H
Hossam Tantawi
:: مسافر ::
البوست ده المقصود منه اشارك الناس اللى على البيدچ تجربتى السيئه جدا جدا جدا مع "ماجيستك تراڤل" روحت معاهم انا واسرتى شرم فعيد الأضحى ( فندق ريف اوازيس بيتش) اقامه كامله + الإنتقالات . حجزت ودفعت الفلوس قبل العيد بحوالى ١٥ يوم ولحد قبل ميعاد الرحله بيومين ماحدش كلمنى يرتب معايا اى حاجه بخصوص المكان اللى هانركب الباص منه او ميعاد التجمع ولا حتى يقولى برنامج الرحله بالنسبالى هايمشى ازاى خصوصا انه كنت حاجز معاهم - على حسابى - رحلات اضافيه - زى الجلاس بوت (غواصه) والدولفين ورحله بحريه وسفارى غروب - لأن عرض العيد كان بدون رحلات مجانيه ولا حتى سوهو سكوير او السوق القديم او نعمه باى ولا الهوا . ابتديت انا اكلمهم اتابع معاهم .. مع انه المفروض العكس !!
قالولى هانكلمك قبل الرحله بيوم نديلك رقم المندوب اللى هايبقى معاك طول الرحله ... ماحصلش . فضلت وراهم لحد ما ادونى رقم المندوب يوم الرحله الضهر وسعادته مابيردش ابدااا لحد العصر تقريبا والمفروض نتجمع بالليل انما الساعه كام او فين ماعرفش
بعد عناء وصلت لمدير السياحه الداخليه
واللى اعتذر وعرفنى تفاصيل امتى وفين هانتجمع (واحده صباحا امام نادى السكه) عشان هانتحرك واحده وربع بالكتيير واخده ونص . حاضر ...
قبل الميعاد بنص ساعه كنت هناك انا واسرتى . روحت لقين المكان سويقه بمعنى الكلمه ... مكان هرجله وزحمه يجى تلاتين اتوبيس بتزاحم بعض لشركات سياحه مختلفه واقفه بتحمل والناس محتاسه بتخبط فبعض مش عارفين يروحوا ولا يجيوا وبيجروا فعيالهم وبياعين ومندوبى شركات السياحه ... يلا شركه حورس ... حورس غردقه يا استاذ
شركه التمساح شرم يا مدام . ايه داااا؟!
ايه الهبل اللى احنا فيه دا ؟!
اكلم الباشا المندوب .. احنا لسه فعبد المنعم رياض وقدامنا ساعه .. ازاى انا جيت قبل ميعادى وانت تقولى اودامك ساعه ... طب قولى اقف فين بالظبط لان المكان مليان ناس والدنيا داخله فبعض وشركات كتيير . قالى اقف فأى حته دلوقتى ولما اجيلك هاكلمك لانى من اسكندريه ومش هاعرف اوصفلك تقف فين لإنى مش عارف المكان اساسا
الباص وصل عند نادى السكه الساعه اتنين ونص صباحا واحنا مرمين فالشارع بعيالنا . طلعت الباص لقيت الناس مقطعه بعضها على ترتيب الكراسى وتوزيع الناس ... اسره مكونه من اربع اشخاص اتنين اودام واتنين ورا ... ناس تانيه واحده وصاحبتها . لأ مش هاينفع تقعدوا مع بعض . انا بقى الكراسى بتاعتى فى وش التويلت بالظبط خناقات ونتس مسكت فبعضها واللى يقولك عاوز فلوسى ومش رايح معاكوا . قولت مش طالع وعاوز فلوسى دلوقتى . ايه التهريج دا ... انا معايا والدى راجل ٧٥ سنه مفيش اى تنسيق . طب انتوا بعتولى اماكن الكراسى بتاعتى فين ؟ ماحصلش !! وبعدين الكراسى اتوزعت على حسب توصيات ناس عالتليفون وكانت حاجه مقرفه الصراحه خصوصا ان المندوب ضعيف الشخصيه وقليل الحيله وماعندوش خبره ومش عارف لا يدير الازمه ولا يحل ولا يسيطر ومديره فالتليفون يقولك اتصرفوا مع بعض .
