M
Mohammed AbuRokba
:: مسافر ::
تجربتي الجميلة بمدينة فتحية :
أولًا ، المنطقة السياحية بفتحية هي مش المدينة نفسها ، في شاطئ مع بلدة صغيرة جنب فتحية اسمه oludeniz أولو دينيز هيوالمنطقة الجميلة ، المدينة نفسها رحتها كم ساعة بآخر يوم وما وجدت فيها اشي مميز متلها متل غيرها من المدن التركية .
بالنسبة للاولو دينيز ، شاطئ جميل جدًا وصافي خلفه في بلدة صغيرة كلها اوتيلات ومكاتب سياحة ومتاجر وكافيهات ، الحياة هناك ما بتقف لا ليل ولا نهار وخاصة بالليل كل الكافيهات بتشتغل وبيصير عروض رقص والشوارع بتمللى .
السياح هناك بعكس أنطاليا ومرمريس معظمهم انجليز وهولنديين ودول غرب أوروبا بشكل عام طبعا بجانب الأتراك ، عدد السياح العرب هناك خفيف كتير .
الاشي المميز بفتحية هو الأنشطة والفعاليات والرحلات المميزة هناك ، كلها بتتم من خلال المكاتب السياحية المنتشرة بكثرة هناك وكلهم بيحكوا انجليزي في المكاتب ، وبشكل عام كل المنطقة بتعرف انجليزي على غير عادة الاتراك .
الأشياء يلي بتنعمل بفتحية :
* القفز بالمظلة : بياخدوكم على أعلى جبل بفتحية أسمه babadağı ومن قمة الجبل بتقفزوا ، ما في سقوط حر دغري بتطيروا برتفع رجليك وبتطير وانت بعد ع الجبل ، مدة التجربة بتتراوح بين ٢٥-٤٠ دقيقة ، ارتفاع نقطة القفز عن سطح البحر هو ٢٣٠٠ متر ، طبعا لازم يكون المدرب معك ، والصبايا بيقدروا يحكوا للمكتب يوفرلهن مدربة صبية ، الاشي الاصعب من القفز ويلي رعبني هو طريق الجبل ، بتضلوا نص ساعة تطلعوا بطريق ضيق وعجل السيارة على حافة الطريق ، من الاخير فلم رعب اذا بدكم تطلعوا من الشباك .. السعر ١٠٠ دولار شامل التصوير ما تقبلوا باكثر من هيك ، بأوقات تانية غير شهر ٧ و ٨ بتجدوه بسعر ارخص شوي ، التجربة فخمة جدا وبنصح كل حدا يجربها وهي اصلا مرة بالعمر .
* الغوص : بتطلعوا من الصبح بيجي سرفيس ياخدكم من باب الاوتيل وبيوصلكم للقارب ، العدد تقريبا ٣٠ شخص ، القارب بيقطع فيكم مسافة طويلة كتير وبياخدكم لشاطئ صخري نائي وهناك بيشرحلكم شوي عن الموضوع وبيوزعكم بجروبات وبتنزلوا بالمي ، بيكون مع كل شخصين مدرب خاص فيهم ، بتلبسوا ملابس الغوص وجرة الاكسجين وبتنزلوا تحت على مرتين كل مرة ١٥-٢٠ دقيقة ، تحت المي بياخدولكم صور وفيديوهات جميلة جدا وخاصة لما يجيبولكم خبز وتفتتوه بيجيكم سرب سمك صغير ياكله وبيدخل من بيناتكم ، اليوم كله بيروح معهم بيرجعوكم مع المغرب ، انا اخذت هاي الرحلة ب ٧٠ ليرة تركي (تقريبا ٢٠$) ، لكن ما اعتقد انكم تقدروا تاخدوها بنفس السعر ، بتكلفكم ١٠٠-١٢٠ ليرة شامل الاكل، طبعا في انواع تانية من الغوص بتقدمهت المكاتب في لمنطقة فيها طيارة قديمة واقعة فيها وهيك لكن هادا غالي جدا .
أنا كنت متفق مع المكتب انو الصور سعرهم ٣٠ ليرة ، لكن المصور هناك حاول يستغلنا وطلب مبلغ اكبر فرفضت اخد الصور وحتى لحقني بالاخير للباص وعرض علي اخذهم ب ٢٠ ليرة لانه كان ناسخهم ع سي دي ومجهزهم بس رفضت ، وهادا كان أسوء موقف تعرضتله بكل فتحية .
* رحلة الـ ١٢ جزيرة : بياخدوكم بقارب كبير بيلفوا فيكم على ١٢ جزيرة صغيرة حد بعض ، المكان جميل جدا وخاصة للي بيحب يسبح كل شوي بينزلوكم بمكان وبتسبحوا ، الشواطئ جميلة جدا هناك . السعر ٥٠-٧٠ ليرة شامل الاكل وبتضلوا معهم طول اليوم .
