A
Ahmed Hussein
:: مسافر ::
انا بدات اكتب عن تجربتى للمالديف بس نظرا للظروف ما مكملتش فالبوست دا انا هاكتب فيه كل حاجه بالتفصيل حصلت معايا و ايه الحاجات الى تتعمل هناك و التكاليف و لو حد عنده اي سؤال او استفسار اقدر اساعده بيه.
اولا المالديف عباره عن مجموعه جزر على المحيط الهندى المالديف زمان كانت السياحه بس على الجزر السياحيه و المنتجاعات الى بنشوفها فى الصور بس بعد كدا طلع هناك قرار سمح ان يكون فيه سياحه فى الجزر المحليه و دى جزر بيعيش عليها سكان من اهل البلد و معظمها بيكون فيه نفس النشاطات الى ممكن تتعمل فى المنتجاعات و بتكون ارخص بكتير احسن الجزر المحليه الى عليها سياحه هى جزيره مافوشى لان فيها انشطه كتير و مختلفه عن باقى الجزر المحليه .
التاشيره :- المالديف ملهاش تاشيره دخول كل الى مطلوب منك جواز سفر و حجز فندق و حجز طيران عوده و 20 دولار بيتدفعو عند الدخول و بتاخد تصريح دخول بمده 30 يوم انا لما روحت محدش طلب منى ولا شاف حتى اى حاجه من الحاجات دى بس بردو اعمل حسابك عليها علشان لو حصل تغير .
العمله :- هى الروفيه ال15 روفيه بتساوى 1 دولار
اهل البلد:- الديانه الرسميه هناك هى الديانه الاسلاميه و الخمور ممنوعه على الجزر المحليه و الناس معظمهم هناك طيببن جدا و لو سالت على اى حاجه الناس كلها هاتكون حابه تساعدك بس دا ميمنعش ان اكيد فى فئه مستغله للاجانب بس دى قليله جدا تكاد لا تذكر
اللغه:- لغتهم اسمها الديفيهى نادرا لما هتلاقى حد بيعرف يتكلم عربى بس لو بتتكلم انجليزى هاتقدر تتعامل هناك كويس
المناخ :- هناك الهاى سيزون او الصيف عندهم بيبدا من شهر 12 لشهر 5 ..... الشهور التانيه من شهر 6 للشهر 11 دى السيزون القليل بس دا اه ممكن يكون شتاء بس مش بيكون متواصل و الدنيا شتت وانا هنتك كذا مره بس بردو بيكون فيه شمس و الدنيا بتكون حر بردو و فى الغالب الوقت دا مناسب جدا للى بيدور على اسعار رخيصه سواء طيران او اقامه
الطيران:- حجزت مع فلاى دبى من على سكاى سكانر ذهاب و عوده ب 3500 جنيه و بردو كل ما نحجز بدرى اكتر كل ما السعر يكون احسن
الاقامه :- انا بصراحه مبدورش فى ابلكيشن واحد بدور فكتير زة بوكينج و اجودا و كياك علشان اقارن علشان فى الغالب لقيت الاسعار بتختلف من ابلكيشن لابلكيشن تانى و احنا طبعا اولى بفرق السعر دا الاقامه هناك هتلاقى حاجات كتير اوى لو هتعقد فجزيره سياحيه فى الاكواخ الى عالبحر دى الليله هناك هتكون تقريبا ب 900 دولار و ممكن اقل و فى اكتر من كدا كمان لو هتعقد فجزيره محليه ففى جيست هاوس بيبدا من 119 جنيه و انت طالع الجزيره الى انا كنت عليها كانت الليله ب 47 دولار شامله الفطار و العشاء "equator beach inn" و دا تقريبا كان اقل سعر هناك و الجيست هاوس كان لطيف جدا و الاسطاف كويس حاول تحجز بفطار و عشاء علشان هيخليك تكبر دماغك من ان انت تنزل تدور على اكل و كمان هيكون اوفى بكتير من انك تاكل فى اى مطعم لان اقل وجبه عشاء هناك بتكون ب 10 دولار او 15 دولار بس الفندق تقريبا بتكون 40 دولار من غير عشاء و 47 بالعشاء فانت اولى طبعا بالفرق دا الخمس ليالى كانو ب 2000 جنيه
