W
Waleed Hashem
:: مسافر ::
عادي ممكن الفرد يصرف ١٠٠ ليرة في اليوم ويتفسح جدا كمان .. المهم الترتيب بس .. انا لسه راجع من جزيزة الاميرات النهاردة وصارف العبارة وغدا وقعدت في كافيه مرتين شربت شاي وقهوة تركي وجيلاتي كذا مرة ومية كمان بتاع تلات اربع مرات وصارف حوالي ١٠٠ ليرة يعني ٣٠ دولار مثلا .. العبارة رايح جاي ١٥ ليرة .. شاي مرتين وقهوة تركي ١٣ ليرة .. جيلاتي مرتين ٢٠ ليرة .. غدا على حسب هتاكل ايه وفين انا اخدت سندوتشين تيك اواي ١٣ ليرة مع ايس تي .. لازم الي يسافر يتعامل زي اهل البلد ويقرى كتير عليها .. لو ليه ليكي نصيحة بلاش تاكسي خالص الاتوبيسات هايله الترام تحفة العبارات تروح كل مكان ورخيصة الاندر جراوند شغال .. المشي مهم علشان ده اهم حاجه بالنسبه ليه للاستكشاف
O
Ola Sayed
:: مسافر ::
تركيا مش رخيصه خالص علي فكره والاسعار بقت نار الايام دي بجد في غلي مش طبيعي انا عايشه بقالي خمس سنين الحاجه بتغلي كل شويه بالخمسه ليره ال ٣٠٠ مش بيكفونا اكل وشورب عشان تخرجي وتلفي وتاكلي وتشربي بره لو المبلغ بس ده الي معاكي خليها ٥ ايام علي اقل تعرفي تعقدي معادل عشان تروحي يوم بورصه عايزالك مش اقل من ٣٠٠ ليره تليفريك ومواصلات يعني ١٠٠ دولار لوحدهم من غير فطار وعشا المزارات اقل حاجه دخول الفرد ٣٠ ل ٥٠ وفي حاجات ٧٠ المبلغ يكفيكي لو هتنزلوا تتمشوا وتاكلوا وتروحول اماكن محدده مش ١٠ ايام كلهم زيارات وخروج
T
Tamer Mohamed Abdel Hamid
:: مسافر ::
انا كنت هناك قريب ..اتحركوا بالمترو ..محترم وشيك والتذكرة ب 2.3 ليره ..لو هتزورو البوسفور او جزر الاميرات . انزلوا محطة على الميناء اسمها أمينونو ..تذكرة الباخرة لجزر الاميرات ( ساعتين فى البحر ) ب 8 ليرة رايح جاى للفرد ..واليوسفور راح جاى ب 10 ليرة ..الاكل مش غالى ..الوجبه المحترمه للفرد فى حدود 20 الى 25 ليره ..الترام والمترو بيروحوا كل حته ..300 دولار للفرد هتكون كافيه جدا لل 10 ايام بخلاف الشوبنج.