* رحلة سفاري بالجيبات : رحلة جميلة جدا بياخدوكم من الصبح بجيبات مفتوحة وبتروحوا برا فتحية بالبرية بتمروا بعدة منتزهات وشلالات واماكن تاريخية بتروحوا اماكن بعيدة من بين الجبال والوديان ، خط سير الرحلة جميل جدا ، وطبعا طول الطريق بتكون حرب مي بين الجيبات ، كل واحد بيشتري بارودة مي ب ١٠ ليرات وبيطولكم عبوات مي كبيرة بالجيب وكل ما تصلوا مكان فيه مي بتعبوهن وطول الطريق حرب ، وحتى في ناس من الشارع بيكونوا يرشوا عليكم مي ، في واحد بقرية واحنا داخلين من حد بيته دار علينا برميل مي هو وابنه ، عمللنا حمام لخمس سنين قدام .. . كان معي بالرحلة عنفس الجيب عائلتين هولندية وايرلندية ابسطونا كتير ، والايرلنديين كانوا متضامنين بشكل كبير مع القضية الفلسطينية ولطيفين جدا بس الانجليزي تبعهم صعب فهمه ... سعر الرحلة ٤٠-٥٠ ليرة شامل وجبة طعام ، انتبهوا لبعض المكاتب بتوديكم بمينيبوص مفتوح السقف ما بتكون حلوة متل الجيب.
الرافتينج : بتعملوه بنهر صغير ، التجربة حلوة وبتختلف الاسعار حسب المكان والوقت والمسافة ونوعية القارب .. الاسعار بتتراوح بين ٢٠-٦٠ ليرة .
ما تقبلوا بأكثر من هيك اسعار **
طبعا في عدة رحلات تانية لكن انا ما جربتهن ، رح انزل كتالوج رحلات المكتب السياحي يلي تعاملت معه بكومنت .
طريقة الوصول لفتحية : إذا كنتم باسطنبول او حابين تيجيوا من اسطنبول ، او انقرة او انطاليا او مرميس الطريقة الوحيدة هي الباص ، شركات الباصات بتركيا بتقدم خدمات ممتازة جدا ، الطريق من انطاليا او مرمريس قريبة لكن من انقرة واسطنبول بعيدة كتير ، يلي جاي دايركت ع فتحية من برا تركيا فيه ينزل بمطار دالمان ومن هناك ساعتين بالباص لفتحية .
بأنصح كل واحد بيجي على فتحية يجيب معه كاميرا مقاومة للماء مثل كاميرا جو برو ، لانه بدونها رح يندم متلي ومش رح يعرف يوثق رحلته منيح .
بأترككم مع الصور ، طبعا مش كل اشي موجود بالصور لاني ما صورت كتير .
أولًا ، المنطقة السياحية بفتحية هي مش المدينة نفسها ، في شاطئ مع بلدة صغيرة جنب فتحية اسمه oludeniz أولو دينيز هيوالمنطقة الجميلة ، المدينة نفسها رحتها كم ساعة بآخر يوم وما وجدت فيها اشي مميز متلها متل غيرها من المدن التركية .
بالنسبة للاولو دينيز ، شاطئ جميل جدًا وصافي خلفه في بلدة صغيرة كلها اوتيلات ومكاتب سياحة ومتاجر وكافيهات ، الحياة هناك ما بتقف لا ليل ولا نهار وخاصة بالليل كل الكافيهات بتشتغل وبيصير عروض رقص والشوارع بتمللى .
السياح هناك بعكس أنطاليا ومرمريس معظمهم انجليز وهولنديين ودول غرب أوروبا بشكل عام طبعا بجانب الأتراك ، عدد السياح العرب هناك خفيف كتير .
الاشي المميز بفتحية هو الأنشطة والفعاليات والرحلات المميزة هناك ، كلها بتتم من خلال المكاتب السياحية المنتشرة بكثرة هناك وكلهم بيحكوا انجليزي في المكاتب ، وبشكل عام كل المنطقة بتعرف انجليزي على غير عادة الاتراك .
الأشياء يلي بتنعمل بفتحية :
* القفز بالمظلة : بياخدوكم على أعلى جبل بفتحية أسمه babadağı ومن قمة الجبل بتقفزوا ، ما في سقوط حر دغري بتطيروا برتفع رجليك وبتطير وانت بعد ع الجبل ، مدة التجربة بتتراوح بين ٢٥-٤٠ دقيقة ، ارتفاع نقطة القفز عن سطح البحر هو ٢٣٠٠ متر ، طبعا لازم يكون المدرب معك ، والصبايا بيقدروا يحكوا للمكتب يوفرلهن مدربة صبية ، الاشي الاصعب من القفز ويلي رعبني هو طريق الجبل ، بتضلوا نص ساعة تطلعوا بطريق ضيق وعجل السيارة على حافة الطريق ، من الاخير فلم رعب اذا بدكم تطلعوا من الشباك .. السعر ١٠٠ دولار شامل التصوير ما تقبلوا باكثر من هيك ، بأوقات تانية غير شهر ٧ و ٨ بتجدوه بسعر ارخص شوي ، التجربة فخمة جدا وبنصح كل حدا يجربها وهي اصلا مرة بالعمر .
