عندي استفسار بخصوص الحجز من Booking هل بيكون...

  • بادئ الموضوع بادئ الموضوع Shaymaa Riaad
  • تاريخ البدء تاريخ البدء
انا جربته خارج مصر و داخل مصر و ماقابلتش و لا مرة اي مشكلة
اهم حاجه حضرتك تبصي كويس في شروط الدفع ساعات بيبقه في شروط من الفندق نفسه انه لازم يخصم جزء و ساعات لأ.
و تاخدي بالك من السعر شامل ايه و غير شامل ايه و تحسبي اللي مش شامله علشان تعرفي إجمالي السعر كام؟
لان الاغلبيه بيبقه ال VAT مش محسوب و ساعات في مصاريف خدمة لكل ليله لكل فرد بتبقه برة الحساب.
بس كل دة بيبقه مكتوب و ممكن يتحسب عادي.
 
لو الحجز بالدولار حاولي لما تحجزي تدفعي لاني حجزت عن طريقه وكان الليله ب65 دولار وقت ما كان الدولار 8.88 حاولت ادفع وقتها معرفتش لما روحت كان الدولار اتحرر دفعت فرق 1500 تقريبا بس بصراحه الناس هناك عوضوني الحجز كان فيوو جزئي لما حصل كده ادوني فيو كلي
 
بوكينج موقع محترم جدا جدا ... جربته جوا مصر وبرة مصر ... المهم قراءة الشروط جيدا... وكمان قراءة تعليقات الناس على المكان لان الصور خادعة في اغلب الأحيان
 
حسب اشتراطات الدفع مش بيزيد عنها، يعني لو booking شامل الضرائب والخدمة يبقى مفيش اي زيادة بتدفع والاسعار زي حجز الفندق مباشرة واحيانا اقل وقليلا بتبقى اكتر وكمان كتير بيعملوا upgrade للي حاجز من booking
 
بوكنج من اكثر المواقع المحترمه في الحجز - أسعاره كويسه و بيكتب كل التفاصيل - لازم تقراي كل التفاصيل بتاعه الحجز - حتي بيكتبلك مساحه الغرفه و الحاجات الموجودة فيها بالتفصيل.
انا باستخدمه علي الاقل مره في الشهر بقالي تقريبا ٨ سنين في اكثر من بلد مفيش و لا مره عملي مشكله الا في مصر - فندق مريديان الهرم - كنت نازل و طلبت يبعثولي تاكسي للمطار يستقبلني - مفيش حاجه جت.
اخذت تاكسي بنفسي و رحت الأوتيل قالولي مفيش حجز باسمك و بعد خناق نزلوني في اوضه حمامها بايظ.
كتبت شكوي لبوكنج رجعولي فلوسي و دفعولي تمن التاكسي اللي وصلني.