M
Mostafa Sebaq
:: مسافر ::
لو مشينا بمبدأ " أهل مكة ادري بشعابها " فناس كتير طلبت مني اكتب بوست عن مرسي علم و الجنوب العميق بشكل عام ، انا عندي يقين ان الفرح كله معشش نواحينا و دا مش علشان انا منحاز لبلادنا ، انا تقريبا لفيت محافظات مصر كلها شرقها و غربها بس في الآخر بحس أن الجنوب بناسه و طبيعته اكتر حاجه مبهجة في الكون
شفت رحلات كتير متنظمة و بتحصل فيها مشاكل ، حاولوا تختاروا صح الشركات اللي هتنزلوا معاها و يبقي عن تجربة شخصية او علي الاقل حد من معارفك طلع قبل كدا
* هبتدي للناس ازاي تقدر تيجي مرسي علم فيه مواصلات كتير متوفرة و أشهرها الجو باص و دا فيه ميعاد اوتوبيسين ١٢ الا ربع و ١٢ ربع و اسعاره 100 و 140 جنيه ، بس حاول تحجز فيه قبلها بفترة لانه بيخلص قبلها بيومين .
- متاح برضه اوتوبيسات تانية بس دي بيبقي آخرها القصير اللي هي قبل مرسي علم ب 130 كيلو زي شركة " الزهور و الخليجية "
- فيه خدمة تانية تقريبا مش هتلاقيها غير في البحر الاحمر ، عربيات ملاكي بتتحرك من القاهرة ممكن تروح تحجزها من عند مخبز لطيف وسيلي اللي في وش مترو العتبه و قدام مرور الموسكي ، فيه قهوة جنب المخبز اسمها " الصعايدة " اسأل اي حد هناك علي عربيات " القصير " هيشاورلك عليها ، العربية حمولتها اربع افراد و سعرها دلوقتي ٧٥٠ جنيه لحد القصير و بتقله اسم الفندق اللي هتنزل فيه و هوه بيقلك الزيادة كام علي المبلغ اللي قلته لأن اغلب الفنادق في طريق القصير مرسي علم ، العربيات ممكن توصل لمرسي علم .
- لو هتيجي بعربيتك هيبقي احسن حاجه ممكن تعملها لأن اغلب الاماكن اللي ممكن تزورها بعيدة عن بعض
* خد بالك انت و بتحجز الفندق و دي اهم نقطة لأن في الغالب انت نازل الفندق تنام و تاكل و تشرب و خليك فاكر انك رايح تقعد في الفندق يوم واحد لأن كل الانشطة الحلوة في مرسي علم بره الأوتيلات - إلا لو انت بطة و مش بتحب تتحرك كتير -
- هتلاقي كل الفنادق اللي انت متخيلها و في فنادق بتوصل من ٦٠٠ جنيه للاوضه الدبل لحد ١٧٠٠ و كل فندق علي حسب امكانياته طبعا ، فيه فنادق ف مرسي علم نفسها و اسعارها قليلة
- هتلاقي فنادق و كامبين في مدينة القصير برضه اللي هي مبعددتش كتير بتبدأ ب ١٥٠ جنيه علي حسب كل واحد بيفضل ايه حاجه بسيطة تحسسك بجو المدينة او حاجه luxurious و فيه فنادق internationall
* نيجي لاهم نقطة ال activities اللي ممكن تعملها هناك
- طبعا مينفعش تيجي الجنوب من غير ما تزور القلعان - 70 كيلو من مرسي علم - اللي هي الشجرة اللي ف وسط المية و حنكوراب " من افضل عشر شواطئ علي مستوي العالم في تصنيف TripAdvisor " و المكانين دول موجوديين في نطاق محمية وادي الجمال ،في حنكوراب اوعي تلمس الشعب المرجانية او تكسر حاجه و متاخدش حاجه انت و ماشي ، و متنساش تتفرج علي النيمو هتلاقيها علي ايدك اليمين انت و نازل المية عند اول شعب مرجانية تقابلها
في القلعان حاول توصل هناك قبل الغروب بساعة و نص ،و لما توصل عند الشجرة روح اتصور و متعديش الحبال ، هتلاقي هناك مطعم بس لازم تحجز قبلها بيوم علي الاقل و في القلعان و حنكوراب خيمتين بدويتين و متمشيش من غير ما تشرب " الچبنة "
الستات و البنات بيعرضوا شغل handmade هناك للبيع .
المكان هناك ممكن تعمل فيه hicking بس يفضل في الشتا و بتبقي لازم تاخد تصريح من وزارة البيئة في القاهرة " المعادي "
- النيزك و دي حاجه متتوصفش لازم تشوفها بنفسك و مفيش ناس كتير تعرفها و معظم الرحلات مش بتروح هناك لكن هي ممكن تطلعوها في نفس اليوم اللي هتروحوا فيه القلعان و حنكوراب بعد مرسي علم ب 7 كيلو هيكون علي ايدك الشمال ساري كهربا ، هتدخل في مدق خمس دقايق ناحية البحر و بعدها هتركن و تنزل تتمشي علي رجلك اربع دقايق و هتخلي الجبل علي ايدك الشمال .
- شاطئ مرسي مبارك و دا ممكن توصله عن طريقين رحلة لنش بتخرج من " بورت غالب " و بتروح مكان تاني زيادة عن مرسي مبارك اللي هوه مرسي الشونة ، او ممكن تروح البيتش نفسه و هناك هتشوف السلاحف و الدوجونجو " كائن بيتسمي عجل البحر بياكل حشيش و ضخم جدا و بتشوفه من مسافة قريبة و متقلقش هوه مسالم و مبيعملش حاجه بس اوعي تلمسه "
و ف نفس المكان هتلاقي السلاحف
انا بفضل انك تطلعها في لنش .
