M
Maiosh Khafagi
:: مسافر ::
الفيزا 2030
تكلفة إقامة هناك على حسب معاد سفرك والمدة ومستوى الرحلة والفنادق بس بنتكلم فى حدود 500 دولار لمده 8 ايام مثلا 3 مدن يزيد أو يقل حسب الحاجات اللى قلتهالك
تذكرة السفر فى حدود 6500 .. تقل شوية لو حجزتى من بدرى وتزيد طبعا لو حجز متأخر أو لو رايحة فى توقيت عيد أو مناسبة هناك
احسن وقت من شهر 11 لحد مارس
تكلفة إقامة هناك على حسب معاد سفرك والمدة ومستوى الرحلة والفنادق بس بنتكلم فى حدود 500 دولار لمده 8 ايام مثلا 3 مدن يزيد أو يقل حسب الحاجات اللى قلتهالك
تذكرة السفر فى حدود 6500 .. تقل شوية لو حجزتى من بدرى وتزيد طبعا لو حجز متأخر أو لو رايحة فى توقيت عيد أو مناسبة هناك
احسن وقت من شهر 11 لحد مارس
A
Alaa Ibrahim
:: مسافر ::
من شهر ٥ ل١٠ شهور مطر والجو تحفه اللي بعد كده ١١ ١٢ بيكون المطر وقف بس بتبقى ابرد الجو وبيكون اغلى كل ما تقرب من شهر ١٢ الفنادق وكل حاجة حسب الاماكن اللي هتختارها الطيران الداخلي حجزت في نفس اليوم الرحلات اللي بتكون بالنهار بتبقى غاليه الرحلات الليله ارخص كانت ب١٠٠دولار بقى فيه ضرايب اتفرضت من اقل من سنه في الهند فتاخدي بالك اي حجز بيقولك السعر بس بدون الضريبه وطبعا الفطار والغدا والعشا كل واحد ليه تمن + ضريبه قبل ما تسافري رتبي كل يوم هتعملي ايه بالظبط ماسبيش حاجة للظروف واعرفي ان معظم الرحلات النهرية لتبقى محجوزه من قبلها ، و لو هتسافري داخلي الوزن بيرخموا فيه جامد ١٥ كيلو بالتمام والكمال اي جرام زياده هتدفعي ومتخرجيش بعد الساعه ٦ المغرب وخدي بالك لو حبيتي تخرجي بعد كده اصلا فيه اماكن كتير بتقفل من ٨ مساءً
M
Maiosh Khafagi
:: مسافر ::
هو بس للعلم ..الحرارة فى شهر مايو بتكسر 45 فى الضل وده معناه انك متقدريش تخرجى من باب الفندق قبل ما الشمس تنكسر يعنى مفيش كده اى مزارات تقدرى تشوفيها ..من يونيو لحد سبتمبر موسم المونسون أو السيول ..أمطار عنيفة جدا والرطوبة فوق 80% .. انا بوضح بالتفصيل لأنك سالتى أفضل وقت للسفر هناك ايه ..الجو بيبتدى تتكسر حرارته من أول 11 والشتاء هناك تحفة جدا بالذات لو مش هتروحى الشمال ..يعنى دلهى جايبور اجرا ..المنطقة دى الجو رائع فيها جدا ..للعلم انا بسافر على طول وتقريبا تواجدت كل شهور السنة هناك وحضرت جميع حالات المناخ فعشان كده بنقل المعلومة بأمانة عن تجربة شخصية ..وعلى فكرة البلد لطيفة والنزول عادى ..انا بخرج هناك وبسهر دايما وعمرى ما اتعرضت لأى مضايقات نهائى ..يعنى أقصى حاجة ممكن تحصل وده نادر برضو معاكسة ..بس مفيش سرقة ولا خطف ولا تحرش ..كلامى يخص كتير دلهى العاصمة ..باقى المدن البلد بتقفل فيها تماما 10م .. عموما رحلة سعيدة ..انجوى
M
Mohamed Hwihi
:: مسافر ::
الهند جوها كويس جدا في مايو ويونيو و يوليو ، تكلفتها تقريبا بالتاشيرة وتذكرة الطيران وبالذات طيران الاتحاد الإماراتي درجة اقتصادية وفندق هاف بورد أربع نجوم في ماهراشترا، إنما مش أربعة.ولا حاجة ، هما بيقولوا كدا بس فيه صراصير كبيرة
السعر اللي صرفته من سنتين كله تقريبا كان 18 ألف جنيه مصري ، أعتقد دلوقتي هتفرق بسبب موضوع التعويم للجنيه، مدة إقامتي كانت اسبوع غير ايام السفر والعودة
السعر اللي صرفته من سنتين كله تقريبا كان 18 ألف جنيه مصري ، أعتقد دلوقتي هتفرق بسبب موضوع التعويم للجنيه، مدة إقامتي كانت اسبوع غير ايام السفر والعودة