السلام عليكم كنت حابه اعرف عن السفرلدبي وايه...

[Marwa Anwar Omar]

السلام عليكم كنت حابه اعرف عن السفرلدبي وايه المتاح شغل والتكلفة لان في واحدة صاحبتي هتروح وبتقولي الشغل كتير هناك ممكن بعداذنكم افهم والافي دبي ايه وعنده معلومات عن الشغل والراتب بيتراوح بكام مصري والاقامه اوالزيارة للمعرفة واخذالقرار وجزيتم خيرا

 

[Mohamed Dosoky Mohamed]

اوعي تعملي كده
اطلعي بعقد من مصر
حتتبهدلي بجد اوعي تعملي كده

 

[وحيد عبد المقصود]

صاحبتك دي بتورطك واقطعي معاها علاقة

 

[Abeer Ashor]

مفيش شغل هناك وهتروحي وتيجي علي الفاضي لان مفيش اقامات للمصرين غير قليل جدا نصيحه متصدقيش صاحبتك انا سافرت ورجعت مرتين

 

[Ahmed Latif]

نصيحة أضمني شغل قبل سفرك لأن المعيشة مكلفة جدا

الموقع أدناه بيعرض جميع الوظائف المتاحة في الإمارات والمعلن عنها في جميع شركات التوظيف والمواقع الأخرى...

www.indeed.ae

 

[Ahmed Wagdy Hussien]

انا عملت الي انتي عايزة تعمليه دة قبل كدة و للأسف ندمت ندم عمري
أولا لازم تقدمي من هنا عالنت وعلي ما يردوا عليكي فيها 3 4 شهور عالأقل و ممكن أكتر كمان و بعدين تحددي مواعيد انترفيوهات و الأحسن تظبطي شغل من هنا
أنا سافرت من 3 سنين قعدت شهرين هناك اتفسحت طبعا وقضيتها و قدمت علي شغل بالهبل عالنت بس معملتش و لا انترفيو لأنهم ردوا عليا يعد ما رجعت!
اوعي تغلطي زيي

 

[Hend Salem]

مش المفروض تسألى على الشغل المتاح المفروض تشوفى مجالك مطلوب هناك و لا لأ
لان لو قولت لك مثلا ان الكوافيرات مطلوبين او دكاترة الجلدية مثلا و انت محامية يبقى المتاح مش مناسب ليكى ... دورى على مواقع التوظيف الاماراتية و ادخلى الصفحات الخاصة بالجالية المصرية فى دبى و اسالى و شوفى الظروف و الدنيا ماشية ازاى قبل ما تقررى لان الدنيا غالية هناك و السفرية هتكلفك مبلغ و قدره

 

[Nooralgana Abdul Waris]

f

 

[Abdullah Nabil]

قبل ما تسافري اعملي بحث عن الشركات و المؤسسات اللي في مجال شغلك و ابعتيلهم ال cv مع cover page بالايميل ..و اعملي اكونت على linkedin
و لو تعرفي حد في الامارات ممكن يعملك اعلان (مطلوب عمل) في جريدة الخليج او البيان او الاتحاد و يكتب فيه رقم تلفونه.. و ممكن يكرر الإعلان .و الجرايد دي خصوصا جريدة الخليج واسعة الانتشار و هتلاقي ناس بتتصل و بالتوفيق بإذن الله

 

[Mohamed Sife]

صحبتك بتشتغل اية هناك مش تعرفي هيبتشغل اية

 

[Rock Pop]

ذى ما الكل قال الافضل السفر بعقد و ضرورى تعرفى سوق العمل و المعيشه و هل الراتب المتوقع حيوفر لك معيشه كريمه مثال السكن هناك عباره عن بتاجرى سرير من 800د الى الف او اكتر حسب المكان فى غرفه مشتركه فى شقه مع ناس اخرين ..ايجار استوديو يعنى غرفه فى الشهر يبداء من 3000 د الطعام مش اقل من الف د المواصلات نفس الشئ غير فواتير النت و اى امور اخرى السفر بدون عقد او انك تسافرى زياره و تشتغلى بيها يعرضك لمخاطر ابسطها استغلال صاحب العمل لك و ميدفعش لك الراتب لانك اصلا مخالفه و لا يوجد معك عقد و ممكن تترحلى فى اى وقت ..هناك فى تفتيش كل يوم على اماكن العمل من اول محلات البقاله لغايه الشركات علشان ترحيل المخالف غير الغرامه و ممكن تتابعى صفحات اعلانات الوظائف و تشوفى تخصصك مطلوب ..هناك الهنود و الفلبينين مسيطرين على السوق الموضوع مكلف جدا و مغامره كبيره و كثير من الشباب المصرى و غيرهم بيتعرض للنصب يوميا هناك تابعى صفحه الجاليه المصريه فى دبى نصيحه اخيره لا ترسلى او تعطى بيناتك الخاصه لاى شخص مجهول يدعى انه موظف فى شركه و حيسهل حصولك على عمل او ترسلى بياناتك الى بريد اخره gmail او hotmail لازم يكون @اسم شركه بالتوفيق /Egyptian Community In Dubai

 

[Marwa Anwar Omar]

انا متشكرة جدا لحضراتكم علي كل معلومه اناقولت افهم الدنيامن ناس شافت الاوضاع لان السفر مش فسحه

 

[Mohamed Sife]

هي صحبتك بتشتغل اية هناك

 

[Saied Dardery]

شغل ايه اللي كتير في دبي ؟؟ ده في اكتر من نص مليون مصري هناك بيدوروا علي شغل

 

[Hana Ahmad]

شوفي عقد افضلك فرص الشغل فالخليج مش سهله عامه بلاش تبهدلي نفسك وتخسري

 

[Rock Pop]

البوست دا نزل اليوم من عضو الصفحه شادى صفوت عن العمل فى الامارات اتمنى يفيدك /Shady M. Safwat

 

[Islam El Mantawi]

انا عايش و باشتغل في الامارات - انا اساسا متربي في الامارات جيت و انا عندي ٥ سنين مع والدي و دلوقتي عند ٤٩ سنه - يعني بقالي ٤٤ سنه في الامارات.
اللي بتقوليه ده وهم - و ٩٥٪‏ من الناس اللي بتيحي تدور علي شغل بتفشل او تنتهي بالعمل كبياعه في محل بمرتب يادوب يكفي انها تسكن
متقارنيش بالعمله المصريه - اللي مرتبه ٥٠٠٠ درهم يعني تقريبا ٢٠ الف جنيه يا دوب ساكن و بياكل - اللي مرتبه اقل من كده عايش في ظروف غير أدميه اساسا.