]

جرب شركات السياحه اللي في وسط البلد ممكن يكون فيهم اي وكيل سياحي لaegean

 

[Hazem Badr]

باشا ... شركات السياحة تجيب لك موعد قريب مع السفارة ... لا تقلق

 

[Elsayed Mahmoud Elshoky]

ممكن لو سمحت Ramy salah .اعرف تليفون الايجيه والعنوان الرئيسي ف القاهره

 

[Ahmed Elshaer]

اوصل ل ايميل خدمه العملاء وابعت عليه وياريت لو في رقم تلفون ممكن تشتري باقه دقايق من skype وتتصل بخدمه العملاء دولي هتكون ارخص من انك تكلمهم موبيل حصلت معايا وطلع مكتب الخطوط ف انجلترا بس والحمدلله عرفت اوصل معاهم لحل

 

[Ahmed Kamal Mezo]

ان شاء اللة ربنا يسهلاك الاموار

 

[Nader Hassan]

اول حاجة خلبنا نشوف المواعيد المتاحة في السفارة، انا ممكن اساعدك اني اخداك الميعاد اونلاين على الموقع الخاص بيهم او ممكن تبعتلي على الخاص رقم تليفونك وان شاء الله خير

 

[Esraa Mahmoud]

شركات السياحه او فى مكتبه فى الشارع اللى قصاد السفارة بيبقوا معاهم مواعيد انا صحبتى جابت معاد تانى يوم ودفعت 1000ج

 

[Mohamed Ibrahim]

طلع فيزا شنحن

 

[Marwa Elkomy]

Mohamed Kassab

 

[Ahmed Mahmoud]

شوف حد في السفارة

 

[Bassant Hosny]

طب ممكن سؤال بخصوص تركيا
هيا تركيا عنصرية و فيها عادات شرقية و الجو ده ولا عادي

 

[Shehab Aladdin]

تعال في حضن أخوك