في انشطة كتير ممكن تعملها في الجنوب هبقي انزلكوا بوست تاني بباقي الاماكن ، استنوا بقي .
#الجنوب_العميق
شفت رحلات كتير متنظمة و بتحصل فيها مشاكل ، حاولوا تختاروا صح الشركات اللي هتنزلوا معاها و يبقي عن تجربة شخصية او علي الاقل حد من معارفك طلع قبل كدا
* هبتدي للناس ازاي تقدر تيجي مرسي علم فيه مواصلات كتير متوفرة و أشهرها الجو باص و دا فيه ميعاد اوتوبيسين ١٢ الا ربع و ١٢ ربع و اسعاره 100 و 140 جنيه ، بس حاول تحجز فيه قبلها بفترة لانه بيخلص قبلها بيومين .
- متاح برضه اوتوبيسات تانية بس دي بيبقي آخرها القصير اللي هي قبل مرسي علم ب 130 كيلو زي شركة " الزهور و الخليجية "
- فيه خدمة تانية تقريبا مش هتلاقيها غير في البحر الاحمر ، عربيات ملاكي بتتحرك من القاهرة ممكن تروح تحجزها من عند مخبز لطيف وسيلي اللي في وش مترو العتبه و قدام مرور الموسكي ، فيه قهوة جنب المخبز اسمها " الصعايدة " اسأل اي حد هناك علي عربيات " القصير " هيشاورلك عليها ، العربية حمولتها اربع افراد و سعرها دلوقتي ٧٥٠ جنيه لحد القصير و بتقله اسم الفندق اللي هتنزل فيه و هوه بيقلك الزيادة كام علي المبلغ اللي قلته لأن اغلب الفنادق في طريق القصير مرسي علم ، العربيات ممكن توصل لمرسي علم .
- لو هتيجي بعربيتك هيبقي احسن حاجه ممكن تعملها لأن اغلب الاماكن اللي ممكن تزورها بعيدة عن بعض
* خد بالك انت و بتحجز الفندق و دي اهم نقطة لأن في الغالب انت نازل الفندق تنام و تاكل و تشرب و خليك فاكر انك رايح تقعد في الفندق يوم واحد لأن كل الانشطة الحلوة في مرسي علم بره الأوتيلات - إلا لو انت بطة و مش بتحب تتحرك كتير -
- هتلاقي كل الفنادق اللي انت متخيلها و في فنادق بتوصل من ٦٠٠ جنيه للاوضه الدبل لحد ١٧٠٠ و كل فندق علي حسب امكانياته طبعا ، فيه فنادق ف مرسي علم نفسها و اسعارها قليلة
- هتلاقي فنادق و كامبين في مدينة القصير برضه اللي هي مبعددتش كتير بتبدأ ب ١٥٠ جنيه علي حسب كل واحد بيفضل ايه حاجه بسيطة تحسسك بجو المدينة او حاجه luxurious و فيه فنادق internationall
* نيجي لاهم نقطة ال activities اللي ممكن تعملها هناك
- طبعا مينفعش تيجي الجنوب من غير ما تزور القلعان - 70 كيلو من مرسي علم - اللي هي الشجرة اللي ف وسط المية و حنكوراب " من افضل عشر شواطئ علي مستوي العالم في تصنيف TripAdvisor " و المكانين دول موجوديين في نطاق محمية وادي الجمال ،في حنكوراب اوعي تلمس الشعب المرجانية او تكسر حاجه و متاخدش حاجه انت و ماشي ، و متنساش تتفرج علي النيمو هتلاقيها علي ايدك اليمين انت و نازل المية عند اول شعب مرجانية تقابلها
في القلعان حاول توصل هناك قبل الغروب بساعة و نص ،و لما توصل عند الشجرة روح اتصور و متعديش الحبال ، هتلاقي هناك مطعم بس لازم تحجز قبلها بيوم علي الاقل و في القلعان و حنكوراب خيمتين بدويتين و متمشيش من غير ما تشرب " الچبنة "
الستات و البنات بيعرضوا شغل handmade هناك للبيع .
المكان هناك ممكن تعمل فيه hicking بس يفضل في الشتا و بتبقي لازم تاخد تصريح من وزارة البيئة في القاهرة " المعادي "
- النيزك و دي حاجه متتوصفش لازم تشوفها بنفسك و مفيش ناس كتير تعرفها و معظم الرحلات مش بتروح هناك لكن هي ممكن تطلعوها في نفس اليوم اللي هتروحوا فيه القلعان و حنكوراب بعد مرسي علم ب 7 كيلو هيكون علي ايدك الشمال ساري كهربا ، هتدخل في مدق خمس دقايق ناحية البحر و بعدها هتركن و تنزل تتمشي علي رجلك اربع دقايق و هتخلي الجبل علي ايدك الشمال .
- شاطئ مرسي مبارك و دا ممكن توصله عن طريقين رحلة لنش بتخرج من " بورت غالب " و بتروح مكان تاني زيادة عن مرسي مبارك اللي هوه مرسي الشونة ، او ممكن تروح البيتش نفسه و هناك هتشوف السلاحف و الدوجونجو " كائن بيتسمي عجل البحر بياكل حشيش و ضخم جدا و بتشوفه من مسافة قريبة و متقلقش هوه مسالم و مبيعملش حاجه بس اوعي تلمسه "
و ف نفس المكان هتلاقي السلاحف
انا بفضل انك تطلعها في لنش .
في انشطة كتير ممكن تعملها في الجنوب هبقي انزلكوا بوست تاني بباقي الاماكن ، استنوا بقي .
#الجنوب_العميق