A
Ahmed Hussein
:: مسافر ::
اتكلم بقى عن اول يوم فى المالديف و التفاصيل الى قبل كدا الى عرفتها من مساعده بعض الناس هنا فى الجروب و شويه فيديوهات عالنت طبعا دخلت على سكاى سكانر حجزت تبع طيران فلاى دبى التيكت كان عامل 3500 جنيه ترانزيت دبى ذهاب و عوده و بعدين دخلت على موقع اسمه كياك علشان يقارنلى بين الفنادق و بعضها البعض و يقولى اقل سعر فى موقع فلقيت انسب حاجه هو guest house اسمه equator beach inn فى جزيره محليه اسمها مافوشىحجزته من على اجودا بس غلط غلطه كبيره ان انا حسبت الحجز على عدد الايام مش الليلى فلما جيت هنا اكتشفت ان انا هعقد 6 ليالى وانا كنت حاجز 5 بس و الموضوع اتحل مع الناس هنا و هدفع تمن الليله دى ده اول جزء حابب اتكلم عنه بالنسبه لموضع الحجوزات تانى حاجه حابب اتكلم عنها هى بقى من اول موصلت تقريبا والله اعلم علشان انهاردا اول يوم عيد كان المفوض فيه 30 دولار بتدفع علشان كفيزا بس انا مخدوش منى حاجه بس لم اكن اعلم ان فرحتى لن تكتمل بعد ما دخلت المطار و غيرت من دولارات لروفيه الدولار ب 15 روفيه كبت فيرى تودينى من المطار لمالى ب 10 روفيه بعد ما وصلت كان المفروض فيه فيرى توصلنى من مالى لمافوشى ب 3 دولار نفس السبب الى فرحنى هو الى زعلنى بعد محاولات ولف من مكان فيرى لفيرى تانيه مفيش فيرى بتروح مافوشى انهاردا علشان اول يوم عيد طبعا كنت بقالى كتير فى الشارع و هموت وانام كان قدامى حل من اتنين ابات فى مالى و اركب الفيرى تانى يوم او اركب سبيد بوت ب 20 دولار طبعا دا مبلغ لا يستهان بيه بس لقيت انه هيكون اوفر من بيات ليله فى مالى و دلوقتى انا فى الفندق و الفندق حلو جدا جدا و ان شاء الله بكرا الصبح رايح اعمل سنوركلينج و بردو هاقولكم كل التفاصيل الى هاتحصل فى حاجه بسيطه بس عايز انوه عليها دى اول مره فحياتى اسافر ومعنديش الاكسبرينس الى تعرف تخلينى اتصرف بس مهما كان انت بتسافر بقالك كتير او قليل او لسه هتسافر متحكمش نفسك بباجيت معينه وحاول ديما تعمل حسابك لاى ظروف مهما كانت انها تحصل بس فى نفس الوقت متبزرش فى سفرك علشان تستمتع بحاجات اكتر 