وبعد طول انتظار الباص اتحرك الساعه تلاته ونص صباحا
خد عندك بقااا ساعتين فكمين النفق وساعتين فكمين مدخل شرم + ٦ ساعات فالطريق ... وصلنا الفندق الساعه اتنين وربع ضهرا (تقريبا ١٢ ساعه) باص زباله وتكيف زباله وسواق زباله - على الرغم من اللى اتقالنا واحنا بنحجز الباصات مرسيدس ٦٠٠ او ٥٠٠ موديلات ٢٠١٦ او ٢٠١٥ ... كذب وسرقه الباص اللى جه ماركه مان موديل ٢٠١٠ او ٢٠١١ واللى متعود يعمل رحلات يفهم الفرق بين دا ودا سواء فمستوى الخدمه او التكلفه . اجرى بقا عشان تلحق تسكن وتلحق الغداء اللى اخره الساعه تلاته الأولاد لازم ياكلوا بقالنا ١٢ ساعه فالشارع ... روح بقا شوف الغرف
ياختتتتى ... تقرف . تكييف مش شغال وتلاجه البار مش شغاله وريمون التى ڤى من غير حجاره - يقولك معاش يا فندم النزيل اللى قبل حضرتك اخد حجاره الريموت - هاااارسوووود ... هى وصلت لكده . طييييييب
الامور استقرت والحاجات اتصلحت على سته مساء ... نااااام بقى لخد الصبح من التعب واليوم دا محسوب عليك وقت وفلوس
بالنسبه للأكل ... يعن تقدر تقول كده مايزدش عن ٦ من ١٠ ... دا بالكتيييير
نفس الأصناف مافيش تغيير مافيش تيست كله اى كلام حتى السناكس بيتزا عبيطه كده لا لون ولا طعم ولا ريحه
بالنسبه للميه هى ازازه ميه واحده للغرفه فاليوم وخدمه الغرف والأعطال تقرف
إجمالا ... التجربه كانت سيئه جدا جدا
الحاجه الوحيده الكويسه والاى اديت طعم للرحله هى الرحلات الإضافيه اللى عملتها على حسابى بره الباكدچ بتاع ماجيستك ... مره وعدت ومش هاتكرر تانى ابداااااا سواء مع ماجيستك تراڤل او ريف اوازيس بيتش . توبه توبه توبه
ياريت يكون البوست مفيد للناس اللى بتتوهم من الصور الخداعه المضلله والكلام المعسول .. اللى قولته دا هو الحقيقه فياريت نخلى بالنا . شكرا
قالولى هانكلمك قبل الرحله بيوم نديلك رقم المندوب اللى هايبقى معاك طول الرحله ... ماحصلش . فضلت وراهم لحد ما ادونى رقم المندوب يوم الرحله الضهر وسعادته مابيردش ابدااا لحد العصر تقريبا والمفروض نتجمع بالليل انما الساعه كام او فين ماعرفش
بعد عناء وصلت لمدير السياحه الداخليه
واللى اعتذر وعرفنى تفاصيل امتى وفين هانتجمع (واحده صباحا امام نادى السكه) عشان هانتحرك واحده وربع بالكتيير واخده ونص . حاضر ...
قبل الميعاد بنص ساعه كنت هناك انا واسرتى . روحت لقين المكان سويقه بمعنى الكلمه ... مكان هرجله وزحمه يجى تلاتين اتوبيس بتزاحم بعض لشركات سياحه مختلفه واقفه بتحمل والناس محتاسه بتخبط فبعض مش عارفين يروحوا ولا يجيوا وبيجروا فعيالهم وبياعين ومندوبى شركات السياحه ... يلا شركه حورس ... حورس غردقه يا استاذ
شركه التمساح شرم يا مدام . ايه داااا؟!
ايه الهبل اللى احنا فيه دا ؟!
