S
Semsem Tawfik
:: مسافر ::
مساء الفل حابب اشكر الناس ال هنا الي بتشارك تجاربها و بتفيدنا كتير
انا هكتب تجربتي ف مرسي علم عشن افيد الناس زي ما استفدت و خصوصا ال شبهي و معاهام عيال و السواقة بتغريهم
انا كنت بدور علي اماكن ف الغردقة ايام العيد تبقي نضيفة و الرفيو بتاعها كويس و طبعا الموضوع شبه خيالي الحاجات النضيفة معدية جدا جدا و برده كومنتات ساعات مش بتشكر فيها علي بوكينج
المهم طلعلي جاز دار المدينة و ريفوهاته كلها بتشكر فيه جدا جدا مع انه اربع نجوم قولت لمراتي يلا بينا ده عشر ساعات ( من اسكندرية ) بس وافقت فحجزت و انا ماعرفش اني كده طالع مرسي علم شيكت علي عربيتي و كنت مغير فردتين جداد و طلعت و هنا بقي بنصح كل شاب و فتاة اوعي تطلع لوحدك من غير صحاب لاسعين زيك لاني ندمت طريق طويل فشخ و ايام العيد خلت بنزينات القصير و مرسي علم مافهمش لا بنزين و لا بتوع كاوتش بقيت ماشي و كتاب الله كل الطريق كاوتشات مفرقعة علي الطريق وناس راكنة بتغير كاوتشات و انا عمال ادعي يا رب استرها يا رب و الطريق ما بيخلص فهعيد تاني بلاش تطلع لوحدك ابدا مسئولية و مشوار طويل لو معاك اسرة
وطبعا ده غير التكلفة ال اعتقد اني مرزوع خمس ورقات بمية
نيجي لمرسي علم من غير زعل كنقط كده
كشاطئ و نزول ماية لا تقارن باي شكل بسيدي عبرحمان و الساحل و لون الماية ما عدا شاطئ حنكوراب ف هو خيال كلون و ماية حسيرة و اسماك علي الشط
كحياة و بهجة و جو مصيف باليل صيييفر
نيجي بقي للنقطة الحلوة ك حياة بحرية فهي رائعة و من غير مبالغة انت بتعوم و السمك بالوانه حواليك و انت ليك طول من غير ما تاخد لانش و لا حاجة سواء ف شاطئ الفندق او ابو دباب
بس برده هل ده للشخص العادي ال مش بيغطس يفرق عن رحلة ف شرم سنوركلينج؟!!
تاني بشكر الناس ال قالت علي حنكوراب لانه فرق معانا ف الرحلة
بالنسبة لابو.دباب شايفه مالوش لازمة لو فندقك كويس انا دفعت فيه 120 للفرد و مافرقش حاجة شاطئ فندقي انظف بكتير و حتي السلاحف ال ف العشش قالنا بتطلع باليل و ما شوفنهاش
و بالنسبة للقلعان اي حد طالع بالعربية يعمل حسابه انه ممكن يخبط المشوار زيي و ما يعرفش هي فين المنطقة ال الناس بتقول عليها و طبعا المكان هناك مقطوع
ف المجمل بالنسبالي كشخص مش موهوم بالدايفينج احنا انبسطنا و الجو كان ممتع و مش حر و كفاية ان اول مرة ف حياتي اعرف اتفسح ف العيد ف مصر من غير زحمة و خنقة
تاني حقول اهم نقطة المشوار صعب جدا لحد بعيلة انه يطلع لوحده الا لو هياخد بريك ف الغردقة مثلا يوم انا كنت بتنشق علي بتاع كاوتش اشيك ع العجل و وانا راجع امبارح البنزينات واحدة شطبت بنزين و التانية الطابور كان خزعبلي
انا هكتب تجربتي ف مرسي علم عشن افيد الناس زي ما استفدت و خصوصا ال شبهي و معاهام عيال و السواقة بتغريهم
انا كنت بدور علي اماكن ف الغردقة ايام العيد تبقي نضيفة و الرفيو بتاعها كويس و طبعا الموضوع شبه خيالي الحاجات النضيفة معدية جدا جدا و برده كومنتات ساعات مش بتشكر فيها علي بوكينج
المهم طلعلي جاز دار المدينة و ريفوهاته كلها بتشكر فيه جدا جدا مع انه اربع نجوم قولت لمراتي يلا بينا ده عشر ساعات ( من اسكندرية ) بس وافقت فحجزت و انا ماعرفش اني كده طالع مرسي علم شيكت علي عربيتي و كنت مغير فردتين جداد و طلعت و هنا بقي بنصح كل شاب و فتاة اوعي تطلع لوحدك من غير صحاب لاسعين زيك لاني ندمت طريق طويل فشخ و ايام العيد خلت بنزينات القصير و مرسي علم مافهمش لا بنزين و لا بتوع كاوتش بقيت ماشي و كتاب الله كل الطريق كاوتشات مفرقعة علي الطريق وناس راكنة بتغير كاوتشات و انا عمال ادعي يا رب استرها يا رب و الطريق ما بيخلص فهعيد تاني بلاش تطلع لوحدك ابدا مسئولية و مشوار طويل لو معاك اسرة
وطبعا ده غير التكلفة ال اعتقد اني مرزوع خمس ورقات بمية
نيجي لمرسي علم من غير زعل كنقط كده
كشاطئ و نزول ماية لا تقارن باي شكل بسيدي عبرحمان و الساحل و لون الماية ما عدا شاطئ حنكوراب ف هو خيال كلون و ماية حسيرة و اسماك علي الشط
كحياة و بهجة و جو مصيف باليل صيييفر
نيجي بقي للنقطة الحلوة ك حياة بحرية فهي رائعة و من غير مبالغة انت بتعوم و السمك بالوانه حواليك و انت ليك طول من غير ما تاخد لانش و لا حاجة سواء ف شاطئ الفندق او ابو دباب
بس برده هل ده للشخص العادي ال مش بيغطس يفرق عن رحلة ف شرم سنوركلينج؟!!
تاني بشكر الناس ال قالت علي حنكوراب لانه فرق معانا ف الرحلة
بالنسبة لابو.دباب شايفه مالوش لازمة لو فندقك كويس انا دفعت فيه 120 للفرد و مافرقش حاجة شاطئ فندقي انظف بكتير و حتي السلاحف ال ف العشش قالنا بتطلع باليل و ما شوفنهاش
و بالنسبة للقلعان اي حد طالع بالعربية يعمل حسابه انه ممكن يخبط المشوار زيي و ما يعرفش هي فين المنطقة ال الناس بتقول عليها و طبعا المكان هناك مقطوع
ف المجمل بالنسبالي كشخص مش موهوم بالدايفينج احنا انبسطنا و الجو كان ممتع و مش حر و كفاية ان اول مرة ف حياتي اعرف اتفسح ف العيد ف مصر من غير زحمة و خنقة
تاني حقول اهم نقطة المشوار صعب جدا لحد بعيلة انه يطلع لوحده الا لو هياخد بريك ف الغردقة مثلا يوم انا كنت بتنشق علي بتاع كاوتش اشيك ع العجل و وانا راجع امبارح البنزينات واحدة شطبت بنزين و التانية الطابور كان خزعبلي