L
Le Maire Emad
:: مسافر ::
رحلة جورجيا مايو 2017
"لو كان google maps امرأة لتزوجتها وبدون شروط "
دة انسب شعار لرحلتي ل جورجيا بصراحة
وكنت مخطط اني اروح مع واحد صاحبي لانك كنت قلقان اني احس بملل لو رحت لوحدي خصوصا اني اول مرة اسافر لكنه معرفش ياخد اجازة وانا نشفت دماغي وقلت هسافر يعني هسافر بقي خلاص هي قفلت كدا هههههههههوخصوصا اني عارف لو نزلت مصر هحتاج تصريح امني وفيزا لكن من هنا اسهل بكتير وف الاخر اكتشفت ان السفر لوحدك دا متعة كبيرة جدا ومصلحة ان صاحبي دا معرفش ييجي هههههههههههههههههههه لان السفر لوحدك ليه ميزات انك حر ف قراراتك تروح مكان ماتروح فى الوقت اللي يناسبك وتتفسح زي مانت عاوز وخصوصا انا بحب المشي كتير ف مكانش هيقدر يمشي كل المسافات دي
باختصار كنت كل يوم بطلع من الهوستيل الساعة 8 الصبح ومش برجع قبل 10 او 11 بالليل حتي لو مش معايا حاجة اعملها
لو صاحب دماغ زي حلاتي ولقيت نفسك فاضي روح اشتري ايس كريم او حاجة خفيفة تتسلي فيها واطلع علي اي مكان عالي زي التمثال اللي جنب ال European square او تمثال ام الجورجيين بالتلفريك او مشي او حديقة متسميندا بارك ودي بتاخداها قطر صغير كدا من تحت علشان تطلع فوق الجبل وبعد كدا تقعد وتنقنق ف الحاجة اللي معاك وسماعاتك ف ودانك وتشغل عمرو دياب اغاني التسعينات وتتفرج علي تبليسي من فوق وانت كدا برنس نفسك وممكن تفضل ف الوضع دا بالساعة من غير ما تحس من كتر جمال المنظر والطبيعة هناك
انا قضيت هناك تقريبا 8 ايام
الملخص بتاعهم
اولا السفر كان من الكويت علي طيران القطرية ذهاب وعودة وبالنسبة للمقيمين ف الخليج مش مطلوب منك فيزا انت بس بتحجز تذكرتك والفندق وف المطار هناك بتاخد ختم دخول في الباسبور
الاقامة كانت ف هوستيل سعره معقول لمدة 8 ليالي ف اوضة دبل ( مش مشتركة مع حد لان انا نومي خفيف ومن المستحيل اعرف انام ف اوضة انا حاجز فيها سرير بس )
ثانيا بالنسبة لتقسيمة ايام الزيارات كانت كالاتي
اول يومين لفيت فيهم تبليسي كعب داير وتقريبا مخليتش فيها مكان مرحتهوش
وبصراحة المشي هناك متعة لوحده ولو ممشيتش كتير هناك يبقي مش هتستمتع بالبلد فعليا
ف اخر الفيديو اللي تحت هتلاقو صورة برنامج المشي اللي ف الموبايل وعلي اخر ال 8 ايام كنت مشيت 81 كيلو هههههههههههههه
وفي تقرير جاهز هسيبهولكم في الكومنتات هتلاقو معظم واهم الاماكن اللي المفروض تزوروها في تبليسي بالتفصيل وباللوكيشن كمان
بعد كدا حجزت 5 رحلات مع شركة سياحة محترمة جدا هناك بناء علي نصايح بعض الاصدقاء ولو حد حابب يروحلهم يتواصل معايا علشان لما بيعرفو انك جاي عن طريق حد راح معاهم قبل كدا بيعملولك خصم
الرحلات هي
kutaisi-mtskhita-kakheti-kazbegi-vardzia
واعتقد ان دي معظم الرحلات اللي الناس بتركز عليها طالما ان الزيارة لمدة اسبوع لكن اكيد في اماكن تانية زي باتومي او مارتفيلي بس دي محتاجة حد يكون معاه وقت اطول
