يا جماعه فى حاجه مش قادر افهمها. معلش محتاج...

[محمد العربى]

يا جماعه فى حاجه مش قادر افهمها.
معلش محتاج استفسار فيها. هى ليها علاقه بحجز طيران اونلاين.
-ان شاء الله انا مسافر دبي سياحه فا ناس قالتلى احجز الطيران من التحرير بيكون ارخص وتباخد التذكرة فى ايدك.

السؤال هنا انا لقيت ان فعلا بيكون ارخص فى التحرير ثانيا لو انا حجزت اونلاين ودفعت بالفيزا انا لما اروح المطار بقولهم ايه :] بوريهم الحجز واقولهم صصباح الفل ال Confirmation ايميل اهوة والا بعمل ايه؟

 

[Mido Razaz]

جزئية ارخص مفيش الكلام ده. هى الفكرة بس ان انت ممكن تكون مش محدد مسافر على طيران ايه فلما بتروح مكتب طيران هو بيكون عارف ارخص شركة طيران على الخط ده ايه فبالنسبالك يبان انه ارخص من الشركة الطيران اللى انت سألت فيها لكن انت تقدر بنفسك تعمل بحث على النت عشان تعرف ارخص شركة طيران على الخط ده ايه هى وتسأل فيها عن سعر التذكرة هتلاقيه ارخص من السعر اللى انت اخدته من مكتب السياحة لان ببساطة شركة السياحة لازم تكسب عشان تجيبلك التذكرة مش هيعملهالك خدمة خالص ابسليوتيلي

 

[Adel Nabil]

مفيش في الدنيا شركة سياحة حتديك سعر ارخص من السعر اللي ممكن تجيبوا اونلاين ، تللي قالك عالبا قصده شركات السياحة اللي في التحرير ارخص من باقي شركات السياحة و ده فعلا ممكن يكون صح لاكن اكيد لو جبتها اونلاين و فتحت skyscanner حيجبلك ارخص حاجة.
لما بتحجز اونلاين بيجيلك ايميل في ال confirmation ، بتخلي الايميل معاك او بتطبعه و تخلي النسخة معاك و بتديها مع الباسبور في المطار

 

[Ahmed Farahat]

جبت التاشيره اذاي لو سمحت

 

[Abdelrahman Atta]

اطبع ال confirmation
وخليها مع الباسبور وانت داخل المطار

الحجز اون لاين غالبا ارخص حتى من الحجز فمكتب نفس شركة الطيران مش بس ارخص من شركات السياحه

 

[محمد العربى]

Thanks guys, appreciate your help.

 

[Ahmed Mohamed]

لا الحجز اون لاين انت ممكن تديله رقم الحجز بس حتى من غير البرينت بتاعها

 

[Sara Mahgoub]

بتطبع الحجز وتروح بيه المطار تدخل تعمل check in we ta5oud boarding pass وممكن تعمله اون لاين وتروح تاخد البوردينج علطول