لو سمحتم يا أهل الخبرة عندى سفر لمدة 5 أيام...

  • بادئ الموضوع بادئ الموضوع Eslam Hamed Gaber
  • تاريخ البدء تاريخ البدء
عرض العطلة
E

Eslam Hamed Gaber

:: مسافر ::
#1
لو سمحتم يا أهل الخبرة
عندى سفر لمدة 5 أيام الى نيروبي كينيا بأفريقيا. محتاج اعرف متوسط أسعار الفنادق والمطاعم. وايه موضوع التطعيمات ده وبيتم اذاى واجراءاته ايه لانى اول مرة اسافر لدول أفريقيا.
محتاج حد يكون عنده خبرة فى موضوع السفر لدول أفريقيا ولو سافر كينيا يبقى كتر خيره يقولى نصايحه ايه.
تعديل بسيط
انا رايح شغل لمدة خمسة أيام مش رحلة سفارى او غيره. بس مايمنعش انى ازور كذا مكان للترفيه والاستكشاف
alVX3fJHlg7GnZFonY3LBuCjP0YmX3xO.jpeg
 
#5
حضرتك تروح مكتب صحة المسافرين هتاخد حوالي 3 تطعيمات أساسية وأهمها تطعيم الحمى الصفرا لأن لازم يكون معاك شهادة التطعيم دي وأنت في مطار نيروبي.. ثانياً حضرتك هتشتري دواء للحماية من الملاريا غالباً هيكون اسمه ميفلوكين هتاخد منه قرص أسبوعيا وهتبتدي بأول قرصىقبل السفر بحوالي أسبوعين..
ماتقلقش البلد نضيفة جداً وهتفاجأ بالطبيعة التحفة اللي هناك.. بلاش تشرب عصاير مش معلبة مع إن الإغراء هيكون فظيع لكن الأفضل إنك تشتري الفواكه وتغسلها بنفسك الأول.
بالتوفيق
 
عرض العطلة
#7
فى ال national park هتعمل فيها سفارى جميل جدا تشوف الحيوانات فالطبيعه فى خلال كام ساعه بتدخل بعربيه جيب .. تجربه جميله جدا و فحدود وقتك
 
#9
Ranya Mohammed من فضلك هو فين مكتب صحة المسافرين ده .. فى مطار القاهرة مثلا؟ والتعامل إذاى؟ هل قبل السفر مباشرة؟ ولا قبلها بكم يوم؟ وهل بيتم سداد رسوم؟ وطبعا لازم اكون موجود فى المطار بدرى جدا ولا ايه بالضبط؟ دى سفرية باين عليها مطينة بطين انا كرهتها مش بحب الإجراءات المعقدة.
 
#10
لو هتبقا فاضى الجمعه اسأل عن الاسواق الى بتتعمل يومها فوسط البلد كل جمعه.. بيبيعو الحاجات الى بيعملوها يدوية جميله اوى
 
عرض العطلة
#13
كلم Vaxira او روح الحجر الصحي اللي فالمطار بس خد بالك في امراض تطعيماتها بتحتاج تتاخد قبل السفر بحوالي اسبوع
هتحتاج غالبا
حمي صفرا
حمي الوادي المتصدع
الحمي الشوكيه
الملاريا
دول الاساس
 
#15
اولا التطعيمات
الحمة الشوكية و الصفرا و دول بيتاخدوا حقن و الملاريا بيكون برشام في ناس بتقول بتسخن لما بتاخدهم بس انا محصليش حاجة و افضل تاخدها قبل السفر باسبوع و في مكتب سهل تروحه عشان تنزل محطة العتبة جوا فندق انتركونتيننتال في ميدان الاوبرا قدام التمثال بتاع ابراهيم باشا
ثانيا المزارات
بما انك في نيروبي و مش هتعرف تخرج منها يبقي عندك elphant orphanage , gifraffe center ,national park, karora forest و خلي بالك elphant orphanage بتفتح من الساعة ١١ ل ١٢ كل يوم و لو عايز تسوق و تجيب شغل يدوي خشبي روح جنب الجامع اللي هناك اسمه مسجد الجامعة في جنبه سنتر في شغل يدوي كتير و ارخص من هناك بكتير
ثالثا الاكل
في مطاعم حلال كتير زي عند الجامع اللي بقولك عليه جنبه مطعم و في عند فندق هيلتون كذا مطعم حلال زي كنتاكي كده
و عن الفنادق انا كنت قاعد في فندق اسمه manyatta backpackers هو مشكلته الوحيدة الحمام بس فيه اجانب كتير ممكن تبقي كمان تخرج معاهم
 
عرض العطلة
#16
بالنسبة للتطعيم فيه كذا مكان بس بالنسبالي اسهلهم بتاع مطار القاهرة.
هتروح المطار صالة 1 و هتدخل من الصالة هيبقي علي شمالك التفتيش و دخول المسافرين و علي يمينك مكاتب شركات سياحة و صيدلية. انت هتعدي وسط كل ده و تكمل علي طول في الصالة للاخر.
هتبص شمال هتلاقي سلم صغير و مكتب الحجر الصحي و قاعد فيه دكتورة محترمة.
هتدخل و تقولها انا مسافر كينيا و هي هتديك التطعيمات و حبوب الملاريا و هتقولك تاخدهم امتي.
خد معاك الباسبور و بس.
انا مش فاكر التكلفة بس هي رمزية.
التطعيم لازم يكون قبل السفر ب10 ايام عالاقل. و بيفضل ساري 10 سنين و بتاخد بيه شهادة.
الشهادة دي تحافظ عليها زي الباسبور.
مش محتاج فيزا او اي حاجة خالص
 
#19
بص يا سيدي كنيا مش امان ده مبدئيا متتاخرش ف الخروج الا لو معاك ناس و متقفش لحد و خلي بالك و اتاكد ان الاكل حلال و الاوتيلات قشطه ق الرخيص و خد التطعيمات
 
عرض العطلة
عرض العطلة
عرض العطلة
أعلى أسفل
عودة
قائمة