واخر يوم كنت معزوم عند صديق مصري هناك ف منتجع سياحي بعد مدينة telavi بشوية
في الفيديو كمان هتلاقي اهم الاماكن اللي زرتها
طيب نيجي بقي لاهم الملاحظات اللي لاحظتها هناك ك ايجابيات وسلبيات
الايجابيات:
- شعب طيب جدا ونضيف ف لبسه وتعامله
-النظام ف البلد هيلفت انتباهك بسرعة كبيرة خصوصا لو اول مرة تسافر زي حلاتي
- بلد الطبيعة فيها روعة وتوقيت الزيارة كان ممتاز
-سيادتك لو لسة جاي ومش معاك خط انترنت بكل سهولة ف اي ميدان عام او شارع رئيسي ف تبليسي افتح الواي فاي هتلاقي tbilisi loves you ودا واي فاي مجاني هناك وبيفيد ناس كتير خصوصا اللي بيكون ليهم اول يوم هناك وسرعته كويسة جدا
-شريحة خط النت هناك ببلاش وبتشتريها بالباسبور وبعدين بتختار الباقة اللي عاوزها وانا اخترت باقة 4 جيجا وكانت ب 10 لاري
- الاكل هناك تحفة بكل انواعه ومشروباته-------حاجة كدا fresh يعني الايس كريم هناك انا صرفت عليه مبلغ وقدره ههههههههههههههههههههه ولازم لو حد راح يدوقه بس مش الايس كريم الجاهز اللي بيتباع ف السوبر ماركت لا........وانت ماشي من ميدان الحرية ف شارع روستافيلي علي الشمال قريب من اول محطة مترو وقبل البرلمان هتلاقي دخلة صغيرة كدا فيها ناس بتبيع ايس كريم ب 1 لاري وهتلاقي زحمة هناك ف انت متترددش وروح اشتري واحدة هتلاقي نفسك اشتريت كل يوم لانك هتكتشف ان اللي بناكله هنا دا مش ايس كريم لا دا ميه ب تلج واحنا مسميينه ايس كريم هههههههههه
ولازم تجرب الاكلة بتاعتهم اللي هي فطيرة خاتشبوري ودي فطيرة بالجبنة والبيض بس طعمها يجنن لكن قبل ما تطلبها اسألهم عن الحجم لانهم كرما جدا ف النقطة دي يعني هتلاقي مكان بيقدمهالك 6 قطع مثلا وهتلاقي مكان تاني يقدمهالك بنفس السعر 12 قطعة تكفي 2 ههههههههههههههههههههه
السلبيات:
-اللغة: معظمهم مبيتكلموش انجلش ومتحاولش تسال حد سنه اكبر من 30 سنة عن اي معلومة لانهم بيتكلمو روسي وجورجي لكن الشباب منهم بدأ يتعلم انجليش
-التاكسي: استغلاليين جدا ولازم تبقي عارف رينج الاسعار كام وازاي هناك لانه بمجرد ما يلاحظ انك جاي سياحة هيحاول يستغلك وينصب عليك في السعر ب اي شكل
-بالنسبة للرحلات السياحية هناك كان ليا ملاحظة واحدة وهي انهم بيبداو علي الساعة 8 الصبح وبالتالي ف الرحلات البعيدة هيكون معظم الوقت ف العربية وهتقعد ف كل مكان زيارة بتاع نص ساعة او ساعة بالكتير علي عكس لما كنا ف الغردقة كانت رحلة الاقصر بتطلع من 5 الصبح ونوصل 8 ونص مثلا ونقضي اليوم كله هناك لكن ف جورجيا الوضع مختلف وكل الشركات تقريبا بتبدا ف نفس التوقيتات دي وترجع علي 8 بالليل مثلا لكن دا ميغنيش ان مناظر الجبال لوحدها هناك متعة كبيرة وانت ماشي بالعربية ومش هتبطل تصوير طول اليوم
طيب نيجي بقي لنقطة مهمة وهي الملاحظات الشخصية والنصايح
