O
Omnya Abdelrazek
:: مسافر ::
لو هاتتغرب بدخل محترم يعيشك فى البلد الى رايحها عيشه كويسه اتغرب والغربة بعد فتره بتكون تعود بس بتلاقى نفسك مش عارف ترجع تعيش مكانك وتلاقى نفسك بين هنا وهناك لا انت بتحضر مناسبات ولا بتقعد مع اصحاب زى بلدك اه فى اختلاف فى النظام وتطبيق القوانين بس اظن داخل مصر لو انت عايش فى مكان كويس ودخل محترم بتقدر تعيش حلو
بس حاليا النقطة الفارقة هى الامان الى الواحد بقى مفتقده فى مصر
بس حاليا النقطة الفارقة هى الامان الى الواحد بقى مفتقده فى مصر
M
Mohamed Mamdouh
:: مسافر ::
انا عايش في دبي بقالي اربع سنين ومعايا عيلتي الحمد لله
وعايش كويس ومفيش مشاكل بس للاسف هنا الحياه بدون طعم عباره عن ماكينه بتعمل نفس الشغل كل يوم ومفيش جديد
عشان كده خدت القرار ان بالكتبر سنتين وارجع مصر ان شاء الله
لان الغربه بتقتل العمر وبتفصلك عن اهلك واصحابك
رغم كل المساؤي في مصر بس انا الشهر اللي فات لما كنت راجع من الاجازه كنت بعيط اني سايب مصر ومسافر
وعايش كويس ومفيش مشاكل بس للاسف هنا الحياه بدون طعم عباره عن ماكينه بتعمل نفس الشغل كل يوم ومفيش جديد
عشان كده خدت القرار ان بالكتبر سنتين وارجع مصر ان شاء الله
لان الغربه بتقتل العمر وبتفصلك عن اهلك واصحابك
رغم كل المساؤي في مصر بس انا الشهر اللي فات لما كنت راجع من الاجازه كنت بعيط اني سايب مصر ومسافر
M
Mariam Joseph
:: مسافر ::
اولا لما تسافر الاكل طعمه مختلف نهائي كل حاجة تحسها مركزة متعرفش بيدونا بواقي الاكل في مصر ولا ايه
ثانيا الواحد مطمن وهو ماشي في الشارع حتي لو مشيت غلط و اشارة مفتوحة هتلاقي الناس وقفت في بوليس ماشي في كل حتة حتي عالكورنيش مش خايفة بنتي تتخطف بالعكس ماشية مستمتعة بالجو وبالشارع و بالمناظر
الزحمة لما تبقي عالية كبيرك ربع ساعة وتفك
الناس بتحترم بعض و بيساعدوا بعض
لا لا لا مش محصلة بعضها نهائي
احساس الغربة وحش بس يكفيك تقرا الاخبار عشان يروح
ثانيا الواحد مطمن وهو ماشي في الشارع حتي لو مشيت غلط و اشارة مفتوحة هتلاقي الناس وقفت في بوليس ماشي في كل حتة حتي عالكورنيش مش خايفة بنتي تتخطف بالعكس ماشية مستمتعة بالجو وبالشارع و بالمناظر
الزحمة لما تبقي عالية كبيرك ربع ساعة وتفك
الناس بتحترم بعض و بيساعدوا بعض
لا لا لا مش محصلة بعضها نهائي
احساس الغربة وحش بس يكفيك تقرا الاخبار عشان يروح
S
Shaban Rashed
:: مسافر ::
أسوأ حاجة في الغربة إنك في الغالب بتشوف وضع أحسن و حياة أرقي من حيث الخدمات و سهولة الحياة بشكل عام و النظام إلخ،، و لما بترجع مصر بيحصلك صدمة حضارية مضادة من الواقع المؤسف للبلد،، و في الآخر نادر اللي بيحس إنه مواطن حقيقي و بلد الاغتراب بلده و لو رجع مصر برضه بيحس بغربة،،، يعني بتفقد إحساسك بمعني الوطن هنا و هنا،،،
تاني أصعب شيئ إن عيالك بيبقوا بعاد عن بلدهم و أهلهم فكريا" و اجتماعيا" و الجيل التاني دا اللي بيتربي بره بلد أهله مصيبته في الغالب أصعب و كتير بيحصل إنك بتتقهر علي عيالك علشان بيطلعوا أجانب و لو ما بقوش أجانب ما بيقدروش يندمجوا في مجتمعهم و يفضلوا عايشين ع الهامش..
