جماعه، انا محتاجه مساعده ضروري، بس يا ريت اللي...

[Wael Ragab]

جماعه، انا محتاجه مساعده ضروري، بس يا ريت اللي يجاوب يكون متأكد من الاجابه..

سفر تركيا بترانزيت ساعتين في اثينا علي الطيران اليوناني محتاج فيزا شنجن ولا لا؟؟
الاجابه المنطقيه لا، بس في حد طلع اشاعه ان مش هيطلعوك من المطار وانا بصراحه محتار..

انا سافرت برا كذا مره بس دي اول سفر يبقي فيه كميه الاشاعات دي.. وكميه العك ده!!!! من الفيزا للتصريح للترانزيت، عك حتي الركب

 

[Hend Salem]

المفروض لا
لكن ارجع او ارجعى لشركة الطيران اللى مسافر عليها هم اللى بايدهم الموضوع

 

[Ahmed Saeed]

فيزا شنجن لايه ؟
الساعتين الترانزيت هتقضيهم ف المطار و دي منطقة محادية مش محتاجة تصاريح او تأشيرات

 

[Shady Mohamed Safwat]

انت مش خارج اصلا مش هتحتاج فيزا الا لو هتعدى جوازات بس كدة..

 

[Wael Ragab]

والله يا جماعه المفروض والمنطقي اني مش هحتاج فيزا لاني مش هطلع من المطار، بس زي ما قولت حد مطلع الاشاعه دي هنا ع الجروب وبيقول ان ده بسبب ان المصريين بيهربوا في اثينا، وانا مش فاهم ازي يهرب وهو مش هيعرف يعدي من الجوازات اصلا !!!! بالعكس تماما لو معاه فيزا هيبقي اسهل له انه يهرب :-D :-D

 

[Ahmed Saeed]

لا صعب جداً ! مطار اتينا رخم جداً ، دول مش بيدخلوا علبة سجاير زيادة .
لا سيبك م الهري ده واتبسط ف تركيا

 

[Ahmed Younis]

لازم تنزل ترانزيت قهوة مكسيكو تاخد موز باللبن

 

[Mohamed Eltonsy]

لازم تاشيرة في دوله الترانزيت لانها حصلت معايا كنا مسافرين النمسا وللاسف الطيارة كانت حتعمل ترانزيت في ايطاليا ومعرفناش نسافر علشان سفارة النمسا كانت مديانا تاشيرة مش شينحين ياعني منقدرش نخش بيها اي دوله تانيه من الاتحاد الاوروبي وللاسف مسافرناش

 

[Mohammed Mahmoud Dawod]

لازم شنجن وخلى بالك أن تذاكر الطيران اليونانى رخيصه بس غالبا لاتسترد فى حالة عدم السفر

 

[محمد الجزار]

اسال شركة الطيران وابعت لسفارة اليونان. في دول بتطلب فيزا ترانزيت من مواطنين بعض الدول حتى لو مش حيخرجوا من المطار زي انجلترا مثلا المصريين لازم ياخدوا فيزا ترانزيت لو حينزلوا لندن ترانزيت رغم انهم مش حيخرجوا من المطار. مش عارف ايه نظام اليونان فتأكد من السفارة و شركة الطيران

 

[Wael Ragab]

طيب ، القول الفصل...

انا لسه مكلم ايجين ايرلاينز في مصر وسألته عن حاجتين والاجابه كالتالي:
1- طالما الوجهه النهائيه مش دوله شنجن، فالمسافر مش محتاج فيزا شينجن.. يعني لو مسافر تركيا مش هتحتاج فيزا شنجن للترانزيت في اثينا.
2- ساعه واحده ترانزيت في اثينا كفايه لتبديل الطياره في المطار لان الجيت قريب من بعضه.

وعليه، محدش محتاج فيزا ترانزيت في اليونان لو مسافر تركيا..

 

[Hassan Elkuwaity]

المعلومه انهم بيخافوا حد يسافر علي طيران اوروبي من غير حتي ترانزيت فيزا علشان الناس اللي بتستغل الموضوع و تهرب فالترانزيت . لكن طبعا الأفضل تسأل الخطوط بدل ما تسافر و توصل اثينا و يرجعوك بتذكره العوده بتاعتك من هناك و يضيعوا التذكره عليك

 

[Refaat Hanna]

Mohsen Nagy