-ايا كان انت رايح جورجيا منين لازم تحول المبلغ اللي هيكفيك بالدولاد او اليورو قبل ما تروح هناك لا اي عملة تانية لو هتتبدل هناك هتبقي اقل بكتير من سعرها الطبيعي يعني علي سبيل المثال لما تحول دينار كويتي لدولار وبعدين هناك تحوله لاري هتلاقيه بيساوي ف النهاية 8 لاري وكسر لكن لو اخدت دينار كويتي هناك وحبيت تبدله مباشرة هيبدلهولك ب 5 ومش ف كل الاماكن تقدر تبدله كمان
-الفقر عمره ما كان سبب ان البلد تكون مش نضيفة
دي ملاحظة شدتني قوي هناك وبرغم انها بلد يعتبر فقيرة بالنسبة لاوروبا لكن بجد منظمة ونضيفة جدا جدا دا حتي ال shuttle bus اللي بتستخدمه لو حبيت تروح المطار من تبليسي وتمنه نص لاري هتلاقي فيه USB socket لو حابب تشحن موبايلك وبالتالي معظم الحجات فالبلد هتلاقيها متطورة جدا وحتي ثقافة ورقي الشعب نفسه في التعامل واضحة وملهاش اي علاقة بمستوي البلد الاقتصادي يعني برغم انهم يقدرو يروحو اي بلد اوروبي دلوقتي بدون فيزا لكن معظم اللي تساله يقولك اوروبا دي للاغنيا بتوعنا بس لكن مش للطبقة المتوسطة وبالتالي هتعرف ان الشعب عايش علي قده لكنه عايش عيشة نضيفة ف بلد نضيفة
-لازم لو ركبت تاكسي تشد الحزام لان علي ما فهمت منهم ان دي فيها غرامة عليك لو مش شادد الحزام
- فاصل ف اسعار اي حاجة هناك سواء تاكسي او هدايا او رحلات
-لو راكب تاكسي مسافات بعيدة متستغربش لو لقيته طفي التاكسي وهو ماشي بيك عادي جدا ههههههههههه اه والله زي ما بكلمك كدا-----اصل البنزين غالي هناك
-من المواقف الحلوة جدا اللي حصلت معايا هناك ف اخر يوم لما قررت اروح مدينة telavi بناء علي دعوة من صديق وقررت اخد المواصلات العامة لان المسافة بعيدة ف مفيش حل غير كدا-----عرفت من صاحبي دة فين الموقف ورحت ركبت المواصلة ب 12 لاري وطبعا مبطلتش تصوير طول السكة-----كانت معايا كاميرا canon 122D وبصراحة ادت الغرض علي اكمل وجه واللي معاه الكاميرات البروفيشنال عارف ان طالما انت بتصور ف سهل قوي ان اي حد جنبك يلاحظ كدا بسبب صوت ال shutter وبالتالي السواق كان مستغرب شووية وحسيته عاوز يقولي ياعم انت طالما جاي سياحة بتركب مواصلات زي دي ليه ههههههههههههه بس عمل موقف جميل جدا وهو اننا خلال الطريق وقف ف مكان عالي علي زاوية الطريق كدا وشاورلي اني اصور زي مانا عاوز لمدة دقيقة او دقيقتين من غير ما اطلب منه وفعلا عملت كدا وبصراحة الموقف دا خلاني احترم عقلية الناس دي جدا
نيجي بقي للمواصلة التانية ---بعد ما وصلت تيلافي كان صاحبي مستنيني واخدنا تاكس لمنطقة اسمها جوفاني علشان نوصل المنتجع وف خلال الطريق لقيت السواق مشي بسرعة تقريبا 100 والطريق يعني ضيق ومش ممهد كطريق سريع وفجاة لقيت العربية طفت ف سالت صاحبي قلتله اية ياعم احنا هنقضي اليوم علي الاسفلت ولا اية ادي التاكسي اتعطل قالي ياعم معطلش اصبر وهتفهم وفعلا لقيت السواق هو اللي طفاها وفضل سايب العربية واخدة سرعتها وماشية لغاية ما وصلت 40 وبعدين راح شغلها تاني وابتدي ياخد سرعته تاني ودا لان البنزين غالي بالنسبالهم هناك بس كان موقف تحفة بصراحة ههههههههههههههههههههه
