B
Basem Boshra
:: مسافر ::
لو هتروحي البحر افضل بحر بورفؤاد اركبي المعدية و انزلي خدي تاكسي و قوليله بحر نادي الهيئة و فيه جنبه كذا شاطئ علشان لو النادي مدخلكيش بس هيدخلك عادي ب 20 جنيه شاملة الشمسية و الكرسي مكان نظيف و تقضي فيه النهار و فيه حمام كويس و لو مش هتروحي البحر اركبي المعدية رايح جاي هتتبسطي قوي و بعد المعدية الممشى اللي جنب المعدية لغاية لما توصلي دليسيبس و ده مكان جميل قدام المياه و بعد كده شارع طرح البحر فيه محلات و كافيهات كتير و لو عايزه تشتري هدوم رخيصة يبقى تروحي شارع التجاري و جنبه موازي ليه شارع الحميدي و السمك فيه مطاعم كتير بس يفضل تاخدي تاكسي تقوليله سوق السمك الجديد و اشتري سمك و اشويه هناك و ممكن تقعدي على البحر تاكليه و فيه حدائق عامة زي المسلة و روحي مجمع المطاعم اللي على الطرح و اطلعي اخر دور ده كافيهات حلوة و بتبص على البحر و هتتبسطي هناك قوي بس المطاعم في المجمع ده غاليه شوية بس اكلها ممتاز لانها على مستوى حلو و لو عايزه اكل بورسعيدي اصيل لازم تروحي البازار عند علي بابا و اطلبي بكلويز ده عبارة عن قواقع و فيه حاجه اسمها لامؤاخذه مش هقول هي ايه بس جربوها هتعجبكم و فيه محل في البازار بيبيع شيكولاتات من بواقي الاستيراد بسعر رخيص جدا و فيه بتاع عصير قصب عند المعدية اسمه احباء النبي و فيه محل البان السلام في المنشية لازم تجربي من عنده عاشوره بالقشطة و العسل بس لازم تاكليها في المحل علشان في علبه مش بتبقى طازه و فيه فندق هلنان لو عايزين تلعبوا بولنج