* الغوص : بتطلعوا من الصبح بيجي سرفيس ياخدكم من باب الاوتيل وبيوصلكم للقارب ، العدد تقريبا ٣٠ شخص ، القارب بيقطع فيكم مسافة طويلة كتير وبياخدكم لشاطئ صخري نائي وهناك بيشرحلكم شوي عن الموضوع وبيوزعكم بجروبات وبتنزلوا بالمي ، بيكون مع كل شخصين مدرب خاص فيهم ، بتلبسوا ملابس الغوص وجرة الاكسجين وبتنزلوا تحت على مرتين كل مرة ١٥-٢٠ دقيقة ، تحت المي بياخدولكم صور وفيديوهات جميلة جدا وخاصة لما يجيبولكم خبز وتفتتوه بيجيكم سرب سمك صغير ياكله وبيدخل من بيناتكم ، اليوم كله بيروح معهم بيرجعوكم مع المغرب ، انا اخذت هاي الرحلة ب ٧٠ ليرة تركي (تقريبا ٢٠$) ، لكن ما اعتقد انكم تقدروا تاخدوها بنفس السعر ، بتكلفكم ١٠٠-١٢٠ ليرة شامل الاكل، طبعا في انواع تانية من الغوص بتقدمهت المكاتب في لمنطقة فيها طيارة قديمة واقعة فيها وهيك لكن هادا غالي جدا .
أنا كنت متفق مع المكتب انو الصور سعرهم ٣٠ ليرة ، لكن المصور هناك حاول يستغلنا وطلب مبلغ اكبر فرفضت اخد الصور وحتى لحقني بالاخير للباص وعرض علي اخذهم ب ٢٠ ليرة لانه كان ناسخهم ع سي دي ومجهزهم بس رفضت ، وهادا كان أسوء موقف تعرضتله بكل فتحية .
* رحلة الـ ١٢ جزيرة : بياخدوكم بقارب كبير بيلفوا فيكم على ١٢ جزيرة صغيرة حد بعض ، المكان جميل جدا وخاصة للي بيحب يسبح كل شوي بينزلوكم بمكان وبتسبحوا ، الشواطئ جميلة جدا هناك . السعر ٥٠-٧٠ ليرة شامل الاكل وبتضلوا معهم طول اليوم .
* رحلة سفاري بالجيبات : رحلة جميلة جدا بياخدوكم من الصبح بجيبات مفتوحة وبتروحوا برا فتحية بالبرية بتمروا بعدة منتزهات وشلالات واماكن تاريخية بتروحوا اماكن بعيدة من بين الجبال والوديان ، خط سير الرحلة جميل جدا ، وطبعا طول الطريق بتكون حرب مي بين الجيبات ، كل واحد بيشتري بارودة مي ب ١٠ ليرات وبيطولكم عبوات مي كبيرة بالجيب وكل ما تصلوا مكان فيه مي بتعبوهن وطول الطريق حرب ، وحتى في ناس من الشارع بيكونوا يرشوا عليكم مي ، في واحد بقرية واحنا داخلين من حد بيته دار علينا برميل مي هو وابنه ، عمللنا حمام لخمس سنين قدام .. . كان معي بالرحلة عنفس الجيب عائلتين هولندية وايرلندية ابسطونا كتير ، والايرلنديين كانوا متضامنين بشكل كبير مع القضية الفلسطينية ولطيفين جدا بس الانجليزي تبعهم صعب فهمه ... سعر الرحلة ٤٠-٥٠ ليرة شامل وجبة طعام ، انتبهوا لبعض المكاتب بتوديكم بمينيبوص مفتوح السقف ما بتكون حلوة متل الجيب.
الرافتينج : بتعملوه بنهر صغير ، التجربة حلوة وبتختلف الاسعار حسب المكان والوقت والمسافة ونوعية القارب .. الاسعار بتتراوح بين ٢٠-٦٠ ليرة .
ما تقبلوا بأكثر من هيك اسعار **
طبعا في عدة رحلات تانية لكن انا ما جربتهن ، رح انزل كتالوج رحلات المكتب السياحي يلي تعاملت معه بكومنت .
طريقة الوصول لفتحية : إذا كنتم باسطنبول او حابين تيجيوا من اسطنبول ، او انقرة او انطاليا او مرميس الطريقة الوحيدة هي الباص ، شركات الباصات بتركيا بتقدم خدمات ممتازة جدا ، الطريق من انطاليا او مرمريس قريبة لكن من انقرة واسطنبول بعيدة كتير ، يلي جاي دايركت ع فتحية من برا تركيا فيه ينزل بمطار دالمان ومن هناك ساعتين بالباص لفتحية .
بأنصح كل واحد بيجي على فتحية يجيب معه كاميرا مقاومة للماء مثل كاميرا جو برو ، لانه بدونها رح يندم متلي ومش رح يعرف يوثق رحلته منيح .
بأترككم مع الصور ، طبعا مش كل اشي موجود بالصور لاني ما صورت كتير .