S
Salma Hydar
:: مسافر ::
باريس الجميله دائما
زى كل سفريه بنخطط لها قبلها بست شهور عالاقل علشان ناخد سعر حلو للطيران و الفنادق ...نزل على موبايلك برنامج مواصلات باريس RATP هينفعك جدا .....بالنسبه لباريس انا باختار مكان الاقامه قريب اوى من المواصلات لسهوله الحركه..افضل منطقه لا ديفانس la defence هاديه و فى نفس الوقت فيها محطات ال RER (قطارات باريس و ضواحيها) و كمان محطات المترو اللى هتاخدنى لمعظم معالم باريس..و كمان الباصات نبتدى الرحله سوا ..اول ما تنزل من المطار و تستلم الشنط تعمل كارت المواصلات فورا..عن نفسى بافضل cart navigo .بعمله لل 5 zones بتاعه باريس بيباى ب 27 يورو و بيباى لمده اسبوع من الاثنين للاحد شامل كل المواصلات ببلاش لازم يكون معاك صوره شخصيه للكارنيه..بعد ما تستلم الكارنيه تتوجه بالقطار ثم المترو(مش هتتوه ابدا مع خرايط مترو باريس ) لمكان اقامتك و متضيعش وقت..انزل فورا اتفرج على معالم باريس نزلت صور معظم المعالم و تحت امركم فى اى تساؤل ..متنساش تحجز تذكره لديزنى هتقضى يوم مش هتنساه..الشوبنج فى لا فاليه فيلاج..quatre temp ..الشانزليزيه ..مونمارتر ..بريمارك ....جاليرى لافاييت شياكه و فرجه و شوبنج...لازم تاكل باجيت و كرواسون..دوق الجبن الفرنساوى اللذيذه ..جرب تاكل حاجه غريبه اسكارجو او ضفادع مثلا (على فكره طعمها مقبول جدا)فى الحى اللاتينى هتلاقى محلات الشاورما التركى و الفلافل.لازم تسهر فى المولان روج او الليدو(المولان روح احلى). نام فى الجنينه تحت برج ايفل و اتفرج عليه و هو بينور الساعه 10 بليل.. خد الباتو مووش و اتفرج على باريس من السين ..اطلع الساكركير و استمتع بالغروب على سلالمها.. اللوفر ميتفوتش و محطه المترو داخل اللوفر ..روح فرساى و شوف جمال الحدائق بتاعته و روعه تصميمه من الداخل ..اتصور فى الشانزليزيه قدام ارك دى تريومف..باختصار ..باريس متعه رقيقه حالمه انيقه زى بناتها بالظبط ...
زى كل سفريه بنخطط لها قبلها بست شهور عالاقل علشان ناخد سعر حلو للطيران و الفنادق ...نزل على موبايلك برنامج مواصلات باريس RATP هينفعك جدا .....بالنسبه لباريس انا باختار مكان الاقامه قريب اوى من المواصلات لسهوله الحركه..افضل منطقه لا ديفانس la defence هاديه و فى نفس الوقت فيها محطات ال RER (قطارات باريس و ضواحيها) و كمان محطات المترو اللى هتاخدنى لمعظم معالم باريس..و كمان الباصات نبتدى الرحله سوا ..اول ما تنزل من المطار و تستلم الشنط تعمل كارت المواصلات فورا..عن نفسى بافضل cart navigo .بعمله لل 5 zones بتاعه باريس بيباى ب 27 يورو و بيباى لمده اسبوع من الاثنين للاحد شامل كل المواصلات ببلاش لازم يكون معاك صوره شخصيه للكارنيه..بعد ما تستلم الكارنيه تتوجه بالقطار ثم المترو(مش هتتوه ابدا مع خرايط مترو باريس ) لمكان اقامتك و متضيعش وقت..انزل فورا اتفرج على معالم باريس نزلت صور معظم المعالم و تحت امركم فى اى تساؤل ..متنساش تحجز تذكره لديزنى هتقضى يوم مش هتنساه..الشوبنج فى لا فاليه فيلاج..quatre temp ..الشانزليزيه ..مونمارتر ..بريمارك ....جاليرى لافاييت شياكه و فرجه و شوبنج...لازم تاكل باجيت و كرواسون..دوق الجبن الفرنساوى اللذيذه ..جرب تاكل حاجه غريبه اسكارجو او ضفادع مثلا (على فكره طعمها مقبول جدا)فى الحى اللاتينى هتلاقى محلات الشاورما التركى و الفلافل.لازم تسهر فى المولان روج او الليدو(المولان روح احلى). نام فى الجنينه تحت برج ايفل و اتفرج عليه و هو بينور الساعه 10 بليل.. خد الباتو مووش و اتفرج على باريس من السين ..اطلع الساكركير و استمتع بالغروب على سلالمها.. اللوفر ميتفوتش و محطه المترو داخل اللوفر ..روح فرساى و شوف جمال الحدائق بتاعته و روعه تصميمه من الداخل ..اتصور فى الشانزليزيه قدام ارك دى تريومف..باختصار ..باريس متعه رقيقه حالمه انيقه زى بناتها بالظبط ...