ياريت الناس اللي عاشت برا فترة تنقلنا خبراتها...

  • بادئ الموضوع بادئ الموضوع Omar Hamzawy
  • تاريخ البدء تاريخ البدء
عرض العطلة
#42
الغربة بعد سنين مش طويلة هتلاقي نفسك وحيد متغرب في البلد اللي انت فيها ومتغرب لماترجع مصر.. شعور غريب بعدم الإنتماء.
هتعيش بشكل آدمي أحسن بشكل كبير برا مصر لكن التمن انك لما هتفرح وتنجح مش هتاقي حد يفرح ماك ويحتفل بيك.. لكن في المقابل هتلاقي تقدير ونجاح في الشغل ولحد كبير نظام هتقدر تلتزم بيه وعارف إن وقت ما هتكون في مشكلة النظام دا هيساعدك تعرف تأخد حقك..
في مصر شغل ومرمطة وبرضو تحس إنك بتحرث في للبحر مهما تتعب المقابل ولا شيء مقارنة بتعبك ومجهودك.. بس في المقابل قعدة مع اصحابك على القهوة تصرفلك فيها 20 وتكونكدا صارف ومكلف كمان ولا حضن من والدتك وتسمعها بتدعيلك كفيل يشيل كل تعبك دا
للأسف الاختيار صعب جداً لكن أرجو من الله يوفقك تقدر تسافر فيه بلد تلاقي فيها فرصة محترمة تقدر تعمل فيها عيلة وتعيش مع أسرتك بشكل كويس. ربنا يوفقك بجد
 
عرض العطلة
#46
هي الغربة ميزتها انك بتعتمد علي نفسك بشكل اكبر بدون اي سند
هتلاقي نفسك ماكينة تشتغل وتنام وبس
حتي لو مراتك و عيالك معاك انا كانوا معايا هنا ونزلتهم لان بنتي كانت مكملتش سنتين و لقيتها ابتدت تاخد جنب لوحدها و ده كان مسببلي مشكلة طبعا خوفت عليها فنزلت
في مصر اما برجع كاني ميت وصحيت تاني اهل واصحاب وكل حاجة
اه معاك فلوس حلوة بس عمرك بيتسرق منك
 
#47
الخليج عادتا تحس انك في متحف الشمع بلاد مفيهاش روح بس اداميا و معيشيا كويسة مش recommended لفترات طويلة.... الغرب بيختلف قد ايه challenging العيشة حسب البلد و حسب انت متفتح قد ايه و مدى تقبلك للاختلاف قد ايه..و هدفك من السفر ايه... فلوس و احوش؟حياة آدمية و مش مهم احوش؟.. تعليم و صحة و بديهيات الحياة الي مش مفروض تشغل كل فكرك كل يوم زي هنا .. و مبقاش في فزاعه الاخلاق و الدين جوه مصر و براها بقى واحد عندنا هنا الحاد و فجر و كله عادي محدش يقول شرق و غرب بقى على الاقل برة ممكن اقول لابني هم مختلفين لكن هنا من مصريين و عرب لما يقولي اشمعنى دول بيعملوا كده هقوله إيه.. هنا لازم تهري في كل حاجه كل حاجه عاوزه رغي كتير و جدال ارهاق نفسي رهيب و تضييع وقت هستيري دي من الحجات الي عمري ما عرفت اقبلها .. سافر كتير مش هتندم
 
#48
لازم تسافر تاخد خبرة وتتعلم ولو ربنا كرمك تلاقى مجتمع حتى ولو صغير برة وتود اهلك وصحابك وهترجع لهم عادى اكيد مش هتسافر ابديا لو قعدت خمس سنين برة مصر هتخسر ايه يعنى انا بقالى سبع سنين وحمدت ربنا انى عشتهم برة مصر فى الوقت الراهن ده لانك اتحميت من الوضع الاجتماعى والثقافى السىء اللى وصلنا له وبنحاول نتعافى منه ، فيه اختلافات كتير واناع للسفر حسب اشياء كتير بس مش مانع ابدا انك تخوض تجربة خصوصا لو مفيش شىء كبير مستنيك فى مصر غير اهلك واسرتك
 
#49
لو متجوز انصحك متسافرش من غير مراتك عشان فعلا بتحس بالوحده و مهما كان المكان كويس مش هتحس انك مبسوط و حاجه نقصاك من غير مراتك
 
#50
الموضوع ده يعتمد انت عايش ازاى جوه مصر. لو طبقة متوسطة عليا يعنى عندك دخل و عارف نتفسح جوة او برة مصر و تعلم عيالك و كده يبقى مصر احسن لك ميت مرة أو غير كده يبقى فرصة برة احسن
 
عرض العطلة
#51
للاسف السوشيال ميديا والاعلام صوروا للناس ان الغربه وان دول اوروبا جنة الله فى الارض وان احنا عايشين فى القاع , ودى مش حقيقه والله الناس بره بتطلع تشتغل من الصبح لحد المغرب ويمكن اكتر من كده كمان والفلوس الى بتجيبها يدوب يكفوا اكلهم وشربهم وخلاص ومحدش فيهم بيدور ع اسم الشغلانه بيشتغلوا فى الورش وبياعين بس المهم انهما بيعرفوا يعيشوا سعداء وينبسطوا
 
