A
Ahmed Menshawy
:: مسافر ::
ده ريفيو عن رحلة مرسى علم مع الفرد اللى بينظمها (عزت الزيات)
مميزات الرحلة :
1- سعرها رخيص نسبيا بمقارنة بباقى الرحلات لنفس المكان .
2- عدد ايامها اكتر يوم واحد عن الباقى ، بس ده انقلب ل عيب هقوله فى العيوب تحت .
3- الهوستيل اللى نزلنا فيه ، لانه مش فندق ، هو يدوب هوستيل هتبقى كافية لوصفة . كان حلو والناس فيه متعاونة جدا ومتفهمه ، وتقدر تستخدم المطبخ اللى فيه .
4- هتروح اماكن كتير ، بغض النظر عن تغيير اوقات وترتيب البرنامج !.
العيوب وده الأهم ، لان الطبيعى ان المميزات دى حاجات بتستفيد بها مقابل المبلغ المدفوع .
1- البرنامج اتغير اكتر من مره قبل السفر ، وكنت بتبلغ به ، وللاسف مكنتش هلحق الغى الحجز واحجز مع حد ثانى .
2- شركة الاتوبيسات اللى سافرنا فيها ، الخليجية ، السوقين متهورين فى السواقة بعض الشئ ، لكن الاتوبيس نفسه نظيف ومريح .
3- يوم الوصول ، عرفت ان البرنامج اتغير للمرة مش عارف الكام ! بمزاج المنظم ، ان ده احلى واحسن وافضل لكم من اللى انا كنت حاطه فى البرنامج الاصلى ، بمبدأ انا بشوف اللى فى صالحكم واعمله . ولكن ما خفى كان اعظم .
4- الاتفاق كان على رحلة بحرية لجزيرة سطايح ، او سطايح زى ما بيقولوا ، ودى نسبة مشاهده الدولفين اعلى من اى مكان ثانى على حد قدر البحث اللى معمول على الانترنت والريفيو عنها ، لكن اللى حصل ان المنظم غير الرحلة البحرية بمزاجه لمكان اخر اسمه رأس صمداى ، وبدون الالتفات لرغبات الناس اللى دفعه فلوس فى انها تروح سطايح وانه يرجع للاتفاق الاساسى ! ، وحجته ان صمداى اقرب وهنشوف فيها دولفين برضة ومفيش مشكلة وكلها ارزاق .
5 - كان فى اخر يوم فى الرحلة برنامج وهو الذهاب اللى مرسى عجلى ، بحسب اخر تعديل تم من المنظم قبل السفر ، ولكن اللى حصل ان لقينا اليوم الخامس ده يوم حر ، تعمل فيه اللى انت عايز تعمله ، وبالتالى تكلفة فسح اليوم ده بخ! ، لان المنظم قرر انه يضم برنامج يوم ليوم ثانى ويعمل الاثنين فى يوم واحد !
6- طبعا نتيجة ضم برنامج ايام مع بعضها ، اصبح الوقت اللى تقدر تقضيه فى المكان اللى هتزورة اقصر ، يعنى بدل ما كنت هتقعد 6 ساعات مثلا فى مكان زى شاطئ صمداى او وقت اطول فى مرسى عجلى ، اصبح ان وقتك هو 2:30 دقيقة ، وبعد فصال وافق انه يبقى 3 ! .
7- متتوقعش ان منظم الرحلة هيقولك انزل من هنا هتشوف شعب مرجانية افضل او هنا هتشوف سلحفاة بحرية، هو زيه زيكم ، جاى يتفسح . ولو محتاج تعرف بقى ، يا تدور بنفسك وده طبعا هياخد وقت اللى هو مبقاش متاح ، او انك تسأل حد من الغواصين اللى جايين مع اجانب وهو متكرما هيقولك انزل هنا ، وان ده حنكرواب ولما تمشى شوية هتعرف ان ده شرم الوالئ مش هو هو نفس الشاطئ ! واللى هو انت ممكن تعرف ده بعد ما اليوم يخلص مثلا !.
8- متتوقعش انك تقعد قدام فى الاتوبيس ، لانه دائما بيحجز متأخر فا هتقعد دائما وراء ، واللى معروف ان الاماكن القدام او فى المنتصف هى افضل الأماكن .
9- الغرف كان الاتفاق انها هيكون فيها ثلاجة ، لكن طبعا كانت من غير ثلاجة ، مش كلها ، لكن عن نفسى الغرفتين اللى حجزتهم لاسرتى كانوا من غيرها لحد ما اتكلمت مع الراجل بتاع الفندق انه يجيبها ، وجاب ثلاجة واحد ، فى غياب المنظم اللى قالى مشكلتك ايه وقولت له وهو معرفش نفض ولانسى انه يجيب الثلاجة الثانية ! .
