A
Ahla Semsema Mj
:: مسافر ::
تركيا جميلة فى الوقت دا بس استخدم الباصات فى تنقلاتك بالكارت اشحنه و اتحرك براحتك و ناخد بالنا و انت بتسحب فلوس من اى ماكينة لازم تبص كويس مين حواليك علشان فيه خطافين و حرامية بيبقوا مراقبين اللى بيسحبوا فلوس لو عاوز تتفسح فى حتت جميلة و امان اكتر من اسطنبول بكتير يبقى روح ازمير و دى لازم لها طيران داخلى روح كوناك سوق فيه كل حاجة تتخيلها اكل و هدوم و صاغة و كل حاجة و انت هناك انت فى ميادن كوناك بالساعة المشهورة بتاعته هاتبقى قريب قوى من البحر روح مطعم اسمه 100 present و اتمشى لما تخرج على البحر فى ممشى اسمه كوردون تحفة يجنن و على فكرة الاكل فى كوناك جوة السوق مطاعم مش غالية خالص و لو حبيت تروح كافيهات غالية شوية يبقى اتمشى على الممشى اللى اسمه كوردون عكس اتجاه مطعم 100% هاتوصل لمنطقة كافيهات غالية و مطاعم جميلة زى ميلانى و غيره و ممكن من هناك تركب الفايتون دا الكارتة بتاعتهم تاخد لفة فى وسط البلد و ممكن تخرج برة ازمير و تزور فوتشا القديمة دى قرية عاملة زى الجنة و فيها بنسيونات اسعارها حلوة و فى الشتا ممكن تكون غرفة لفردين ب80 ليرة فى الليلة بس الافضل تزورها فى شهور 9 و 10 علشان التلج لكن ازمير الجنة تزورها اى وقت مليانة مولات و مطاعم و ياسلام بقى على القهوة التركى باللبن فى السوق اللى جوا كوناك تجنن و هاتلاقة محلات براندات هناك و رخيصة و هدوم شتوى تحفة روح و هاتنبسط قوى قوى اهل ازمير طيبين مش زى بتوع اسطنبول خالص و ازمير مليانة اماكن تحفة و لو عاوز اوتيل كويس فى وسط البلد هناك يبقى روح اوتيل سيمرنا جميل و فى وسط البلد و قريب من كل حاجة