- اعتقد انك علشان تستمتع بجمال البلد لازم تمشي كتير يعني مش هتكون مناسبة قوي للاطفال
- بالنسبة لتكلفة الرحلة كانت بالنسبالي 500 دولار اكل وفسح ورحلات واوضة لوحدي ف هوستيل قرب شارع روستافيلي ( 330 لاري الهوستيل و 280 رحلات والباقي مصاريف اكل وهدايا ومواصلات ) بس ممكن توفر اكتر من تلت المبلغ دة لو هتقعد ف سرير ف هوستيل ومش هتطلع كل الرحلات دي
- تذكرة الطيران بقي علي حسب الوقت اللي هتحجزها فيه والشركة وطبعا يفضل تحجز بدري علي قد ماتقدر علشان تلاقي سعر حلو
- الدولار بيساوي تقريبا 2 لاري ونص
واللاري بيساوي تقريبا 7 جنية مصري
سافرو يا جدعان والله السفر متعة فوق ما تتخيلو خصوصا لما تكون ف بلد مش عربية كطبيعة وناس ولغة مختلفة تماما
انا رجعت الكويت بقالي 3 ايام وحاسس ان دماغي لسة هناك والله ههههههههههههههههههههه
لو حد عنده سؤال يكتبه ف الكومنتات وهحاول علي قد ما اقدر اجاوب علي اسئلتكم لاني استفدت كتير من البوستات بتاعتكم وياريت البوست دا يفيد حد
معلش الفيديو جودته مش عالية بس دة اللي عرفته اعمله
شكرا
special thanks for Dr. Ahmed Rabea for your advise
"لو كان google maps امرأة لتزوجتها وبدون شروط "
دة انسب شعار لرحلتي ل جورجيا بصراحة
وكنت مخطط اني اروح مع واحد صاحبي لانك كنت قلقان اني احس بملل لو رحت لوحدي خصوصا اني اول مرة اسافر لكنه معرفش ياخد اجازة وانا نشفت دماغي وقلت هسافر يعني هسافر بقي خلاص هي قفلت كدا هههههههههوخصوصا اني عارف لو نزلت مصر هحتاج تصريح امني وفيزا لكن من هنا اسهل بكتير وف الاخر اكتشفت ان السفر لوحدك دا متعة كبيرة جدا ومصلحة ان صاحبي دا معرفش ييجي هههههههههههههههههههه لان السفر لوحدك ليه ميزات انك حر ف قراراتك تروح مكان ماتروح فى الوقت اللي يناسبك وتتفسح زي مانت عاوز وخصوصا انا بحب المشي كتير ف مكانش هيقدر يمشي كل المسافات دي
باختصار كنت كل يوم بطلع من الهوستيل الساعة 8 الصبح ومش برجع قبل 10 او 11 بالليل حتي لو مش معايا حاجة اعملها
لو صاحب دماغ زي حلاتي ولقيت نفسك فاضي روح اشتري ايس كريم او حاجة خفيفة تتسلي فيها واطلع علي اي مكان عالي زي التمثال اللي جنب ال European square او تمثال ام الجورجيين بالتلفريك او مشي او حديقة متسميندا بارك ودي بتاخداها قطر صغير كدا من تحت علشان تطلع فوق الجبل وبعد كدا تقعد وتنقنق ف الحاجة اللي معاك وسماعاتك ف ودانك وتشغل عمرو دياب اغاني التسعينات وتتفرج علي تبليسي من فوق وانت كدا برنس نفسك وممكن تفضل ف الوضع دا بالساعة من غير ما تحس من كتر جمال المنظر والطبيعة هناك