اكلم الباشا المندوب .. احنا لسه فعبد المنعم رياض وقدامنا ساعه .. ازاى انا جيت قبل ميعادى وانت تقولى اودامك ساعه ... طب قولى اقف فين بالظبط لان المكان مليان ناس والدنيا داخله فبعض وشركات كتيير . قالى اقف فأى حته دلوقتى ولما اجيلك هاكلمك لانى من اسكندريه ومش هاعرف اوصفلك تقف فين لإنى مش عارف المكان اساسا
الباص وصل عند نادى السكه الساعه اتنين ونص صباحا واحنا مرمين فالشارع بعيالنا . طلعت الباص لقيت الناس مقطعه بعضها على ترتيب الكراسى وتوزيع الناس ... اسره مكونه من اربع اشخاص اتنين اودام واتنين ورا ... ناس تانيه واحده وصاحبتها . لأ مش هاينفع تقعدوا مع بعض . انا بقى الكراسى بتاعتى فى وش التويلت بالظبط خناقات ونتس مسكت فبعضها واللى يقولك عاوز فلوسى ومش رايح معاكوا . قولت مش طالع وعاوز فلوسى دلوقتى . ايه التهريج دا ... انا معايا والدى راجل ٧٥ سنه مفيش اى تنسيق . طب انتوا بعتولى اماكن الكراسى بتاعتى فين ؟ ماحصلش !! وبعدين الكراسى اتوزعت على حسب توصيات ناس عالتليفون وكانت حاجه مقرفه الصراحه خصوصا ان المندوب ضعيف الشخصيه وقليل الحيله وماعندوش خبره ومش عارف لا يدير الازمه ولا يحل ولا يسيطر ومديره فالتليفون يقولك اتصرفوا مع بعض .
وبعد طول انتظار الباص اتحرك الساعه تلاته ونص صباحا
خد عندك بقااا ساعتين فكمين النفق وساعتين فكمين مدخل شرم + ٦ ساعات فالطريق ... وصلنا الفندق الساعه اتنين وربع ضهرا (تقريبا ١٢ ساعه) باص زباله وتكيف زباله وسواق زباله - على الرغم من اللى اتقالنا واحنا بنحجز الباصات مرسيدس ٦٠٠ او ٥٠٠ موديلات ٢٠١٦ او ٢٠١٥ ... كذب وسرقه الباص اللى جه ماركه مان موديل ٢٠١٠ او ٢٠١١ واللى متعود يعمل رحلات يفهم الفرق بين دا ودا سواء فمستوى الخدمه او التكلفه . اجرى بقا عشان تلحق تسكن وتلحق الغداء اللى اخره الساعه تلاته الأولاد لازم ياكلوا بقالنا ١٢ ساعه فالشارع ... روح بقا شوف الغرف
ياختتتتى ... تقرف . تكييف مش شغال وتلاجه البار مش شغاله وريمون التى ڤى من غير حجاره - يقولك معاش يا فندم النزيل اللى قبل حضرتك اخد حجاره الريموت - هاااارسوووود ... هى وصلت لكده . طييييييب
الامور استقرت والحاجات اتصلحت على سته مساء ... نااااام بقى لخد الصبح من التعب واليوم دا محسوب عليك وقت وفلوس
بالنسبه للأكل ... يعن تقدر تقول كده مايزدش عن ٦ من ١٠ ... دا بالكتيييير
نفس الأصناف مافيش تغيير مافيش تيست كله اى كلام حتى السناكس بيتزا عبيطه كده لا لون ولا طعم ولا ريحه
بالنسبه للميه هى ازازه ميه واحده للغرفه فاليوم وخدمه الغرف والأعطال تقرف
إجمالا ... التجربه كانت سيئه جدا جدا
الحاجه الوحيده الكويسه والاى اديت طعم للرحله هى الرحلات الإضافيه اللى عملتها على حسابى بره الباكدچ بتاع ماجيستك ... مره وعدت ومش هاتكرر تانى ابداااااا سواء مع ماجيستك تراڤل او ريف اوازيس بيتش . توبه توبه توبه
ياريت يكون البوست مفيد للناس اللى بتتوهم من الصور الخداعه المضلله والكلام المعسول .. اللى قولته دا هو الحقيقه فياريت نخلى بالنا . شكرا