M
Mohamed Alkharashy
:: مسافر ::
هو فيه نقطة ثانية برضه مهمة جدا و لها أسبابها... معظم الناس في مصر عندها أوهام خيالية عن الأوضاع برا مصر... اللي هي الناس اللي شايفة ان كل مشكلتها في الحياة انها اتولدت في مصر.... و اللي متخيلة أن كل مشاكلها حتخلص اول ما يركب الطيارة و ان الحياة خارج مصر جنة و سهلة و حيث أشجار الدولارات و حقول اليوروهات.. و كل الناس حلوة و ظريفة و بتلمع و تتنزل عليهم الملائكة من أخلاقهم العالية ... و أي اكل أكيد احسن من الاكل المصري "المسرطن"... و متخيلين أن كل حاجة بتخلص بتكة زرار... و أكيد مفيش بيروقراطية و لا طوابير.. مفيش فقر و لا جهل... مفيش جريمة و لا زبالة في الشارع.. مفيش زحمة و أزمات مرور ... و انهم يسبقونا بعشرات الآلاف من السنين الضوئية.. .. الخ... الخ..... الحقيقة بقى ان الناس دي لما بتخرج برا مصر بتتصدم صدمات جامدة جدا... يا بيعقلوا و يعرفوا قيمة مصر.... يا بيتعبوا قوي و يكرهوا العالم كله.....
باختصار يعني؛ الآمال العظمى... بتجيب احباطات اعظم
باختصار يعني؛ الآمال العظمى... بتجيب احباطات اعظم