S
Shereen AboSamra
:: مسافر ::
طيب،، نيجى بقى لأهم مكان واللى أنا طالعة الرحلة دى كلها عشانه "بالى"
نفس الموضوع حجزنا من كوالالمبور على Airasia لبالى
الطيارة وصلت الساعة ١٢ بليل،، صالة الوصول هرجلة شوية على سواقين تاكسى عايزين يوصلوك بالعافية
المهم،، هتنزل المطار هتلاقى شركة تاكسى جوه طبعا أخدت تاكسى منها عشان الوقت كان متأخر
الأجرة بتختلف،، يعنى عشان بالى كبيرة،، فبيعرض عليك سعر اقل فى مقابل انه يوصلك للسنتر بتاع المنطقة اللى انت قاعد فيها ولو عايز توصل للأوتيل نفسه هتدفع اكتر
من التجربة،، هتدخل على tripadvisor هتلاقى اسامى وأرقام تليفونات سواقين تاكسى معتمدين من tripadvisor ممكن تتواصل معاهم عشان يستنوك فى المطار
الإقامة،، زى ما قلت بالى جزيرة كبيرة جدا وكل منطقة فيها ليها طابع خاص،، يعنى مثلا منطقة Kuta،، دى مشهورة جدا عشان ع البحر وكمان الnightlife فيها صاخبة جداا،، الnightclubs بتقفل الساعة ٦ الصبح
وبصراحة مارتحتش فيها خالص،، قعدت تقريبا ليلة واحدة بس الانطباع العام انها دوشة و زحمة
انطلقنا على مكان إقامتنا فى منطقة اسمها Ubud ودى المنطقة اللى صورت فيها چوليا روبرتس فيلم eat pray love
المنطقة هادية جدااا وكلها traditional على أماكن شيك جداا حاجة كده زى الأفلام وبليل الاضاءة بتكون هادية والمحلات بتقفل ع الساعة ٩ بليل والمطاعم ١١
م الاخر مكان مناسب للروقان والاستجمام
قعدنا فى اوتيل اسمه Agung Raka Resort سعر الليلة كان ٣٥٠ جنيه الغرفة الدبل شامل الفطار
اول ما وصلنا الاوتيل لاقيناهم عملولنا upgrade ل private villa من غير فلوس زيادة
طبعا ده بيحصل أوقات فى الفنادق ودى بتبقى بالحظ مش مترتبة،، بس بصراحة حت فى وقتها ومكانها الصحيح
المواصلات،، زى بوكيت،، يا تاكسى، يا تأجر موتوسيكل وفى كمان باص حكومى بس معرفتش خط سيره،، الاوتيل كمان كان ليه shuttle bus بيتحرك فى أوقات معينة وبيوصلك ببلاش لأى مكان
الاكل،، المطاعم بليل تحفة وهادية وبردو فى مطاعم مختلفة بس مفيش fast food
المزارات،، كان جنبنا Monkey forest ودى غابة كلها قرود منطلقة وحضرتك بتدخل كضيف وتتحمل اللى هيجرالك حاول متفتحش شنطتك عشان ممكن اى قرد ياخدها ويجرى معتقد ان فيها اكل،، طبعا من ونا ع الباب القرد هجم ع الشنطة بس على مين ،، معرفش ياخدها الحمد لله
الRafting هناك كان تحفة وكمان ممكن تعمل سفارى بالbeach baggy وده كان حلو اوى وسعره الاتنين حوالى ٦٥٠ جنيه بالمواصلات والغدا
فى بقى معابد كتيرة جدااا وكلها تحفة أحلاهم معبد Besakeh عشان الڤيو من فوق وهمى،، وده عشان تدخله لازم تلبس حاجة كده زى الكاش مايوه عشان تقدر تدخل بغض النظر انت لابس ايه
وعندهم بركان نشط بتطلع ع الجبل اللى قدّامه عشان تشوفه وفى وسط كل ده فى بحيرة والإحلى ان فوق الجبل فى مطاعم كتيرة تقدر تتغدى فى المشهد العظيم ده ب١٠٠ جنيه
فى كمان مزارع الرز ودى بردو وهمية
بالنسبالى بالى كانت من أحلى الأماكن اللى زرتها عشان طبيعية اوى ومتحسهاش متكلفة،، حاجة كده بسيطة وهادية
بردو ده رأيى ممكن ناس تختلف معايا فيه بس ده راجع لكل واخد بيحب ايه