انا قضيت هناك تقريبا 8 ايام
الملخص بتاعهم
اولا السفر كان من الكويت علي طيران القطرية ذهاب وعودة وبالنسبة للمقيمين ف الخليج مش مطلوب منك فيزا انت بس بتحجز تذكرتك والفندق وف المطار هناك بتاخد ختم دخول في الباسبور
الاقامة كانت ف هوستيل سعره معقول لمدة 8 ليالي ف اوضة دبل ( مش مشتركة مع حد لان انا نومي خفيف ومن المستحيل اعرف انام ف اوضة انا حاجز فيها سرير بس )
ثانيا بالنسبة لتقسيمة ايام الزيارات كانت كالاتي
اول يومين لفيت فيهم تبليسي كعب داير وتقريبا مخليتش فيها مكان مرحتهوش
وبصراحة المشي هناك متعة لوحده ولو ممشيتش كتير هناك يبقي مش هتستمتع بالبلد فعليا
ف اخر الفيديو اللي تحت هتلاقو صورة برنامج المشي اللي ف الموبايل وعلي اخر ال 8 ايام كنت مشيت 81 كيلو هههههههههههههه
وفي تقرير جاهز هسيبهولكم في الكومنتات هتلاقو معظم واهم الاماكن اللي المفروض تزوروها في تبليسي بالتفصيل وباللوكيشن كمان
بعد كدا حجزت 5 رحلات مع شركة سياحة محترمة جدا هناك بناء علي نصايح بعض الاصدقاء ولو حد حابب يروحلهم يتواصل معايا علشان لما بيعرفو انك جاي عن طريق حد راح معاهم قبل كدا بيعملولك خصم
الرحلات هي
kutaisi-mtskhita-kakheti-kazbegi-vardzia
واعتقد ان دي معظم الرحلات اللي الناس بتركز عليها طالما ان الزيارة لمدة اسبوع لكن اكيد في اماكن تانية زي باتومي او مارتفيلي بس دي محتاجة حد يكون معاه وقت اطول
واخر يوم كنت معزوم عند صديق مصري هناك ف منتجع سياحي بعد مدينة telavi بشوية
في الفيديو كمان هتلاقي اهم الاماكن اللي زرتها
طيب نيجي بقي لاهم الملاحظات اللي لاحظتها هناك ك ايجابيات وسلبيات
الايجابيات:
- شعب طيب جدا ونضيف ف لبسه وتعامله
-النظام ف البلد هيلفت انتباهك بسرعة كبيرة خصوصا لو اول مرة تسافر زي حلاتي
- بلد الطبيعة فيها روعة وتوقيت الزيارة كان ممتاز
-سيادتك لو لسة جاي ومش معاك خط انترنت بكل سهولة ف اي ميدان عام او شارع رئيسي ف تبليسي افتح الواي فاي هتلاقي tbilisi loves you ودا واي فاي مجاني هناك وبيفيد ناس كتير خصوصا اللي بيكون ليهم اول يوم هناك وسرعته كويسة جدا
-شريحة خط النت هناك ببلاش وبتشتريها بالباسبور وبعدين بتختار الباقة اللي عاوزها وانا اخترت باقة 4 جيجا وكانت ب 10 لاري
- الاكل هناك تحفة بكل انواعه ومشروباته-------حاجة كدا fresh يعني الايس كريم هناك انا صرفت عليه مبلغ وقدره ههههههههههههههههههههه ولازم لو حد راح يدوقه بس مش الايس كريم الجاهز اللي بيتباع ف السوبر ماركت لا........وانت ماشي من ميدان الحرية ف شارع روستافيلي علي الشمال قريب من اول محطة مترو وقبل البرلمان هتلاقي دخلة صغيرة كدا فيها ناس بتبيع ايس كريم ب 1 لاري وهتلاقي زحمة هناك ف انت متترددش وروح اشتري واحدة هتلاقي نفسك اشتريت كل يوم لانك هتكتشف ان اللي بناكله هنا دا مش ايس كريم لا دا ميه ب تلج واحنا مسميينه ايس كريم هههههههههه
