ازيكوا يا جماعه، دلوقتي انا هقدم ان شاء الله...

[Karim Reda]

ازيكوا يا جماعه،
دلوقتي انا هقدم ان شاء الله على فيزا شنجن لإيطاليا .
الورق اللي فهمت اني مفروض أقدمه :
١-HR Letter من الشغل عندي
٢-الباسبور مع الفيز اللي طالعه قبل كده
٣-حجز الفندق
٤-حجز الطيران (حد يقولي بس ازاي أحجز التذكره اللي هي بتتلغي بعد ٢٤ ساعه دي)
٥-bank statement اخر ٦ شهور
٦-ابلكيشن بتاع الفيزا
٧-شهادة تحركات
٨-travel insurance (ده هعمله ف alliance )
٩- في موقع كان كاتب اعمل غرض الرحلة و مدتها ف خطاب ده صح ولا غلط؟

اللي يعرف يجاوب على حاجه يبقى كتر خيره و لو ناقص حاجه قولولي.
مع العلم انا هطلع باسبور جديد و القديم هقدمه مع الجديد عشان فيه الفيز القديمة .
و انا هقدم عن طريق vfs ان شاء الله.

شكرًا جزيلا

 

[Hend Salem]

لو بتقدم من مصر ايطاليا بتطلب بالاضافة لخطاب جهة العمل عقد عمل و برنت تامينات
و طبعا كشف حساب

 

[Malak Fathalla]

لازم عقد العمل ،، انا رجعوني بالورق و قدرت اجيب عقد العمل قبل الساعه ١ ، عشان مخدش معاد تاني معاهم و سافرت و جيت ٧/٧ . فالكلام ده لسه من قريب

 

[Zeina El Sayed]

تامين..

 

[Reham Fahmy]

4- رأيي تحجز طيران مؤكد علي alitalia عشان تضمن سعر كويس احسن ما الفيزا تتاخر وتلاقي نفسك لبست في تذكرة غالية. ولو لا قدر الله اترفضت بتبعتلهم ايميل بالرفض وبيرجعولك تمن التذكرة كاملة - عن تجربة.
8- اتاكد ان تأمين السفر بيغطي مدة سفرك كلها وممكن تزود كام يوم بعد التاريخ اللي انت كاتبه عشان لو حصل اي تغيير في الخطط ولا حاجة ما تبقاش قلقان.
9- دي حاجة مش مطلوبة خالص، انا قدمت بالورق اللي قلته واللي زودناه في التعليقات والحمد لله اخدت الفيزا

 

[Tour-guide Hanan Ezzat]

جواب ال hr : موضح فيه تاريخ بدء العمل ...مفردات المرتب .....تاريخ الاجازة و مدتها ......و المسمي الوظيفي

 

[Jiji Gamal]

متنسيش الوثائق كلها من الجهه الاصليه بالنجليزى والا هترجمى من مكتب معتمد ايطالى وربنا يوفقك

 

[Tour-guide Hanan Ezzat]

9- مالهاش لزمة لان كدة كدة بتتكتب في الابليكشين و جواب التحركات لو اول شنجن بس

 

[Ola Mohamed]

Up

 

[Mohamed Farghly Agamy]

بخصوص جواب hr
ﻻزم يكون صادر بتاريخ حديث افرض فيها جةاب hr
قديم صادر 2016 ينفع يتقدم بيه

 

[Alaa Salah Mahmod]

فيه كمان الصور الشخصية بالمواصفات المطلوبة ع موقع السفارة
وتكون حديثة

 

[Nevien Fathy]

ايه حكاية "برنت التأمينات" دى ؟

 

[Faten Abdel Hameed]

بالنسبة للتذكرة اللى بتتلغى..
ادخل على مصر للطيران واختار الرحلة ذهاب وعودة واوصل لخطوة الدفع هتلاقى اوبشن اسمه ادفع عن طريق فورى.. اختاره.. وبس.

 

[Faten Abdel Hameed]

النصيحة الأهم ... ابعد عن ايطاليا

 

[Faten Abdel Hameed]

قدم ف فرنسا أو هولندا

 

[Alyaa Adel]

لازم برنت تأمينات من التأمينات الاجتماعية اللي تبع شغلك و يكون مكتوب فيه الوظيفة و الشركة اللي متامن عليكي حاليا فيها اللي هي مطلعالك ال hr letter
و تترجمي برنت التأميتنات للإيطالي
و عقد العمل الأصلي إنجليزي او لو عربي لازم يترجم إيطالي
انا رجعولي ورقي عشان الحاجات دي ناقصة و لما كملتها اخدت الفيزا
في مكتب ترجمة إيطالي في نفس الدور اللي فيه vfs القاهرة اللي في الجيزة

 

[Mohamed Al-Sharif]

@ Karim Reda بعد ما تظبط ورقك الأفضل انك تقدم رحلة مع حد معاه فيزا شنجن ، لان تقديمك لوحدك اوتوماتيك بيحطك في خانة الشك ، و يا ريت محدش يخش يرد يقول قدمت لوحدي و أخدتها ، انا بقول الأفضل ، و دا عرفته شخصياً من قنصل احد السفارات الشنجن

 

[Hazem Ahmed Ismail]

Waleed Ahmed Esmaeel

 

[Sayed Ibrahim]

F

 

[Ahmed Hassan Egitto Luxor]

عقد العمل برينت التأمينات، انا هقدم الفتره الجايه لو حابب ممكن نقدم مع بعض