وسائل الانتقال :- فى اكتر من وسيله ارخصهم المركب العامه دى اول ما بتوصل المطار شغاله دايما بتاخدك من المطار للعاصمه فعشر دقايق تكلفتها 10 روفيه يعنى حوالى دولار الا ربع بتوصل مالى تاخد تاكسى ب 35 روفيه يوديك مكان فيرى تانى و من مالى لمافوشى فى فيرى تانيه بتروح بيكون تكلفتها 30 روفيه يعنى حوال 2 دولار و نص بس الفيرى دى مش شغاله 24 ساعه فبتدخل تعرف مواعيدها من الموقع دا www.mtcc.com.mv و السعر بيختلف من جزيره للتانيه فى كل وسايل الموصلات.... تانى و سيله موصلات هى speed boat دى ممكن يكون ليها 3 او اربع مواعيد فى اليوم و دى بتكون ب 20 دولار فى private boat دى تقريبا ب 100 او 150 دولار و فى طياره ب 200 او 250 دولار
الحاجات الى تتعمل هناك :- اولا هناك لما تروح هتلاقى اماكن ياما بتعمل الحاجات دى بس دايما اسال فكذا مكان علشان تجيب السعر الاقل او حاجه عملتها هى الاسنوركينج بتروح مكانين غير بعض بspeed boat و بتروح ساند بنك ب 30 دولار لو عايز تقضى day use فى resort ب 100 دولار شامل الغدا و مشروبات طول اليوم دايفنج لو انت عملت دايفنج قبل كدا ب 45 دولار لو لسه اول مره هيكون ب 60 دولار night fishing ب 25 دولار شامل العشاء و فى اكتيفتيز كتير تانيه فى water sports ممكن تاجر boat ب 10 دولار فى الساعه و ممكن براشوت و 60 دولار و فى حاجات تانيه كتير
مجموع مصاريفى من اول مطلعت من البيت يوم 11 سبتمبر لحد 19 سبتمبر شامل الطيران و الفندق و المصاريف الى هناك كان حوال من 8000 جنيه ل 9000 جنيه
نصايح عامه:- متعقدش هناك اكتر من 5 او 6 ايام بالكتير المكان مناسب جدا لو انتو couple لو انت لوحدك و عملت صداقات هناك هتستمتع جدا بس مش مفضله لو انت هاتفضل المده كلها لوحدك علشان ممكن تحس بملل الا لو انت بتفضل دا بقى.... اعمل debit card قبل متسافر او اى حاجه تخليك تسحب فلوس او تحاسب وانت برا مصر انا بصراحه مفهمش فى الموضوع الكروت دا جدا بس عملت كرت متعلق بحساب والدى بيدينى ليميت اصرف بيه لو عملته او عملت اى حاجه شبيها بيه حاول تحاسب بيه على كل حاجه علشان تحاسب بسعر الدولار الاقل الى هو 8.8 علشان هتلاقى فرق كبير اوى معاك فى الاخر...... اسال كتير اسال كتير اسال كتير و متكسلش و متكتفيش بمكان واحد بس ..... اخر حاجه اقدر انصحك بيها اتاكد من مواعيد الفيرى قبل متوصل علشان متكلفش نفسك ليالى زياده عالفاضى فى فنادق .
اولا المالديف عباره عن مجموعه جزر على المحيط الهندى المالديف زمان كانت السياحه بس على الجزر السياحيه و المنتجاعات الى بنشوفها فى الصور بس بعد كدا طلع هناك قرار سمح ان يكون فيه سياحه فى الجزر المحليه و دى جزر بيعيش عليها سكان من اهل البلد و معظمها بيكون فيه نفس النشاطات الى ممكن تتعمل فى المنتجاعات و بتكون ارخص بكتير احسن الجزر المحليه الى عليها سياحه هى جزيره مافوشى لان فيها انشطه كتير و مختلفه عن باقى الجزر المحليه .
التاشيره :- المالديف ملهاش تاشيره دخول كل الى مطلوب منك جواز سفر و حجز فندق و حجز طيران عوده و 20 دولار بيتدفعو عند الدخول و بتاخد تصريح دخول بمده 30 يوم انا لما روحت محدش طلب منى ولا شاف حتى اى حاجه من الحاجات دى بس بردو اعمل حسابك عليها علشان لو حصل تغير .