ولازم تجرب الاكلة بتاعتهم اللي هي فطيرة خاتشبوري ودي فطيرة بالجبنة والبيض بس طعمها يجنن لكن قبل ما تطلبها اسألهم عن الحجم لانهم كرما جدا ف النقطة دي يعني هتلاقي مكان بيقدمهالك 6 قطع مثلا وهتلاقي مكان تاني يقدمهالك بنفس السعر 12 قطعة تكفي 2 ههههههههههههههههههههه
السلبيات:
-اللغة: معظمهم مبيتكلموش انجلش ومتحاولش تسال حد سنه اكبر من 30 سنة عن اي معلومة لانهم بيتكلمو روسي وجورجي لكن الشباب منهم بدأ يتعلم انجليش
-التاكسي: استغلاليين جدا ولازم تبقي عارف رينج الاسعار كام وازاي هناك لانه بمجرد ما يلاحظ انك جاي سياحة هيحاول يستغلك وينصب عليك في السعر ب اي شكل
-بالنسبة للرحلات السياحية هناك كان ليا ملاحظة واحدة وهي انهم بيبداو علي الساعة 8 الصبح وبالتالي ف الرحلات البعيدة هيكون معظم الوقت ف العربية وهتقعد ف كل مكان زيارة بتاع نص ساعة او ساعة بالكتير علي عكس لما كنا ف الغردقة كانت رحلة الاقصر بتطلع من 5 الصبح ونوصل 8 ونص مثلا ونقضي اليوم كله هناك لكن ف جورجيا الوضع مختلف وكل الشركات تقريبا بتبدا ف نفس التوقيتات دي وترجع علي 8 بالليل مثلا لكن دا ميغنيش ان مناظر الجبال لوحدها هناك متعة كبيرة وانت ماشي بالعربية ومش هتبطل تصوير طول اليوم
طيب نيجي بقي لنقطة مهمة وهي الملاحظات الشخصية والنصايح
-ايا كان انت رايح جورجيا منين لازم تحول المبلغ اللي هيكفيك بالدولاد او اليورو قبل ما تروح هناك لا اي عملة تانية لو هتتبدل هناك هتبقي اقل بكتير من سعرها الطبيعي يعني علي سبيل المثال لما تحول دينار كويتي لدولار وبعدين هناك تحوله لاري هتلاقيه بيساوي ف النهاية 8 لاري وكسر لكن لو اخدت دينار كويتي هناك وحبيت تبدله مباشرة هيبدلهولك ب 5 ومش ف كل الاماكن تقدر تبدله كمان
-الفقر عمره ما كان سبب ان البلد تكون مش نضيفة
دي ملاحظة شدتني قوي هناك وبرغم انها بلد يعتبر فقيرة بالنسبة لاوروبا لكن بجد منظمة ونضيفة جدا جدا دا حتي ال shuttle bus اللي بتستخدمه لو حبيت تروح المطار من تبليسي وتمنه نص لاري هتلاقي فيه USB socket لو حابب تشحن موبايلك وبالتالي معظم الحجات فالبلد هتلاقيها متطورة جدا وحتي ثقافة ورقي الشعب نفسه في التعامل واضحة وملهاش اي علاقة بمستوي البلد الاقتصادي يعني برغم انهم يقدرو يروحو اي بلد اوروبي دلوقتي بدون فيزا لكن معظم اللي تساله يقولك اوروبا دي للاغنيا بتوعنا بس لكن مش للطبقة المتوسطة وبالتالي هتعرف ان الشعب عايش علي قده لكنه عايش عيشة نضيفة ف بلد نضيفة
-لازم لو ركبت تاكسي تشد الحزام لان علي ما فهمت منهم ان دي فيها غرامة عليك لو مش شادد الحزام
- فاصل ف اسعار اي حاجة هناك سواء تاكسي او هدايا او رحلات