لو إنت مغترب و عيالك في مصر حدث ولا حرج عن اغتراب عيالك و إحساسهم باليتم أو إنهم يعرفوا فلوسك و هداياك بس و ما يعرفكش إنت أو إنهم يطلعوا فلتانين الخ الخ و بالسنبالك إنت بتعيش من غير روح لأن حياة أي حد بعيد عن عياله في الغالب بتبقي معاناة و وَحشة و خواء روحي.
طبعا" لازم نعترف إن الناس مختلفين و كل واحد تجربته مختلفة جدا" و ليها خصوصيتها و التعميم خطأ ،،،زي ما حياة الناس في بلدهم و ظروفهم مختلفة، تجربة الغربة ليها مليون وش و لون ..
تاني أصعب شيئ إن عيالك بيبقوا بعاد عن بلدهم و أهلهم فكريا" و اجتماعيا" و الجيل التاني دا اللي بيتربي بره بلد أهله مصيبته في الغالب أصعب و كتير بيحصل إنك بتتقهر علي عيالك علشان بيطلعوا أجانب و لو ما بقوش أجانب ما بيقدروش يندمجوا في مجتمعهم و يفضلوا عايشين ع الهامش..
لو إنت مغترب و عيالك في مصر حدث ولا حرج عن اغتراب عيالك و إحساسهم باليتم أو إنهم يعرفوا فلوسك و هداياك بس و ما يعرفكش إنت أو إنهم يطلعوا فلتانين الخ الخ و بالسنبالك إنت بتعيش من غير روح لأن حياة أي حد بعيد عن عياله في الغالب بتبقي معاناة و وَحشة و خواء روحي.
طبعا" لازم نعترف إن الناس مختلفين و كل واحد تجربته مختلفة جدا" و ليها خصوصيتها و التعميم خطأ ،،،زي ما حياة الناس في بلدهم و ظروفهم مختلفة، تجربة الغربة ليها مليون وش و لون ..
K
Khaled Morsy
:: مسافر ::
بص يا زعيم انا عشت بالخارج ١٨ سنة و اشتغلت فى ١٩ بلد.. مفيش غربة الا فى مصر...فية شغل و نقود حتعيش زى القل ...مفيش ...بلدك اولى بك....بس انسي فى مقابل دة عيالك و بيتك و صدقني فى الاخر ...حترجع غصب عنك بعد ما تخسر زوجتك و يادوب تلحق عيالك...انا بأجيبلك من الاخر...عن تجربة حقيقية
R
Rehab Saleh
:: مسافر ::
بعد غربه احب اقولك مفيش احسن من بلدك... لو انت عايش بدخل عالي مش متوسط با عالي يبقى مصر احسن بلد تعيش فيها من أهل و أصحاب و معارف و مناسبات و سهر و اعياد و حتى روتين الحياه له طعم.. و لكن بره تعليم محترم و قوانين و مكنه مكنه مكنه شغل و روتين يومي مبيتغيرش و شوارع نضيف و اكل نضيف و تحمل مسؤوليه أكبر بكتير من بلدك وولادك متلخبطين
بعد فتره بتحس بغربه داخل بلدك و خارجها و غربه مع اهلك و اصحابك
بعد فتره بتحس بغربه داخل بلدك و خارجها و غربه مع اهلك و اصحابك