قررت اطلع رحلة لكام بلد فى اوروبا فى شهر ابريل...

  • بادئ الموضوع بادئ الموضوع Mahy Mohamed Ali
  • تاريخ البدء تاريخ البدء
عرض العطلة
M

Mahy Mohamed Ali

:: مسافر ::
#1
قررت اطلع رحلة لكام بلد فى اوروبا فى شهر ابريل وعندى كزا سؤال :
1- ابتدى فى اجراءات الشنجن من امتى؟؟
2- الجو اخباره ايه فى اول ابريل ( سبب اختيارى للميعاد انه بعيد عن high season والاسعار حتكون حنينة + انا عايزة اروح فى جو شتوى خريفى مش عايزة صيف و رطوبة )
3- لو حد راح البرتغال ايه رأيكو فيها ؟؟ ( سبب الاختيار : تذكرة الطيران ب 4200 فى ابريل على tripadvisor) وياترى سعر التذكرة ممكن يزيد قد ايه؟
4- لو اخدت طيران للبرتغال وكان فى ترانزيت 8 ساعات مدريد وانا رايحة و 7 ساعات ترانزيت فى روما وانا جاية ...هل اقدر اخد bus وانزل اشوف البلد و لو ساعتين ؟؟
5- لو حد عنده افتراحات اخرى يتفضل بس يراعى الميزانية :)
 
#4
١- اقصى حاجة ٩٠ يوم قبل السفر وف سفارات ٥٥ يوم ف على حسب السفارة
٢- برد حبتين وبلاش البرتغال
٣-الطيران لسه اسعاره لابريل لسه بدري اما تقولي دي ارخص حاجة ،هتظهر اوبشنز تانية كتير
٤-الوقت ضيق نسبيا ،يعني شيلي ٤ ساعات من كل مرة
وع حسب المطار اللي هتنزلي فيه ف كل بلد بعيد قد ايه عن المدينة
 
عرض العطلة
#6
بلاش البرتغال ليه، البرتغال تحفة و اسعارها معقولة مقارنة باسبانيا و فرنسا، غير ان الجو فشهر ابريل ممكن يبقى معقول عن غيرها
 
#7
البرتغال مناظر طبيعية رائعة ومصاريف التنقل والسكن ولا ربع اسبانيا وفرنسا زرتها من سنتين لشبونة وبورتو وماديرا بس كان في شهر ٧ كانت باليل برد
 
#8
90 يوم قبل تاريخ سفرك
لو حتحجزي طيران احجزي من دلوقتي
غير كدة حتندمي ندم عمرك
الاسعار بتعلى كل فترة
نظرية العروض و احتمالات انخفاضها قبل الرحلة كانت زمان مابتنفعش دلوقتي (مش عارف ليه).
أبريل الجو ممكن يبقه حلو بس مش في كل البلاد يعني هولندا و بلجيكا حيبقه شتاء عادي جدا
 
عرض العطلة
#12
بصى لو و انتى راجعة هتبقى ترانزيت ف روما ممكن تركبى الباص من المطار ينزلك city center ف حوالى ساعة و تلفى هناك براحتك بس نصيحة خلى معاكى خريطة عشان روما كلها مزارات فتبقى عارفة هتروحى منين على فين الاكل هناك مش غالى ممكن تاكلى باستا او بيتزا و تحلى بأيس كريم بحوالى ١٥ او ٢٠ يورو و بعد كده ترجعى تانى المطار.. التاكسى غالى اوى سعره ضعف سعر الباص بحوالى ٥٠ يورو اجرة موحدة و بيوصل من سيتى سنتر للمطار ف ساعة الا ربع
 
#15
هل لشبونه وجهه اساسيه فى الرحله بعيدا عن ثمن التذكره و علشان الكل يقدر يديكى مقترحات مفيده اكتر ممكن تحددى المزانيه المقترحه فى حدود كام لان حيتوقف عليها عدد الدول و انت عايزه الرحله فى حدود كام يوم ؟؟ و هل فى مدن اساسيه لازم تكون فى جدول الرحله لان فى الغالب على اساس اجابتك بتكون اختيار مدن فى دول قريبه من بعض يعنى المدن تكون واخده خط طولى او عرضى علشان وقت السفر بينهم بالقطار او الباص
 
عرض العطلة
#16
ايوة لشبونة الواجهة الرئيسية.. وشوفت تذاكر الطيران فى اختيارات كتيرة للترانزيت بيكون فى روما/ اثينا/ مدريد/ برشلونة ... الترانزيت حيكون فى بلدين بلد وانا رايحة و بلد تانية وانا جاية فكنت عايزة استغل وقت الترانزيت وانزل اشوف البلد... انا حاطة ميزانية من 10 الى 15 الف max وطبعا الاقامة حتكون فى هوستل
 
عرض العطلة
عرض العطلة
أعلى أسفل
عودة
قائمة