10- فى صورة منزلها المنظم البى غير رحلة سطايح ل رحلة رأس صمداى بيقول فى الكابشن " بيت الدولفين فى محمية رأس صمداى كان يوم جميل مع ناس جميلة
كل مرة بسافر فيها مرسى علم بكتشف فعلا فيها مكان جديد " وده ان دل على شئ يدل على انه اول مرة يطلع رأس صمداى ، يعنى كان فى مجازفة بالرحلة انهم يرجعوا من غير ما يشوفوا حتى دولفين لولا ستر ربنا وان الناس اللى معانا فى الرحلة هم اللى شافوا الدولفين وقالوا للمراكبى وللمنظم لازم نروح دلوقتى هم هناك نشوفهم ، وستر ربنا اننا واحنا راجعين قبلنا ناس قالوا لنا على مكانهم برضة ورجعنا ثانى ، وده اللى خلى الناس مبسوطة فى الرحلة دى .
11- مرسى علم مدينة جميل ، مدينة جميلة من تحت المياة ، لاننا المفروض كنا هنشوفها من فوق على حسب البرنامج ان كان فى رحلة لوادى جمال ، اللى اتضح فى الرحلة اننا عدينا على وادى جمال ، يلا يا جماعه انزلوا اتصوروا حنب اليافطة معاكم 5 دقايق علشان نتحرك ! .
12- رحلة كامب وادى سفين متعملتش بعربيات 4x4 ولا دفع رباعى ، عملنا الرحلة بأتوبيس 28 فرد داخل الصحراء لحد الكامب .
13- رحلة مرسى مبارك اللى اتلغت لبعد المسافة ، هى دى الرحلة اللى شوفت فيها السلحفاة البحرية ، ومرسى عجلى مشوفتش فيها غير شعب مرجانية ! . والرحلة دى احنا اللى تكفلنا بمصاريفها بعد ما تطوع واحد معانا انه ينظمها لانه عارف ان المكان ده مصنف على trip advisor ، وشكرا له .
فى المجمل الرحلة نفسها انبسطنا فيها الحمد لله من تدبير ربنا ، لكن تنظيم المنظم غير موفق وترتيب المواعيد والايام وترتيب جمالها وتغيير البرنامج بمزاجه بعد الاتفاق عليه ودفع الفلوس عليه شئ مخزى الصراحة ولا يدل على اى احترافية او جدية فى التنظيم .
من الاخر هتنبسط من المكان والرحلة ، لكن مدققش فى التفاصيل ومتركزش مع المنظم ومتشغلش بالك هتروح فين ، اللى هو عايز يروحه هيودهولك مش انت اللى تقرر !
مميزات الرحلة :
1- سعرها رخيص نسبيا بمقارنة بباقى الرحلات لنفس المكان .
2- عدد ايامها اكتر يوم واحد عن الباقى ، بس ده انقلب ل عيب هقوله فى العيوب تحت .
3- الهوستيل اللى نزلنا فيه ، لانه مش فندق ، هو يدوب هوستيل هتبقى كافية لوصفة . كان حلو والناس فيه متعاونة جدا ومتفهمه ، وتقدر تستخدم المطبخ اللى فيه .
4- هتروح اماكن كتير ، بغض النظر عن تغيير اوقات وترتيب البرنامج !.
العيوب وده الأهم ، لان الطبيعى ان المميزات دى حاجات بتستفيد بها مقابل المبلغ المدفوع .
1- البرنامج اتغير اكتر من مره قبل السفر ، وكنت بتبلغ به ، وللاسف مكنتش هلحق الغى الحجز واحجز مع حد ثانى .
2- شركة الاتوبيسات اللى سافرنا فيها ، الخليجية ، السوقين متهورين فى السواقة بعض الشئ ، لكن الاتوبيس نفسه نظيف ومريح .
3- يوم الوصول ، عرفت ان البرنامج اتغير للمرة مش عارف الكام ! بمزاج المنظم ، ان ده احلى واحسن وافضل لكم من اللى انا كنت حاطه فى البرنامج الاصلى ، بمبدأ انا بشوف اللى فى صالحكم واعمله . ولكن ما خفى كان اعظم .
4- الاتفاق كان على رحلة بحرية لجزيرة سطايح ، او سطايح زى ما بيقولوا ، ودى نسبة مشاهده الدولفين اعلى من اى مكان ثانى على حد قدر البحث اللى معمول على الانترنت والريفيو عنها ، لكن اللى حصل ان المنظم غير الرحلة البحرية بمزاجه لمكان اخر اسمه رأس صمداى ، وبدون الالتفات لرغبات الناس اللى دفعه فلوس فى انها تروح سطايح وانه يرجع للاتفاق الاساسى ! ، وحجته ان صمداى اقرب وهنشوف فيها دولفين برضة ومفيش مشكلة وكلها ارزاق .
