عندي استفسار بخصوص الحجز من Booking هل بيكون...

[Shaymaa Riaad]

عندي استفسار بخصوص الحجز من Booking هل بيكون حجز مؤكد فعلا ولا في حد بيقابله مشاكل وبيطلع مش Confirmed مثلا لما يروح هناك ؟
بالنسبه لو في حد جربه في الحجز هنا داخليا زي الغردقه وشرم هل بيكون السعر اللي طالع هو فعلا اللي بتتحاسب عليه فعليا لما تيجي تحاسب ولا بيكون في اضافات اةًاختلافات كبيرة؟

 

[Ahmed Abdel-Moniem]

La mafiohosh ai moshkela ..
ana garabto bara masr .. bey5do 10% mel 7esab wel ba2i bettdf3aieh lama betro7i henak
La mafish ai zeiadat

 

[Mostafa Kamal]

م

 

[Sara Elgamasy]

بالنسبالي كان سئ جدا بياخد اكتر من الحجز العادي لو من الفندق نفسه حوالي 200/300 جنيه وكمان مش كل حاجك بتبقي متأكدة يعني ممكن تحجزي غرفه ديلوكس تلاقيها ستاندرد مثلا ويقولك مفيش امكانيه او مثلا تيقي مطلة علي حاجة الاقيها علي حاجة تانيه دا غير انهم بياخده ضرايب وحاجات تانيه كدا زيادة الاحسن تدوري علي رقم الفندق نفسسه وتحجزي مباشرة او تبع شركة سياحة وبيخصمولك الانتقالات لو مش عايزه تروحي معاهم وبيزودولك ليالي لو عايزه تزودي عن 3 ليالي وبيبقوا ارخص من الفندق نفسه لان بيبقي فيه deal مابينهم

 

[Shaimaa Mohsen]

انا جربته في راس سدر كان كويس جدا اخدت الليلتين ب 1600 وكانت الليلتين لو حجزتهم من القريه مباشرة ب 1800

 

[Bassant Mahmoud]

السعر الي مكتوب في booking بيكون غير شامل الضريبه يا شيماء

 

[Karim L Maghraby]

الايميل بتاع الكونفرميشن الي بيوصلك هو هو الايميل الي بيوصل للفندق
بس لازم تقري شروط الفندق و شروط الغرفه كويس جدا
لأن أي مشكله بتحصل بتكون تحايل من الفندق علي النزلاء لجهلهم ببعض الشروط او عدم وضوح بعض الشروط
علشان كده انا بتصل بالفندق نفسه اتأكد ان الحجز كونفيرمد و بنفس الشروط و بنفس السعر
خدي بالك ان في ارقام بوكينج ملوش دعوه بيها
و هي ١٥٪ قيمه مضافه و ضريبه سياحه

 

[Hend Salem]

طول عمرى باحجز من عليه و مافيش مشاكل
بالنسبة لموضوع السعر لو الضريبة مضافة و السعر نهائى بيقول لك
و لو فى ضرايب هتدفع فى الفندف برضو بيكتب لك ان ده مش سعر نهائى

 

[Nehal Hassaneen]

بتعامل معاهم بره وجوه مصر وهايلين مفيش مشاكل
احيانا الاخطاء بتيجى من ان الشخص بيبقى اتلخبط وحجز حاجة غير اللى هو عايزها
ومفيش مليم بيتدفع زيادة عن اللى الموقع كاتبه واحب اقول ان فيه ناس مش بتركز وهى بتحجز فى كل الكلام المكتوب (بيبقى مكتوب السعر شامل الضرايب ولا لأ) ويرجعوا بعد كده يقولوا ازاى يدفعونا اكتر وبتبقى الحقيقة انهم مقروش كل الشروط والمبالغ اللى هتدفع

 

[Shaymaa Riaad]

يعني اتكل عالله واحجز منه عادي هو موضحلي بس انه القيمة المضافه not including

 

[Sara Abass]

مبيبقاش فيه ضريبة القيمه المُضافة ١٤٪‏ ورسوم المدينة ١٪‏ بس بيكتبولك. كده اثناء الحجز وكمان أسعار الفنادق الكبرى مستحيل تبقى اقل منه لأني سألت كتير اوي واتصلت بالفنادق بس الفندق بيقولك السعر شامل كل الضرايب
الأرخص فعلا شركات السياحه لأنهم بيكونوا واخدين عروض حلوه من الفنادق بس اغلب الفنادق الكبيرة اوي مش هتلاقيها في شركات السياحه

 

[Radwa Farouk Ismail]

F mara kont 7agza mano f alex w 3amal moshkla f 7agz l room ma ban single w double

 

[Nehal Hassaneen]

ياريت كل اللى يحجز من بوكينج يعمل حاجة بسيطة انه يطبع صفحة الحجز وياخدها معاه وهو رايح الاوتيل
وبكده لو حصلت مشكلة يقدر يشوف هل الغلطة منه انه مركزش وهو بيحجز ولا الغلط من بوكينج او الاوتيل
وبكده يقطع الشك باليقين

 

[Mary Nassif]

هو هو السعر وبيبقي مؤكد وسافرت كثير عن طريقه ، بعد ما تحجزي بيوم اتصلي بالفندق وتتأكدي منهم برده ان تم الحجز ولا ايه .
خدي بالك هتضيفي 14% ضريبه قيمة مضافه

 

[Randa Moneer Gharib]

هو هو نفس السعر اللي بيظهر والحجز بيكون اكيد موقع كويس جدا

 

[Badr El Halfawy]

مع الاوتيلات الكبيره غالبا السغر بيكون غير شامل ضرايب .. فكان بالنسبه ليا الحجز عن طريق الفندق افضل..ولو ان في الاخر بتبقي قريبه جدا .. بس مره حجزت عن طريق بوكينج و روحت الاوتيل كلله كان تمام بس الريسبشن اكدلي اني لو كلمتهم كنت خدت سعر احسن و غرفه افضل .. هل بقه الكلام ده صح وللا اشتغاله بصراحه مش عارف

 

[Shaimaa Saleh]

نصيحه booking ده اشتغاله و اغلي من بو حجزت مع الفندق نفسه

 

[HaNi Muhammet HaMed]

feh taxes

 

[Diaa Mohamed]

م

 

[Heba Elhoseny]

انا حجزت منه الغردقه وفعلا نفس السعر وشامل الضريبه والميل بيوصلك للتاكيد وسعره ارخص من حجز شركه او الفندق نفسه