كده رحتلى فى آسيا خلصت،، نشوفكم فى رحلات تانية ان شاء الله
نفس الموضوع حجزنا من كوالالمبور على Airasia لبالى
الطيارة وصلت الساعة ١٢ بليل،، صالة الوصول هرجلة شوية على سواقين تاكسى عايزين يوصلوك بالعافية
المهم،، هتنزل المطار هتلاقى شركة تاكسى جوه طبعا أخدت تاكسى منها عشان الوقت كان متأخر
الأجرة بتختلف،، يعنى عشان بالى كبيرة،، فبيعرض عليك سعر اقل فى مقابل انه يوصلك للسنتر بتاع المنطقة اللى انت قاعد فيها ولو عايز توصل للأوتيل نفسه هتدفع اكتر
من التجربة،، هتدخل على tripadvisor هتلاقى اسامى وأرقام تليفونات سواقين تاكسى معتمدين من tripadvisor ممكن تتواصل معاهم عشان يستنوك فى المطار
الإقامة،، زى ما قلت بالى جزيرة كبيرة جدا وكل منطقة فيها ليها طابع خاص،، يعنى مثلا منطقة Kuta،، دى مشهورة جدا عشان ع البحر وكمان الnightlife فيها صاخبة جداا،، الnightclubs بتقفل الساعة ٦ الصبح
وبصراحة مارتحتش فيها خالص،، قعدت تقريبا ليلة واحدة بس الانطباع العام انها دوشة و زحمة
انطلقنا على مكان إقامتنا فى منطقة اسمها Ubud ودى المنطقة اللى صورت فيها چوليا روبرتس فيلم eat pray love
المنطقة هادية جدااا وكلها traditional على أماكن شيك جداا حاجة كده زى الأفلام وبليل الاضاءة بتكون هادية والمحلات بتقفل ع الساعة ٩ بليل والمطاعم ١١
م الاخر مكان مناسب للروقان والاستجمام
قعدنا فى اوتيل اسمه Agung Raka Resort سعر الليلة كان ٣٥٠ جنيه الغرفة الدبل شامل الفطار
اول ما وصلنا الاوتيل لاقيناهم عملولنا upgrade ل private villa من غير فلوس زيادة
طبعا ده بيحصل أوقات فى الفنادق ودى بتبقى بالحظ مش مترتبة،، بس بصراحة حت فى وقتها ومكانها الصحيح
المواصلات،، زى بوكيت،، يا تاكسى، يا تأجر موتوسيكل وفى كمان باص حكومى بس معرفتش خط سيره،، الاوتيل كمان كان ليه shuttle bus بيتحرك فى أوقات معينة وبيوصلك ببلاش لأى مكان
الاكل،، المطاعم بليل تحفة وهادية وبردو فى مطاعم مختلفة بس مفيش fast food
المزارات،، كان جنبنا Monkey forest ودى غابة كلها قرود منطلقة وحضرتك بتدخل كضيف وتتحمل اللى هيجرالك حاول متفتحش شنطتك عشان ممكن اى قرد ياخدها ويجرى معتقد ان فيها اكل،، طبعا من ونا ع الباب القرد هجم ع الشنطة بس على مين ،، معرفش ياخدها الحمد لله
الRafting هناك كان تحفة وكمان ممكن تعمل سفارى بالbeach baggy وده كان حلو اوى وسعره الاتنين حوالى ٦٥٠ جنيه بالمواصلات والغدا
فى بقى معابد كتيرة جدااا وكلها تحفة أحلاهم معبد Besakeh عشان الڤيو من فوق وهمى،، وده عشان تدخله لازم تلبس حاجة كده زى الكاش مايوه عشان تقدر تدخل بغض النظر انت لابس ايه
وعندهم بركان نشط بتطلع ع الجبل اللى قدّامه عشان تشوفه وفى وسط كل ده فى بحيرة والإحلى ان فوق الجبل فى مطاعم كتيرة تقدر تتغدى فى المشهد العظيم ده ب١٠٠ جنيه
فى كمان مزارع الرز ودى بردو وهمية
بالنسبالى بالى كانت من أحلى الأماكن اللى زرتها عشان طبيعية اوى ومتحسهاش متكلفة،، حاجة كده بسيطة وهادية
بردو ده رأيى ممكن ناس تختلف معايا فيه بس ده راجع لكل واخد بيحب ايه
كده رحتلى فى آسيا خلصت،، نشوفكم فى رحلات تانية ان شاء الله
