طول عمرى بسافر مع شركات سياحة ومع جروبات...

[Hazem Abdel Azem]

طول عمرى بسافر مع شركات سياحة ومع جروبات أقتنعت بفكرة الجروب بالسفر مفرد من غير منظم السؤال لو هحجز فندق بالإتصال مباشرة بالفندق ولاموقع بوكينج وتأكيد الحجز ازاى بأخذ إيصال والصورة إلكترونية من الحجز لعدم التلاعب فى مواصفات الغرفة الدفع للتأكيد او عدم الدفع.. الحجز من خلال شركات السياحة؟ الرحلات الداخلية من خلال الفندق ولاالمكاتب السياحية ولا أحد أهالى المنطقة؟

 

[Hazem Abdel Azem]

Up

 

[Hazem Abdel Azem]

هو الطلب صعب قوى كده؟

 

[Rania Hossein]

Up

 

[Mahmoud Hassan]

قارن الاسعار وشوف الاوفر وممكن تتصل بالمكان اللى هتحجز فيه تراجع مواصفات الحجز بتاعك هل المتفق عليه ولا لا فى اماكن اسعارها منها مباشرة افضل واحيانا بوكينج بيحرق اسعار فى بعض الاوقات و فى شركات ومكاتب بيبقي عندها سعر افضل
الانتقالات هتكون حر وليك كذا طريقه تسافر بيها ولو معاك عربيه ونفسك طويل في السواقه هيكون احسنلك لو 4 افراد وبتبدلوا في السواقه هيكون الموضوع مريح جدا
جهز نفسك بقي علشان نروح مرسي علم

 

[Mohamed Reda]

بص يا زعيم
بوكينج فيه حاجة للاسف ناس كتير مش بتاخد بالها منها وهي القيمة المضافة وضريبة المدينة الي هما تقريباً بيوصلوا ل 15٪ زيادة علي السعر الي ظاهر ادامك
اما تقرر تحجز كلم الفندق وشوف علي بوكينج وشوف شركات السياحة ، وأرخص حاجة ليك احجزها
بوكينج بيبقي فيه ميزة واحدة اما بيكون السعر عنده رخيص بيبقي المبلغ المدفوع non refundable
والاهم من كل ده لازم تركز وتشوف الغرفة مطلة علي ايه ؟ الغرفة لفرد ولا لفردين ؟ ونظام الوجبات ايه
لان بوكينج بيسرق عنيك للسعر وبيخليك متاخدش بالك من التفاصيل دي
اتمني اكون افدتك

 

[Islam El Mantawi]

الخواجه مبيتلاعبش في الأسعار.
انا باستخدم بوكينج بقالي اكثر من ٧ سنين - ممتاز و أسعاره ممتازه - بس فعلا اقراء كل التفاصيل قبل متحجز - متنقيش علي اساس السعر بس - لازم تبص علي ال Rating و آراء الناس - اختار حاجه موقعها قريب من مكان المواصلات.
اهل البلد مش هايفيدوك غير في أماكن الفسح - انا النهارده لو قلتلك هاتلي سعر فندق في القاهره مش هاتعرف لانك عايش في بيتك مش عارف أسعار الفنادق ايه.
انا استخدمت شركه سياحه مره واحده في حياتي لحجز رحله و ندمت بعدها - و بقالي فوق ال ٢٠ سنه دلوقتي بأعمل حجوزاتي بنفسي أرخص و احلي و بأعمل البرنامج علي مزاجي