#53
الغربة هتكون موجوده في مصر او خارجها طول مافي عدم تأقلم وراحة ... الفيصل هو الحمد لله والرضا بالحال والسعي للافضل بنفس راضية
 
#55
لكل داء دواء، وليس اي دواء الي اي داء.
ديه الغربه باختصار. مش هتعمل ملايين او تغرف فلوس لكن هتعيش في نضافه وتتعامل بنضافه باستثناء الخليج علشان حوار الكفيل زي العبوديه. لو قعدت في مصر هتعيش فقير لكن مبسوط شويه بين اهلك واصحابك. انت سيد قرارك
 
عرض العطلة
#56
الغربة تجربة مهمة في تكوين شخصيتي، تخليت عن الدلع اللي تربيت عليه و عرفت قيمة الاشياء و تعلمت انه العمل مهما كان بسيط شيء مقدس،
اكثر شيء عجبني في الغربة هو انك عايش من غير اي ضغوط اجتماعية ، لا احد يحكم عليك من مظهرك، سكنك، عملك.... و تعلمت ان اكون كما اريد و ليس كما يريد الاخرون، لم اعد احس بواجب ان ابرر تصرفاتي او اختياراتي للاخرين.....
اكثر شيء سلبي هو التلفون اللي يجيك ليخبرك بوفاة حد عزيز عليك، وقتها تسأل نفسك : هل كل ما توفره لي الغربة يستحق ان احرم من مشاهدة اولاد اخي يكبرون او ان اودع او احضر جنازة عزيز عليا؟؟؟
 
#58
الناس الى عايشه بره مصر مش مرتاحه و بتسمى عيشيتها غربه حتى لو فى مستوى مادى و علمى كويس و بيتمنوا اليوم الى يرجعوا فيه يعيشوا فى بلدهم بس عمرهم ما بيرجعوا علشان للاسف بقو غرب قى بلدهم اكتر ما هما غرب فى البلاد الى عايشين فيها . البلد اتغيرت عليهم اوى و الناس نسيتهم و مبقاش ليهم اصحاب و اهم حاجه ولادهم بقت ليهم بلد تانيه .. للاسف هيعيشوا حياتهم كلها غرب هنا و هناك ..
الناس الى فى مصر شايفين الصوره من بره بس فاكرين الغربه حلوه علشان النظام او التعليم او الفلوس و نفسهم يسافروا بره مصر النهارده قبل بكره .. مش واخدين بالهم انهم لو اشتغلوا جوه مصر واحد على مليون من الشغل الى بيشتغلوه بره هيبقوا احسن من بره ميت مره و على الاقل فى بلدهم وسط ناسهم و اهلهم و اصحابهم و ذكرياتهم ..
لازم دراسه حقيقيه للموضوع من كل الزوايا و ومقارنه للمستوى الى عايشه فى مصر و المستوى الى هتعيش فيه بره و بعدين ناخد القرار .. علشان الناس الى بتطلع بره تشتغل فى مطاعم و لا تغسل اطباق و هما اصلا مهندسين و دكاتره و يعيشوا عيشه وحشه جدا فى حين لو كانوا فضلو فى بلادهم كانو اكيد هيلاقوا شغل مهما كان قليل بس احسن من المرمطه و قلة القيمه ..
بس نصيحه الى يقرر يسافر ميرجعش و لا يرجع ولاده علشان ميتعبوش نفسيا .. و الى ميسافرش يشتغل كويس علشلن يعيش فى مستوى كويس و ميفكرش فى السفر بقا تانى ..
 
#59
انا دايما بفرق بين مصر والمصريين
مصر بحبها قوي وبعشق ترابها اقسم بالله ومبطقش حد يجيب سيرتها بسوء وبفتخر بيها واني منها
لاكن اغلب المصريين حاجه صعبه
بس في نفس الوقت طيبين قوي بغباء

انا تقريبا داخل ف تالت سنه ليا متغرب
بس كل مره بستني انزل مصر فيها
بحس اني متعود زي ماتكون امي بجد بشكل اوفر

يعني بحب غتاتها وقرفها
بحب تصريح السفر ومدام منال الي مبترضاش تخلصلي ورقي الا اما تبهدلني والمواصلات والزحمه والناس مش طايقه بعض والاكل الي ف الشارع
اقسم بالله بعشقها

بره مصر مهما كنت بتخس بردو انك غريب حتي لو كان معاك جنسيه تانيه بردو مهما كنت غريب وهتفضل عنهم غريب
لا دول اهلك ولا دي ثقافتك ولا دي ناس

مصر جميله قوي وبدعي ربنا انها تكون من الدول المتقدمة
 
عرض العطلة
عرض العطلة
عرض العطلة
أعلى أسفل
عودة
قائمة