بعد التحية للكل ،انا عندى مقابلة فى السفارة...

[Emad Yousry]

بعد التحية للكل ،انا عندى مقابلة فى السفارة الامريكية قريبأ (سياحة) فى اى نصايح تفيدنى وشكرآ لتعبكم.

 

[Iman Mohamed Adel]

لما سافرت كندا كانو قالولي لو سالوكي تحبي تعيشي هناك الرد يكون لا طبعا هي بس سياحه و انا مقدرش ابعد عن بلدي و شغلي في مصر علشان يضمنو انك حتروح و ترجع انما لو قلت احب اعيش هناك مش بيدوك الفيزا و بيخافو

 

[Nona Lamoo]

احفظ الكلام اللي في فيلم ,عسل اسود ,لما واحد راح السفارة الامريكية .بجد مش بأهزر

 

[Ahmed Elbasha]

/Ahmed Elbasha

 

[Mo'men Akram]

لازم السبب اللى بتقدم عشانه يكون واضح محدد يعنى مش رايح اتفسح و خلاص, مثلا رايح مؤتمر او رايح المكان الفلانى و لازم تذكر المكان, دزنى لاند مثلا او تايم اسكوير او مانهاتن... خلى كلامك محدد

 

[Sam Samman]

في سؤال مهم. لجميع طالبي فيزا سياحية لأمريكا. ... ليه مش عايز تسافر اليابان. .مثلا. ..ولو عرفت ترد ابقي بلغني

 

[Youssef Nour]

بص يا بيه.. اول ما تدخلهم كلمهم من طرف مراخينك "باستكبار يعني" وحاول تقول الكلام بشكل سليم من غير تهته او تردد

 

[Assem Mohamed]

يا جماعه اي حد دخل انترفيو السفاره الامريكيه يقولي بكلمهم من تليفون ولا من ورا شباك وهل بكون قاعد علي كرسي ولا طول المقابله واقف بجد الاسئله دي مهمه بالنسبالي

 

[Arbia Zaied]

لو مقدم لوحدك ، حضر اسم حد تعرفه عنده فيزا امريكا ، لانه انا سألني مرتين: مسافرة مع من؟؟ قلت له صديقة .... سألني اسئلة اخرى و رجع سألني مسافرة مع صديق ام صديقة؟؟ قلت له صديقة
لقيته قالي رحلة ممتعة

 

[Mahmoud Ali Aldin]

القصه دى بتكلف كام

 

[Mohamed Hassan Mohamed]

اهم نصيحة كن صريح و لا تحاول الكذب و النصيحة التانية كن هاديء و لا تعطى اجابات مطوله بدون داعى.

 

[Moe Gad]

يا جماعه اهم شى الصراحه. انا اخدت الفيزا ومكملتش فى الانترفيو دقيقه والله. بالتوفيق للجميع

 

[Kævën Tæwêüqê]

ايدك جنبك ماتحركش ايدك وانت بتتكلم عينك في عينه جاوب علي قد السؤال اتكلم بهدوء جاااامد ابتسم
في سؤال بيقول هاتصرف كام هناك تقوله اللي هاتصرفه بالدولار
سافرت فين قبل كده؟؟؟
سافرت امريكا قبل كده؟؟؟
عندك قرايب هناك؟؟؟
رايح فين في امريكا؟؟؟
أشمعني رايح المكان ده؟؟؟
متجوز؟؟؟
عندك اولاد؟؟؟؟
شغال ايه؟؟؟؟
دخلك كاااام؟؟؟
عندك املاك؟؟؟
وريني البنك اكونت بتاعك؟؟
هاتقعد كام يوم هناك؟؟؟؟
هي دي الأسأله

 

[Wael Ben ElDeeb]

Up

 

[Karam Mahmoud]

الاجابة على قد السؤال

 

[Emad Yousry]

متشكر جدأ من كل قلبى ربنا يبارك فى الجميع بجد.

 

[Khaled Ali Abdelwahab]

خليك صادق و جاوب علي اد السؤال بصدق لان اللي هيسالك عارف الاجابه و لكن عايز يسمعها منك انت

 

[Islam Mohamed]

اعمل من بنها وانك لفيت العالم كله جمصه وراس البر وبلطيم والمنوفيه واسوان ومخلي الزتونه للاخر.

 

[Boody Er-Rawy]

خليك صريخ وما تفتشيش وما يبقاش حسابك في 30 الف وحاجز في لاس فيجاص عدي عليهم اشكال والوان واتهرشنا جوة خلاص