السلام عليكم بعد اذن الأدمن في زميل نزل لينا...

[Mahmoud M Hassan]

السلام عليكم
بعد اذن الأدمن
في زميل نزل لينا استفسار عن الحج ومخيمات مني
الحقيقه هو معزور لانه ميعرفش
لكن في البعض بيفتي حتي لو هو مش عارف
ياريت رجاء من اخوتنا الافاضل الي عنده خبره يرد وخصوصا الي بيشتغلو في مجال السياحه بلاش الفتي وخلاص
الراجل عاوز يعرف هو اتنصب عليه او بيحزر الناس لانه مفكر انه انضحك عليه مع كامل اعتزاري ليه
فلازم نساعد لو عارفين انما بلاش الفتي بالله عليكو
احد الافاضل بيقول ان الخيم بيكون فيها ٥ و ٦ فقط
وطبعا محددش نوع العمله وبردو مش هعلق وهسيب الاخوه الافاضل شركات السياحه ترد
واحب اقول للاستاذ الي بيفتي شكرا علي زوقك بالرد عالتعليقات ومادام رديت علي بوست اصبح حق التعليق للجميع
واخيرا احب اقول للصديق الي نزل التحدير حج مبرور وذنب مغفور وربنا يتقبل من حضرتك

 

[Mohammed Farouk]

حضرتك رأيك ايه في زيادة سعر التذكرة و حلفان ميت يمين ان ده سعرها و لو عندي دليل اثبت غير كدة هيرجع الفلوس.. ربنا قدرني و جبت التذكرة من شركة الطيران مطبوع عليها السعر و في فرق ٢٢٠٠ جنيه و برضو بيماطل و يقول انه دافع اكرامية ٣٠٠ جنيه، و رأيك ان ده منظر آدمي لحج سياحي ب ١٠٢ الف جنيه؟

 

[Abdelrahman Salah]

ياعم روح اتعلم تكتب عربي صح الاول وبعدين اتكلم واعترض على بوست واحد بيشتكي من خدمة اتنصب عليه فيها

 

[Eslam Khaled]

انا قرأت الكلام بتاعك كذا مرة ومش فاهم اي حاجة و كل كلامك بلاش فتي ، ماشي ماحدش هيفتي بس ايه الرسالة اللي حضرتك عاوز توصلها علشان مش واضحة و نص كلامك مكتوب غلط

 

[Mohammed El Refaie]

انا مش فاهم انت تقصد ايه
بس جزء انت معاك حق فيه وجزء تاني لاء
الاخ صاحب البوست الأصلي حضرتك منى من سنين وهي منقسمة درجات فيها اللي اقل من الشعبي وفيها السبع نجوم وكله على حسب فلوسك
آلية الحجز من شركات مصر بتمشي ازاي عشان تبقى عارف هم بيجيبوا وسيط سعودي ويتفقوا معاه ينظم بالسعودية وهم بمصر بعدين يدفعوا مبلغ ضمان مالي بحساب وزارة الحج ويجيبوا حجوزات فنادق واتوبيسات ومخيمات وموافقات دفاع مدني ومطابخ اعاشة
وكل اللي فات ده برضه درجات وكله على حسب فلوسك
الفيصل هنا ايه عشان حضرتك تحفظ حقك اعرف الاول انتي جاي على ايه ال ١٠٠ الف اللي حضرتك دفعتها ممكن هو نصب عليك فيها فعلا وممكن لاء كله لازم يرجع للعقد اللي بينك وبين الشركة ولازم لازم لازم يكون في عقد لانه لو مفيش يبقى انت السعودية متعرفش عنك حاجة
في عقدك ده بيكتب التنقلات كلها من بلدك لمنى لعرفات المزدلفة ازاي باص ولا قطار ولا ايه بعدين الوجبات والفرش والمخيمات ومساحتهم قد ايه
والحمام لكل كم فرد وعشان تبقى عارف أقصى حاجة ٢٠٠ فرد لكل حمام ده لاقل فئة
والسكن عامل ايه ومفروش ازاي وفيه مكيف فيرون ولا صحراوي ولا مفيش اصلا
كل ده بيذكر في عقدك ولو متنفذش منه حرف واحد تروح لمكتب وزارة الحج للمتابعة اللي في منى وتشتكي عليهم بالعقد اللي معاك وهايعملوا معاهم الصح
هايتمنعوا من الحج السنة الجاية ودي وحدها خراب بيوت
غير خصم من الضمان المالي وغير وغير
فحضرتك احفظ حقوقك وأعرفها عشان محدش انا أسف يضحك عليك وتعرف تاخد حقك

 

[AHmad ABdo]

ايه الآسلوب دا

يفتي وميفتيش وكلام سوقي

هو احنا هنا في شارع ولا ايه

عالم عجيبة

 

[Heba Hoba]

مش محتاجه تفكير انك تخرج حج مع شركه مصريه انت معرض بنسبة 90% انك هتتبهدل ... لان شركات الحج في مصر مش هدفها اصلا انها تريح الحجاج لا هدفها تقلل التكاليف علي قد ماتقدر عشان تزود المكسب عشان سبوبة الحج دي هي الي فاتحه بيوتهم من السنه للسنه

 

[Mohamed Mike]

Mohamed Fared Elsayed