-لو راكب تاكسي مسافات بعيدة متستغربش لو لقيته طفي التاكسي وهو ماشي بيك عادي جدا ههههههههههه اه والله زي ما بكلمك كدا-----اصل البنزين غالي هناك
-من المواقف الحلوة جدا اللي حصلت معايا هناك ف اخر يوم لما قررت اروح مدينة telavi بناء علي دعوة من صديق وقررت اخد المواصلات العامة لان المسافة بعيدة ف مفيش حل غير كدا-----عرفت من صاحبي دة فين الموقف ورحت ركبت المواصلة ب 12 لاري وطبعا مبطلتش تصوير طول السكة-----كانت معايا كاميرا canon 122D وبصراحة ادت الغرض علي اكمل وجه واللي معاه الكاميرات البروفيشنال عارف ان طالما انت بتصور ف سهل قوي ان اي حد جنبك يلاحظ كدا بسبب صوت ال shutter وبالتالي السواق كان مستغرب شووية وحسيته عاوز يقولي ياعم انت طالما جاي سياحة بتركب مواصلات زي دي ليه ههههههههههههه بس عمل موقف جميل جدا وهو اننا خلال الطريق وقف ف مكان عالي علي زاوية الطريق كدا وشاورلي اني اصور زي مانا عاوز لمدة دقيقة او دقيقتين من غير ما اطلب منه وفعلا عملت كدا وبصراحة الموقف دا خلاني احترم عقلية الناس دي جدا
نيجي بقي للمواصلة التانية ---بعد ما وصلت تيلافي كان صاحبي مستنيني واخدنا تاكس لمنطقة اسمها جوفاني علشان نوصل المنتجع وف خلال الطريق لقيت السواق مشي بسرعة تقريبا 100 والطريق يعني ضيق ومش ممهد كطريق سريع وفجاة لقيت العربية طفت ف سالت صاحبي قلتله اية ياعم احنا هنقضي اليوم علي الاسفلت ولا اية ادي التاكسي اتعطل قالي ياعم معطلش اصبر وهتفهم وفعلا لقيت السواق هو اللي طفاها وفضل سايب العربية واخدة سرعتها وماشية لغاية ما وصلت 40 وبعدين راح شغلها تاني وابتدي ياخد سرعته تاني ودا لان البنزين غالي بالنسبالهم هناك بس كان موقف تحفة بصراحة ههههههههههههههههههههه
- اعتقد انك علشان تستمتع بجمال البلد لازم تمشي كتير يعني مش هتكون مناسبة قوي للاطفال
- بالنسبة لتكلفة الرحلة كانت بالنسبالي 500 دولار اكل وفسح ورحلات واوضة لوحدي ف هوستيل قرب شارع روستافيلي ( 330 لاري الهوستيل و 280 رحلات والباقي مصاريف اكل وهدايا ومواصلات ) بس ممكن توفر اكتر من تلت المبلغ دة لو هتقعد ف سرير ف هوستيل ومش هتطلع كل الرحلات دي
- تذكرة الطيران بقي علي حسب الوقت اللي هتحجزها فيه والشركة وطبعا يفضل تحجز بدري علي قد ماتقدر علشان تلاقي سعر حلو
- الدولار بيساوي تقريبا 2 لاري ونص
واللاري بيساوي تقريبا 7 جنية مصري
سافرو يا جدعان والله السفر متعة فوق ما تتخيلو خصوصا لما تكون ف بلد مش عربية كطبيعة وناس ولغة مختلفة تماما
انا رجعت الكويت بقالي 3 ايام وحاسس ان دماغي لسة هناك والله ههههههههههههههههههههه
لو حد عنده سؤال يكتبه ف الكومنتات وهحاول علي قد ما اقدر اجاوب علي اسئلتكم لاني استفدت كتير من البوستات بتاعتكم وياريت البوست دا يفيد حد
معلش الفيديو جودته مش عالية بس دة اللي عرفته اعمله
شكرا
special thanks for Dr. Ahmed Rabea for your advise