انا مسافرة الصين عايزة اعرف لو حد سافر قبل كدة...

  • بادئ الموضوع بادئ الموضوع Loay Sayed
  • تاريخ البدء تاريخ البدء
عرض العطلة
#23
اهم حاجه تتاكد منها ان المصنع مسجل هنا في مصر ولا لا ؟ وهل المنتجات الي هتسوردها خاضعة للتسجيل ولا لا ؟ لان بدون تسجيل لا يمكن الاستيراد
 
#25
Loay Sayed مبدئيا انك لو قولت لحد صينى
good morning / thank you
على سبيل المثال مش يفهم
اللغة عندهم صينى بس .. نسبة 2% إللى ممكن يفهمك انجليزى
أنسب حل ليك انك تكتب على الموبايل وترجم للصينى عشان تعرف تتعامل.
انا قعدت 3 أيام فى فندق التكييف كان شغال على السخن ومش عارف أكلم حد من الفندق يجى يضبط التكييف البارد. وكمان عشان كنت فى مكان ما وطلبت أدخل الحمام ولأن الموجودين مش فاهمين يعنى ايه حمام toilet وانتهت أنهم طردونى من المكان بسبب أنهم فاهمين انى بطلب حاجة قلة أدب عشان يئست اوصف لهم انى محتاج حمام وفين مكانه. وفى الاخر لما فهموا ماتو على نفسهم من الضحك. وبعد إقناع ولما فاهمة يعنى ايه toilet واحد شاورلى عليه.
التعامل هناك يا اما صينى او تترجم بالموبايل. ولو معندكش نت تقدر تستخدم موبيل إللى بيكلمك لانهم بيعتمدوا على الترجمة كتير. حتى موظفين الريسبشن فى اكبر الفنادق هناك مش بيعرفوا انجليزى.
المكان الوحيد إللى ممكن نتكلم فيه انجليزى وحد يفهمك هما فقط موظفين المطار وخصوصا البوردينج فقط. لو محتاج نصايح اكتر كلمنى خاص
 
عرض العطلة
#29
ولا حتى يوتيوب اويلي موشن او فيسبوك .. اعملي حسابك اهم حاجة تنزلي تطبيقات بديلة للخرايط و الترجمة من قبل ما تروحي
 
#30
انا سافرت الصين قبل كده في منهم إلا بيتعامل بل الانجليش و إلا بيتعامل بل الصيني وكل تعملهم بي برنامج اسمه الواي شات ده بتتعامل بي في كل حاجه بس خالي بالك لو تعرف حد هناك عايش قابلو كتير خليه هو إلا بتعامل معاهم خصوصا في الشغل ع الاقل هيكون عنده بعض الكلمات ياما تجيبلك كتاب تتعلم به بعض الكلمات الصينيه ولو انت شاطر في الانجليش هيكون كويس برده
 
عرض العطلة
#31
الادوات الكهربائيه محتاجه تسجيل مصانع و ده مستحيل فضبطي اموارك كويس و شوفي ان كان مسجل او لا قبل ما تسافري علشان مش تجيبي و تتحجز في الميناء
 
#33
بصي حضرتك ..
اول حاجة لازم حددي رايحة فين في الصين
لان في اماكن هحسي ان مفيهاش انجليزي اصلا ..
واللي بيتكلموا هناك انجليزي قليلين جدا
ثانيا الفصال .. اللي يقولك 100 ريمبي يبقي عايز 50 ريمبي
لازم تراجعي علي الشغل كويس جدا جدا جدا ..
وتاخدي عينة عشوائية من كل حاجة قبل ما تتقفل للشحن ..
يفضل التعامل المباشر .. لكن اتواصلي مع المصانع من مصر وحدد معاهم مواعيد ..
خلي بالك من النصب .. منتشر ..
استخدمي المترو .. خدي الخريطة من المطار .. خدي اكتر من نسخة لانها مهم ولو واحدة ضاعت ولا حاجة ..
---
مفيش استخدام لفيزا او ماستر كارد هناك .. في حاجة اسمها يونيون باي ..
مبيحبوش يتعاملوا بالدولار .. ومش كل البننوك بترضي تفير الدولار .. ومبيطيقوش اليورو ...
لو هتطولي .. في بنك هناك اسمة china constriction bank
افتحي فية حساب ب 5 يوان .. وهتسلمي الفيزا وانتي واقفة ..

مفيش جوجل في الصين
مفيش اكل حلال الا قليل ..
ابقي روحي المنوفي و فش فش .. اكلهم ملهوش حل ..

الفصال الفصال الفصال
 
#34
جوانزوا مليانة عرب دا اولا خصوصا في فترة المعرض، متتعامليش مع وسطاء ولا مترجمين لو معاكي انجليزي وبتعرفي تستخدميه هم مش شطرين جدا في الانجليزي بس بيفهموا وكل المصانع شغال فيها حاليا مبيعات انجليزي ، لو هتغيري فلوس غيريها من البنوك الي في المعرض دي احسن حاجة ، ظبطي فندق فيه باص للمعرض وروحي وارجعي بيه بدل لفة المترو ولو هتروحي مصانع يبعتولكم عربية تاخدكم من الفندق وترجعكم عليه ، احسن مطعم عربي في جوانزوا هو البسفور التركي بس في المعرض بيكون زحمة وهو اصلا غالي نسبيا لو مش عايزة تتأخري في الاكل او تدفعي كتير خدي تونة وكدا من مصر وهناك فاكهتهم حلوة هاتي من السوبرماركت مش من الناس الي في الشارع ، لو عايزة تسألي عن حاجة تاني انا موجودة
 
عرض العطلة
عرض العطلة
عرض العطلة