العمله :- هى الروفيه ال15 روفيه بتساوى 1 دولار
اهل البلد:- الديانه الرسميه هناك هى الديانه الاسلاميه و الخمور ممنوعه على الجزر المحليه و الناس معظمهم هناك طيببن جدا و لو سالت على اى حاجه الناس كلها هاتكون حابه تساعدك بس دا ميمنعش ان اكيد فى فئه مستغله للاجانب بس دى قليله جدا تكاد لا تذكر
اللغه:- لغتهم اسمها الديفيهى نادرا لما هتلاقى حد بيعرف يتكلم عربى بس لو بتتكلم انجليزى هاتقدر تتعامل هناك كويس
المناخ :- هناك الهاى سيزون او الصيف عندهم بيبدا من شهر 12 لشهر 5 ..... الشهور التانيه من شهر 6 للشهر 11 دى السيزون القليل بس دا اه ممكن يكون شتاء بس مش بيكون متواصل و الدنيا شتت وانا هنتك كذا مره بس بردو بيكون فيه شمس و الدنيا بتكون حر بردو و فى الغالب الوقت دا مناسب جدا للى بيدور على اسعار رخيصه سواء طيران او اقامه
الطيران:- حجزت مع فلاى دبى من على سكاى سكانر ذهاب و عوده ب 3500 جنيه و بردو كل ما نحجز بدرى اكتر كل ما السعر يكون احسن
الاقامه :- انا بصراحه مبدورش فى ابلكيشن واحد بدور فكتير زة بوكينج و اجودا و كياك علشان اقارن علشان فى الغالب لقيت الاسعار بتختلف من ابلكيشن لابلكيشن تانى و احنا طبعا اولى بفرق السعر دا الاقامه هناك هتلاقى حاجات كتير اوى لو هتعقد فجزيره سياحيه فى الاكواخ الى عالبحر دى الليله هناك هتكون تقريبا ب 900 دولار و ممكن اقل و فى اكتر من كدا كمان لو هتعقد فجزيره محليه ففى جيست هاوس بيبدا من 119 جنيه و انت طالع الجزيره الى انا كنت عليها كانت الليله ب 47 دولار شامله الفطار و العشاء "equator beach inn" و دا تقريبا كان اقل سعر هناك و الجيست هاوس كان لطيف جدا و الاسطاف كويس حاول تحجز بفطار و عشاء علشان هيخليك تكبر دماغك من ان انت تنزل تدور على اكل و كمان هيكون اوفى بكتير من انك تاكل فى اى مطعم لان اقل وجبه عشاء هناك بتكون ب 10 دولار او 15 دولار بس الفندق تقريبا بتكون 40 دولار من غير عشاء و 47 بالعشاء فانت اولى طبعا بالفرق دا الخمس ليالى كانو ب 2000 جنيه
وسائل الانتقال :- فى اكتر من وسيله ارخصهم المركب العامه دى اول ما بتوصل المطار شغاله دايما بتاخدك من المطار للعاصمه فعشر دقايق تكلفتها 10 روفيه يعنى حوالى دولار الا ربع بتوصل مالى تاخد تاكسى ب 35 روفيه يوديك مكان فيرى تانى و من مالى لمافوشى فى فيرى تانيه بتروح بيكون تكلفتها 30 روفيه يعنى حوال 2 دولار و نص بس الفيرى دى مش شغاله 24 ساعه فبتدخل تعرف مواعيدها من الموقع دا www.mtcc.com.mv و السعر بيختلف من جزيره للتانيه فى كل وسايل الموصلات.... تانى و سيله موصلات هى speed boat دى ممكن يكون ليها 3 او اربع مواعيد فى اليوم و دى بتكون ب 20 دولار فى private boat دى تقريبا ب 100 او 150 دولار و فى طياره ب 200 او 250 دولار
الحاجات الى تتعمل هناك :- اولا هناك لما تروح هتلاقى اماكن ياما بتعمل الحاجات دى بس دايما اسال فكذا مكان علشان تجيب السعر الاقل او حاجه عملتها هى الاسنوركينج بتروح مكانين غير بعض بspeed boat و بتروح ساند بنك ب 30 دولار لو عايز تقضى day use فى resort ب 100 دولار شامل الغدا و مشروبات طول اليوم دايفنج لو انت عملت دايفنج قبل كدا ب 45 دولار لو لسه اول مره هيكون ب 60 دولار night fishing ب 25 دولار شامل العشاء و فى اكتيفتيز كتير تانيه فى water sports ممكن تاجر boat ب 10 دولار فى الساعه و ممكن براشوت و 60 دولار و فى حاجات تانيه كتير
مجموع مصاريفى من اول مطلعت من البيت يوم 11 سبتمبر لحد 19 سبتمبر شامل الطيران و الفندق و المصاريف الى هناك كان حوال من 8000 جنيه ل 9000 جنيه
نصايح عامه:- متعقدش هناك اكتر من 5 او 6 ايام بالكتير المكان مناسب جدا لو انتو couple لو انت لوحدك و عملت صداقات هناك هتستمتع جدا بس مش مفضله لو انت هاتفضل المده كلها لوحدك علشان ممكن تحس بملل الا لو انت بتفضل دا بقى.... اعمل debit card قبل متسافر او اى حاجه تخليك تسحب فلوس او تحاسب وانت برا مصر انا بصراحه مفهمش فى الموضوع الكروت دا جدا بس عملت كرت متعلق بحساب والدى بيدينى ليميت اصرف بيه لو عملته او عملت اى حاجه شبيها بيه حاول تحاسب بيه على كل حاجه علشان تحاسب بسعر الدولار الاقل الى هو 8.8 علشان هتلاقى فرق كبير اوى معاك فى الاخر...... اسال كتير اسال كتير اسال كتير و متكسلش و متكتفيش بمكان واحد بس ..... اخر حاجه اقدر انصحك بيها اتاكد من مواعيد الفيرى قبل متوصل علشان متكلفش نفسك ليالى زياده عالفاضى فى فنادق .
