W
Waleed Hashem
:: مسافر ::
رأي حضرتك ايه في السكن قريب من السكركير .. بشوف في نص كل المعالم وكمان هسافر ان شاء الله امستردام بالقطر هيكون قريب .. ومش بعيد عن الشانزليزيه واللوفر حتى مشي .. كمان هل فيه مواصله للمطار ل middle باريس .. اظن المترو برده .. كمان لو هروح يومين هل يشترط اشتراك المترو علما اني مخطط اني اروح بين الاماكن سيرا الا الي بعيد قوي Salma Hydar
R
Rehab Kamal
:: مسافر ::
مساء الخير .. انا لسه راجعه من باريس من فترة صغيره اوي يمكن من اسبوعين .. نزلت على هولندا لان الشينجن كان من هناك وبعدين بالقطار رحت على باريس وطلعت على بلجيكا ورجعت من هناك .. قررت استعمل المواصلات لأول مرة .. المرة اللي قبلها كنت مأجرة عربية وكان عندي مشكلة البركينج .. المرة دي كان احسن كثير والموضوع مش معقد.. بس الحجز بين الدول بالقطار افضل وأرخص عن طريق النت بدل الوقوف في طوابير طويله .. بالنسبة لفرنسا اتلخبطت الاول في موضوع المترو لان كل التعليمات بالفرنساوي .. بس مع الوقت فهمت الموضوع .. دايما في المحطة بيكون لازم معرفة حاجتين عشان يكون الموضوع سهل اولا اسم المحطة وثانيا آخر محطة للوصول وده مهم جدا معرفته عشان تقدر تفهم خرائط المترو صح لان فيه خطوط كثير ولون لكل خط .. كمان من الحاجات المهمة ان قبل ما تروحوا المتاحف المعروفه نزلوا ابليكيشن المتاحف دي على التليفون عشان تعرفوا معلومات عن الحاجات اللي في المتحف وخذوا سماعه موبيل معاكم .. زي متحف اللوفر وزي دار أوبرا باريس وغيرهم من الأماكن السياحية اللي سلمى أشارت ليهم .. خذوا الفلوس اللي هتحتاجوها باليورو لان تحويل اي عمله هيكون فيه خسارة كبيرة .. وخلوا معاكم دائما فكه عشان التواليت او المترو .. انا كنت في اول يوم في اي بلد بأخذ الباص جوله في المدينة وبعد كده بختار الأماكن واروح لها بالمترو لو مخلصتش كل حاجه بالباص .. الباص بيكون فيه شرح باللغات المختلفة ومنهم العربي والانجليزي .. فيه موقع اسمة بوابه المسافرين العرب ناس بتتكلم عن الأماكن و الفنادق وغيرها ممكن الاستفادة منه .. الجو كان رائع خلال الفترة اللي كنت فيها بس زحمه اوي عشان صيف .. لازم اليوم يكون من بدري عشان الاستفادة منه.. انتبهوا للنشالين لانهم كثير ومتحطوش شنطه على الظهر ولا موبيل في الجيب الخلفي .. وياريت بلاش تتأخروا بعد الساعة ١٢ .. الأفارقة والمغاربة كثير اوي هناك ... يارب تكون فترة واجازه ممتعه للي رايحين..