معلش هزعجكم تانى سؤال .. والدتى ست كبيره فوق...

[Mohamed Helmy]

معلش هزعجكم تانى سؤال .. والدتى ست كبيره فوق ال 60 عندها مقابلة فى سفارة امريكا يوم الاتنين .. انا اختى عايشه و متجوزه فى امريكا و معاها جرين كارد بس مش باعتها دعوة ولا حاجه هى والدتى مقدمه سياحه عادى و هتقولهم انها رايحه تزور بنتها .. و معاها صوره من الباسبور بتاع اختى و الفيزه و الجرين كارد و بيانات اختى هناك مع بعض الاوراق ال تخص والدتى زى شهادات و املاك هنا و كده ف ايه النصايح ال ممكن تقدموهالى عشان والدتى متوتره شويه ؟!

 

[Ammar Elghrabawy]

أعتقد إن الصراحة دي هيبقى لها حساب فى المقابلة ، وإن شاء الله تأخدها

 

[Abdelrazek Ahmed]

باذن الله فوق ال 60 هتاخد الفيزا ,,, لكن يا ريت تثبت اي ارتباطات ليها بمصر ... ابناء او احفاد او اي نشاط

 

[Ahmed Abuauf]

في العادي لو حد صغير رايح هناك الأفضل مايقولش ان ليه حد هناك عشان ممكن يرفضو.
هم بيخافو ان حد يكسر الفيزا فاهم حاجة يكون فيه ضمانات انها مرتبطة بمصر.
اعتقد مش هيرفضو للسن الكبير.
في نقطة برضه مهمة انهم لو اكتشفو كذب بتكون رفض على طول.

 

[Omar Esam]

الناس الكبار بيخدوها عادي بس يكون معها صوره من ال green card و كشف حساب و ما يثبت ان هي بنتاها

 

[Abdel-Rahman Emad Ibrahim]

إن شاء الله تأخدها .. أهم حاجة ان الكلام يبقى واقعي ومنطقي وخارج بعفوية