5 - كان فى اخر يوم فى الرحلة برنامج وهو الذهاب اللى مرسى عجلى ، بحسب اخر تعديل تم من المنظم قبل السفر ، ولكن اللى حصل ان لقينا اليوم الخامس ده يوم حر ، تعمل فيه اللى انت عايز تعمله ، وبالتالى تكلفة فسح اليوم ده بخ! ، لان المنظم قرر انه يضم برنامج يوم ليوم ثانى ويعمل الاثنين فى يوم واحد !
6- طبعا نتيجة ضم برنامج ايام مع بعضها ، اصبح الوقت اللى تقدر تقضيه فى المكان اللى هتزورة اقصر ، يعنى بدل ما كنت هتقعد 6 ساعات مثلا فى مكان زى شاطئ صمداى او وقت اطول فى مرسى عجلى ، اصبح ان وقتك هو 2:30 دقيقة ، وبعد فصال وافق انه يبقى 3 ! .
7- متتوقعش ان منظم الرحلة هيقولك انزل من هنا هتشوف شعب مرجانية افضل او هنا هتشوف سلحفاة بحرية، هو زيه زيكم ، جاى يتفسح . ولو محتاج تعرف بقى ، يا تدور بنفسك وده طبعا هياخد وقت اللى هو مبقاش متاح ، او انك تسأل حد من الغواصين اللى جايين مع اجانب وهو متكرما هيقولك انزل هنا ، وان ده حنكرواب ولما تمشى شوية هتعرف ان ده شرم الوالئ مش هو هو نفس الشاطئ ! واللى هو انت ممكن تعرف ده بعد ما اليوم يخلص مثلا !.
8- متتوقعش انك تقعد قدام فى الاتوبيس ، لانه دائما بيحجز متأخر فا هتقعد دائما وراء ، واللى معروف ان الاماكن القدام او فى المنتصف هى افضل الأماكن .
9- الغرف كان الاتفاق انها هيكون فيها ثلاجة ، لكن طبعا كانت من غير ثلاجة ، مش كلها ، لكن عن نفسى الغرفتين اللى حجزتهم لاسرتى كانوا من غيرها لحد ما اتكلمت مع الراجل بتاع الفندق انه يجيبها ، وجاب ثلاجة واحد ، فى غياب المنظم اللى قالى مشكلتك ايه وقولت له وهو معرفش نفض ولانسى انه يجيب الثلاجة الثانية ! .
10- فى صورة منزلها المنظم البى غير رحلة سطايح ل رحلة رأس صمداى بيقول فى الكابشن " بيت الدولفين فى محمية رأس صمداى كان يوم جميل مع ناس جميلة
كل مرة بسافر فيها مرسى علم بكتشف فعلا فيها مكان جديد " وده ان دل على شئ يدل على انه اول مرة يطلع رأس صمداى ، يعنى كان فى مجازفة بالرحلة انهم يرجعوا من غير ما يشوفوا حتى دولفين لولا ستر ربنا وان الناس اللى معانا فى الرحلة هم اللى شافوا الدولفين وقالوا للمراكبى وللمنظم لازم نروح دلوقتى هم هناك نشوفهم ، وستر ربنا اننا واحنا راجعين قبلنا ناس قالوا لنا على مكانهم برضة ورجعنا ثانى ، وده اللى خلى الناس مبسوطة فى الرحلة دى .
11- مرسى علم مدينة جميل ، مدينة جميلة من تحت المياة ، لاننا المفروض كنا هنشوفها من فوق على حسب البرنامج ان كان فى رحلة لوادى جمال ، اللى اتضح فى الرحلة اننا عدينا على وادى جمال ، يلا يا جماعه انزلوا اتصوروا حنب اليافطة معاكم 5 دقايق علشان نتحرك ! .
12- رحلة كامب وادى سفين متعملتش بعربيات 4x4 ولا دفع رباعى ، عملنا الرحلة بأتوبيس 28 فرد داخل الصحراء لحد الكامب .
13- رحلة مرسى مبارك اللى اتلغت لبعد المسافة ، هى دى الرحلة اللى شوفت فيها السلحفاة البحرية ، ومرسى عجلى مشوفتش فيها غير شعب مرجانية ! . والرحلة دى احنا اللى تكفلنا بمصاريفها بعد ما تطوع واحد معانا انه ينظمها لانه عارف ان المكان ده مصنف على trip advisor ، وشكرا له .
فى المجمل الرحلة نفسها انبسطنا فيها الحمد لله من تدبير ربنا ، لكن تنظيم المنظم غير موفق وترتيب المواعيد والايام وترتيب جمالها وتغيير البرنامج بمزاجه بعد الاتفاق عليه ودفع الفلوس عليه شئ مخزى الصراحة ولا يدل على اى احترافية او جدية فى التنظيم .
من الاخر هتنبسط من المكان والرحلة ، لكن مدققش فى التفاصيل ومتركزش مع المنظم ومتشغلش بالك هتروح فين ، اللى هو عايز يروحه هيودهولك مش انت اللى تقرر !