دعوة للمناقشة : لو بنعمل فندق لذوي الاحتياجات...

  • بادئ الموضوع بادئ الموضوع Ahmed Shabiek
  • تاريخ البدء تاريخ البدء
عرض العطلة
#21
العين السحريه تبقي علي مستوي منخفض. الحمام يبقي شاور مش بانيو.
جرس الباب ينور بجانب انه يرن علي اساس لو حد عنده مشاكل سمعية.
في نوع من التليفونات بيحول الكلام كتابه و تكتب عليه يحول الكلام لصوت.
عدد كافي من كراسي عجل علي اساس لو حد مش معاه كرسي.
الفندق ده لو هيبقي في مكان حلو ممكن تجيب كلاب و تتدرب انها تاخد الناس تمشيهم بره الفندق.
اسطاف الفندق يكون مدرب علي التعامل مع الناس ده. ازاي يساعدوهم و يتعاملوا معاهم.
يكون الأسطاف مدرب علي إسعافات اوليه
 
#22
سهولة الوصول للغرف .دكتور متواجد بالفندق .لو ادوار يبقى المصاعد كافيه لانك تدخل فيها الكراسى سهولة الوصول للشط او حمام السباحة افتكر فندق بسمة ف اسوان من اوائل الفنادق اللى عملت كدة
 
#23
بص هقولك حاجه .. في عرب كتير بتيجي مصر تعالج اطفالهم من اعاقات كتير زي الشلل الدماغي والتأخر الحركي فبيودوهم مراكز علاج طبيعي وبياخدوا شقق تكون قريبة من المراكز دي معظم المراكز دي بتكون في الهرم أو أكتوبر فانت لازم تختار المكان ده قريب من المكانين دول ويا سلام لو تقدر مركز علاج طبيعي علي مستةي عالي تكون ضربت عصفورين بحجر واحد
 
عرض العطلة
#27
تاني حاجة الcirculation طبعا لو في buffet مثلا ممكن أعمل rail الاي بينحرك ده بيهم بالكرسي و هم قاعدين الحاجة الثالثة ال & softscape من حقهم ينزلوا pools ري باقي الناس مش عارفة امكانية اننا نعمل ramps للpools بس طبعا مناسيبها تبقي قليلة او مثلا كل guest يبقى معاه واحد من ال staff كده يعني و بالتوفيق تن شاء الله
 
#29
فكره تحفة جدا ربنا يجازيكوا خير يا رب بس انا رأيي تخلي الفنادق الموجوده حاليا ليها ركن أو ليها مميزات لذوي الاحتياجات الخاصة مش مستشفي خاصه ليهم .. يعني مثلا نزول سهل من غير سلالم أو الكراسي المتحركه تكون قويه و تستحمل مثلا لو حبوا بنزلوا ميه أو بيسين ... أنزل عند كلية طب عين شمس هتلاقى محلات كتير اوي بتبيع الحجات دي إ في أفكار جديدة هتشوفها
 
#30
بس دي تبقي معايير معينه ولازم تستشير ناس متخصصه في ده بس فكره تحفه وجديده وبجد اخيرا حد حس بمعاناتهم برافو بجد بس لازم تستشير حد من الدكاتره او المتخصصين في المستلزمات الطبيه لاكن الناس هيقولك تخيلاتهم مش اكتر الي ممكن تبقي موجوده او لا
 
عرض العطلة
#31
الفكرة ممتازة جدا و احيي حضرتك عليها .. بس لازم تاخد في الاعتبارات حاجات كتيرة زي مثلا ....
اولا ذوي الاحتياجات الخاصة من اتجاه الاعاقة الجسدية او الاعاقة العصبية او الاعاقة العقلية او الضمور العضلي . كل واحد من دول له رعاية خاصة غير التاني.
ثانيا .. مكان التجهيز خارج القاهرة يكون افضل و علي مساحة كبيرة لان ببساطة هيكون دور واحد افضل لو اكتر التكلفة هتزيد جدا.
ثالثا .. لازم اماكن مجهزة للمرافقين و توافر جميع الادوات.
و مجرد رأي شخصي اعمل المشروع مركز سبا طبي فندقي لذوي الاحتياجات الخاصة
و يكون مجهز طبيا علي اعلي مستوي
و ربنا يوفقك
 
#32
الطبيعي والمفروض ان كل الفنادق تكون مجهزة لذوي الاحتياجات الخاصة كمان .. من حقهم ميحسوش ان في مشكلة ويتعايشو طبيعي في اي مكان .. مش أنهم ينفصلو لمكان لوحدهم
 
#34
فندق ليهم فقط انا ضده لانه تميز او عزل ليهم وده مش صح .. بس ممكن عمل المشروع بانه نعرض على سلسلة اوتيلات مثلاً انه كلها تبقى فيها غرف وخدمات واشخاص مجهزة ليهم .. استاف يكون واخد كورسات فى التعامل معاهم .. يكون فى حل لموضوع السلالم الكتير او الاسانسير يكون حجمه كافى لكرسين تلاتة مع بعض .. الاوض يكون مستوى السرير مش عالى .. الحيطة يكون فيها حديدة بالعرض زى بتاعة الباليه دى .. الحمام يكون فى مستوى الكورسى للمساعدة ويكون الشطافات اسهل فى الاستخدام ليهم .. الارض تكون مُهيئة ومفروشة بمادة طرية انه لقدر الله لو حصل و وقع مايحصلوش اصابات .. يكون فى تليفونات فى اكثر من مكان عشان لو احتاج الروم سيرفس يوصلها بسهولة .. البسين او البحر يكون فيه زى ممشى مايل عشان يقدر ينزل بالكرسى جوة الماية .. حاجات كتير اوى بس مش قادرة اكتب .. الموضوع لو مثلاً اتفقنا مع سلسلة اوتيلات accour اللى هى فيها نوفوتيل و ايبس وكذا اوتيل كبير انه فى كل اوتيل نعمل ٥ غرف احتياجات خاصة ويكون ده جزء من ال marketing بتاعهم كمان هتكون فكرة ناجحة جداً
 
عرض العطلة
عرض العطلة
أعلى أسفل
عودة
قائمة