اللي حصل بالظبط كالآتي كنا رايحين من القاهره ع شرم فندق مارتيم جولي فيل جولف كلمتني مندوبة الشركة الساعة ١٢ باليل نزل معايا فندق سي كلوب افضل هو أغلى ٣٠٠ ج بس هتطلعوا بنفس السعر اللي دفعتوه اصل الفندق لسه فاتح جديد و اول تجربه لينا و نظيف جداً و هيعجبك ... و انا بحجز سالت ع الباصات قالت مرسيدس ٦٠٠ ... الاوض ع البحر سي فيو تمام ... اروح الموقف ألاقي باص مرسيدس ٦٠٠ و باص ﺗﺎني أقل ما يقال انه معفن نوعه مان و مع ذلك ركبنا انا مش هبدأ بمشاكل ... كان عليا ١٠ الآلاف المندوب طلبهم حالاً في الباص و طلعتهم و خدهم ... الباص المقرف ماشي بينا ١٣ ساعه في الطريق بسبب ٢ سواقين بيبدلوا و ماشين ع سحلفه ... رحنا و وصلنا و احنا بنلبس الأساور ألاقي مدير الفندق بيقول الشركه حاجزه يوم واحد بس و بكره تدفع التاني و بعده الثالث و هكذا ... ناس اعترضت و قالت ﺍﺯﺍي و افرضوا مشيوا و مشوفتهومش ﺗﺎني قال يبقى انتوا بره ... جت شرطة السياحة خدت بطاقة المندوب و تعهد انه هيجي يدفع الفلوس من صاحب الشركه و المندوب ... قضينا اول يوم داخلين الغرف الساعه ٩ باليل ... نتفاجأ الصبح مدير الفندق قفل الغرف الشركه مبعتتش الفلوس و انا قفلت الغرف طب هنروح بلبس البحر قال لا هما كلموني قالوا نص ساعه و هيبعتوا هفتح ليكم لحد ما يجبوها فتح و في العشاء قفلها ﺗﺎني و قال معلش انتوا كده بره هي دفعت النهاردة و انا سيبتكم اكرام مني لحد ميعاد الدفع و مش هتدفع بكره و جاب شرطة السياحة خوفاً من المشاكل ... تخيلوا بقى المنظر القذر و شرطة السياحه بتفتح الاوض عشان تلم حاجاتك منها و أتعمل محضر الظابط رفض يدينا رقمه مندوبين الشركه مشوفناش وشهم ﺗﺎني حجزنا جو باص ١ باليل و راجعين اهو في الطريق كل اللي معايا في الباص الناس اللي كانت معايا في الرحله ... في ناس نزلت في مارتيم مغيرتش مدير الفندق كتر خيره بيتهم للصبح منعاً ان يتبهدلوا
بلوم ع الفندق في ان ﺍﺯﺍي فوج يجي و هيقعد يوم مفروض حصل دا ارفض نزول الفوج أنما متحجزش و تقنعني ان عادي الشركه هتدفع و اهدوا ... حسبي الله و نعم الوكيل كفاية الاذى النفسي و البدني اللي احنا فيه
