لو انا اخدت الفيزا من سفاره اسبانيا و رايحه...

  • بادئ الموضوع بادئ الموضوع Tahra Kamal
  • تاريخ البدء تاريخ البدء
عرض العطلة
T

Tahra Kamal

:: مسافر ::
#1
لو انا اخدت الفيزا من سفاره اسبانيا و رايحه برشلونه على الطيران الايطالى و هعمل ترنزيت فى روما و عندى وقت ٧ ساعات و هدخل وقت الترنزيت روما و اكمل بعد كده برشلونه و طبعاً هختم دخول و خروج ايطاليا هل فى مشكله لان المفروض يكون ختم الدخول الاول اسبانيا و ارجو اللى يعرف فقط يفيدنى و شكراً
 
#4
لا مافيش مشكله
أنا كنت رايح باريس و معايا فيزا فرنسا و عندى ترانزيت 7 ساعات فى جنيف، ختمت فى جنيف و طلعت بره المطار و رجعت تانى سافرت باريس بدون مشاكل
 
عرض العطلة
#6
انا عملت كده السنة اللي الفاتت، إنتي بتخدي ختم وصول من اول بلد أوروبية تنزلي فيها حتى لو مش هتخرجي بره المطار، وانا بشجع الفكرة دي جدا خصوصا ان الاتوبيس بياخدك من تحت المطار يوصلك لوسط البلد وبتاخديه من نفس المكان تاني، بس حاولي تستنيه في الرجوع من بدري عشان بيبقى في ناس كتير مستنية
 
#7
مفيش مشكلة بس اهم حاجه تاخذي ختم الخروج الأخير من برشلونة، وانتي راجعه مصر وطالما هتاخدي الخروج من اسبانيا يبقي عادي عشان لو خرجتي من مكان تاني وانتي خاتمة دخول من روما هتيجي تقدمي شنجن اسبانيا تاني مش هيديوهالك وسبب الرفض هيكون انك خدتي من عندنا فيزا ومدخلتيش عندنا ولا خرجتي ولو حلفتي عالمصحف وجبتي فواتير فندق وخلافه مش هيصدقوكي بردو
 
#8
٧ ساعات بلاش لان ع ما تخرجي من المطار و تخدي القطار ل روما راح يكون عدي عليكي ساعتين و قولي كمان ساعتين كمان رجوع و دخول المطار كدة ٤ ساعات... يعني عندك ٣ ساعات بس بروما...
و انتي داخله ايطاليا راح تاخدي ختم و لما تسافري ع اسبانيا مش راح تعدي ع الجوازات اساسا لا الكنترول بيكون أتعمل عندنا هنا في ايطاليا و الرجوع لمصر طبعا راح تختمي من برشلونه عادى
 
#10
حضرتك ختم الدخول والخروج حيكون من إيطاليا طبعا .. وعموما مفيش مشكله يعنى .. حضرتك حتحتفطى بالبوردينج تيكت لرحلتك من روما لبرشلونه وال payment Receipt الخاص مكان إقامتك فى اسبانيا وده ال حيكون الاثبات ان حضرتك سافرتى اسبانيا فعلا .. وحتقدمبهم مع ورقك لما تقدمى ان شاء الله تانى على الفيزا والحاجات دى حتحتاجى تقدميها لو بس حتقدمى تانى فى سفاره اسبانيا لكن لو اى سفاره شنجن تانيه عادى جدا ولا فيه اى مشكله ومش مطلوب منك تقدمى الكلام ده ..
 
عرض العطلة
#11
لا مفيش مشكلة
احتفظى بس بال boarding pass
بتاع الرحلة اللى يثبت انك فعلا روحتى اسبانيا فى حالة انهم سألوا عن الموضوع لما تقدمى تانى
 
#13
ملهوش لزوم روح اسبانيا علشان تعرف تاخدها تانى انا الموظف فى السفاره الفرنسيه قالى يفضل تدخل فرنسا اولا علشان تعرف تاخدها تانى بس غريب انى بلاقى الاخوه فى تعليقات تانيه بتقول عادى وانا دخلت وطلعت وخدتها تانى من نفس السفاره فخليك فى الامان ده نصيحتى
 
#15
دخولك من خارج الاتحاد الأوروبي لروما يعتبر وصول دولي شنقن ويحتاج ختم وصول. وأما طيرانكم من روما لأي حتة في أوروبا فيعتبر داخلي وحتى مش بيبصو على الجواز تقريبا
 
عرض العطلة
#16
وانا داخل باريس عملت حركه جريئه جداً
سألت الظابط اللي بيختم شويه اسأله
اولاً لو انا جايلك بفيزا غير بتاعه فرنسا وأول مره ايه الوضع
قالي من حقي أسألك علي حجز الأوتيلات بتاعه رحلتك ويكون عدد الأيام اكتر في بلد الفيزا
ومن حقي لو ماقتنعتش مادخلكش البلد وارجعك
ثانياً : لو لو انا معايا فيزا من فرنسا وجيت عن طريق خطوط طيران اخري وختمت في باد اخر وعند التقديم مره اخري يأثر عليا
قالي حسب تقدير القنصل
لكن هايحترمك اكتر لو ختمت ختم الدخول من البلد المصدر للفيزا
ثالتاً هل في حد ممكن يتلغيله الفيزا عند الدخول ويترحل؟؟
بصلي بصه غريبه وقالي اكيد لو حسينا انه خطر يدخل بلدنا
شكرته وطبعاً االكلام ده ماخدتش دقيقتين
 
#17
مفيش مشكله لو ختمتي دخول بس لازم تختمي خروج من اسبانيا عشان لما تقدمي علي شنجن تاني هيسالك انتي مارحتيش اسبانيا ليه بس برضه ممكن لو ماخمتيش خروج اسبانيا يكون معاكي مايثبت انك دخلتي اسبانيا زي حجز فنادق او سحب من الفيزا او تذاكر دخول مسارح او متاحف او مباريات احفظي بالحجات دي
 
#20
لا ينفع عادي جدا انا كنت واخده الفيزا من اسبانيا و داخلت فرنسا الاول و محصلش حاجه و لسه وخدها من أسبوع من دوله شغن تالته بس الفكرة في السبع ساعات هيصفصفوا علي ساعتين
 
عرض العطلة
عرض العطلة
عرض العطلة
أعلى أسفل
عودة
قائمة