ياريت الناس اللي عاشت برا فترة تنقلنا خبراتها...

  • بادئ الموضوع بادئ الموضوع Omar Hamzawy
  • تاريخ البدء تاريخ البدء
عرض العطلة
#181
الغربة رزلة و مقرفة جدا لاى شخص ملتزم دينيا و مافيش حوله مجمع دينى او ناس متقاربة فى الفكر... بس العيشة برة فيها راحة نفسية من حيث النظام و النظافة و الأمان و المطالبة بحقك... فعلا بتبقى هادئ و مرتاح و فى حالك و براحتك عكس فى مصر للأسف من عدم نظام لعدم آخذ حقك و للخناق دائما علشان تأخذ حقك او رشوة و فعلا ضغط نفسى وحش جدا فضلا عن كون مصر بلد إستهلاكى بالدرجة الأولى فالوضع الإقتصادى صعب و المرتبات مش متماشية مع غلاء الحياة و كدة عكس برة أو على الأقل بالنسبة لى ...
 
#185
الغربه بالنسبالى كمصرى مش غربه وطن الغربه عيبها الوحيد ان مفيش اهل واصحاب زمان لو دول موجودين هنا عمرها ماهتكون غربه !
 
عرض العطلة
#186
هتفضل برا تلف في دايره مفرغه من التعب عمرك ما هترتاح زي امبارح بقالي شهور باجي على نفسي من الارهاق اللي دمر صحتي لحد ما امبارح قعدت في مكاني ماقدرتش حتى اروح من الشغل و الله اوقات من كتر التعب بنام في اقرب بارك مش قادر حتى توصل للباص. في طلبه بتنتحر ما بتتحملش و في اللي بيرجع الراحه لاصحاب البلد من الاخر و بردو بتحسهم مضغوطين و اغلبهم بيدخن طول الوقت.
كل مانتجمع انا و صحابي نسأل نفس السؤال و بعدين و لحد امتى اللي بيرد علينا الاقدم مننا هنا مافيش لامتى هتفضل تتعب مش هترتاح.

طبعا انت لو قولت الكلام ده هيتقال عليك كلام زي الزفت فبنقوله بينا هنا و خلاص.
و للاسف مافيش رجوع هترجع لمين بعد مالغربه خسرتك اغلب صحابك و تغمل ايه بعد ما مالكش شغل في بلدك فبتهرب لادام و تتغرب اكتر

نسبه ضئيله مننا اللي بتقدر تعيش بقى. اي كلام هيقولهولك حد مش متغرب بلح ولا يمت لاي واقع بصله
المانيا
 
#187
مفيش حاجة اسمها غربه في الوقت ده
المكان اللي تلاقي فيه حريتك ولك حقوق فيه وعليك واجبات وعايش فيه ع قدر من الاحترام وخدماته مناسبه ليك ده وطنك غير كده مفاهيم مضحوك بيها علينا عشان دايما تفضل خدام وعبد تحت رحمه اي نظام
 
#188
زمان وانا صغيرة، عشت 3 سنين مع ابويا ف الغربة،، كنت بعيط وانا رايحة كل سنة،، بمرور الوقت ومع انحدار أخلاق المصريين والشارع المصري، لما بسافر برة ببقي سعيدة أو ع الأقل مببقاش بإحساس زمان من حنين ووحشة
دانا لما بخرج برة القاهرة اعصابي بتهدا
ربنا يهدى المصريين
 
عرض العطلة
#195
اول كام شهر هتبقي حاسس بزعل عشان بعيد عن اهلك واصحابك و بلدك ، بعدين هتنسي ده كله و مش هتفكر تنزل مصر خالص ، هتحس انك لو نزلت مش هتطيق تعد هناك يومين ع بعض. و فعلا لو نزلت مش هتطيق حتي ساعه
 
عرض العطلة
#196
عليا النعمه شويه الجري اللي بجريهم الصبح في الخضره ومن غير تلوث و دخان و زحمه يسووا الدنيا خلاص مبقاش فيه غربه مع الانترنت والماكلمات الصوتيه والفيديو
 
#197
كل حاجة ليها تمن . هاتعيش في مكان منظم شويةً و هوا انضف شويةً .. وتكون حاسس انك ليك حق في الحياة فعلا ..بس في المقابل هاتعمل كل حاجة لوحدك بالمعني الحرفي لكلمة لوحدك .. تمرض تشتغل تدرس تفرح تزعل كُله لوحدك .. اصحابك هايقِلوا جدا .. معارفك هايكونوا اكتر .. انت شخصيا هاتتغير و تبقي اهدا من زمان .. هاترجع مصر تلاقي اصحابك قاعدين علي نفس القهوة بيتكلموا في نفس المواضيع .. هاتحس نِفسك انك ما بقتش منهم .. هاتبقي مرتاح اكتر لعيشتك لوحدك . في نفس الوقت مفتقد اهلك و اصحابك و الروح اللي موجودة في بلدك .. المطاعم و المحلات اللي فاتحة للصبح .. الناس اللي بتتكلم لغتك .. الناس العشرية والحشرية برضه هايوحشوك .. هاتبقي بين نارين عاوز اهلك و اصحابك و حبيابك كلهم معاك بس مش وسط الفوضي .. و دي كلها مؤشرات ال autism و الله الموفق
 
#199
الغربة عمرها ما هتكون اصعب من الفقر, برة أحسن طبعا ً لو انت مقيم شرعي, اما لو مقيم غير شرعي هتتعذب, واي شغل هناك هتعيش منه مرتاح فى البلد الى انت فيها ( شرعي ) والى يقولك ضرايب واسعار, دة كداب وبيعقدها فى وشك عشان يحسسك انه بطل وبيعافر وان الدنيا مش سهلة , برة حتى وان كان فيه ضرايب عالية , الا ان الاسعار متناسبة جدا ً مع المرتبات , وهتعيش مرتاح, بس طبعا ً احب اقولك فى الاخر ان دي دنيا هناك ممكن الدنيا تسحبك ومن حلاوتها تنسيك الاخرة , فعشان كدة لو عايز تسافر سافر , بس حاول متخليش هدفك انك تعيش هناك دايما ً خلي هدفك انك تحصل علم او حتى فلوس وترجع , لأن فيها حديث بيقول من بات بين ظهرانيهم فأنا بريء منه اتمنى تكون فهمته
 
عرض العطلة
عرض العطلة
عرض العطلة
أعلى أسفل
عودة
قائمة