O
Omar Ameen
:: مسافر ::
الغربة احساس ممكن تحسه في بلدك او برة الفكرة انك مندمج مع المجتمع و بتتعامل معاه و متعايش و في انسجام كده في حياتك ليك صحاب و اهلك معاك و حاسس ان الناس اللي حوليك فيهماك و فاهمهم و لا لا و حاسس انك واخد حقك زيك زي غيرك و لا في تميز ضدك كل دي مشاعر بتفرق انك تحس بالغربه او تحس ان البلد بلدك سواء كنت بتحمل نفس جواز سفرها او غيره مش هتفرق كتير
ا
ايمن ايمن
:: مسافر ::
لو تقدر تسافر وتعيش بايتقرار في اي بلد غير مصر سافر. هتلاقي شيئ من النظام من الاحترام من العدل من الانسانيه و دول للاسف مصر تفتقر ليهم بشده....لكن لو ليك اهل او مصالح في مصر او مش هتعرف تتاقلم وتشتغل وتستقر بالخارج يبقا بلاش تتمرمط ع الفاضي. وربنا يدبرلك الخير من حيث يعلم ولا نعلم .
E
Eman Ghazy
:: مسافر ::
بص هو برا كويس مفيش اختلاف على كدا انا قعدت ف دبي 4 سنين ويعشق البلد دي
قد ما الغربه حلوه ف حاجات كتيير جدا طبعا قد ما صعبه ف حاجات كتير بالنسبه للمشاعر مش المعيشه
بيقولو لي بقى قلبي جامد بسببها عشان مجربوهاش
ف الغربه بتعيش كل حاجه لوحدك فرحك لوحدك حزنك لوحدك
بس بتعيشها بنص حاله لا قادر تفرح فرحة كامله ولا تحزن حزن كامل
دا احساسي الشخصي ف الموضوع
سافر وجرب الموضوع يستاهل لو الفرصه مؤكدة بالنسبالك
ربنا يوفقك ويوفقنا كلنا
ولو رايح دبي متفكرش انك ممكن تحوش فلوس
قد ما الغربه حلوه ف حاجات كتيير جدا طبعا قد ما صعبه ف حاجات كتير بالنسبه للمشاعر مش المعيشه
بيقولو لي بقى قلبي جامد بسببها عشان مجربوهاش
ف الغربه بتعيش كل حاجه لوحدك فرحك لوحدك حزنك لوحدك
بس بتعيشها بنص حاله لا قادر تفرح فرحة كامله ولا تحزن حزن كامل
دا احساسي الشخصي ف الموضوع
سافر وجرب الموضوع يستاهل لو الفرصه مؤكدة بالنسبالك
ربنا يوفقك ويوفقنا كلنا
ولو رايح دبي متفكرش انك ممكن تحوش فلوس
M
Moataz Ismail Bkheet
:: مسافر ::
المغتربين نوعين.... نوع بيتعب جدا في الغربة والنوع ده هو اللي بيغترب فقط لأجل المال.... أما النوع الثاني اللي بيدور علي الحياة المحترمة الكريمة واحترام البني أدم فده مش بيتعب غير تعب بسيط أوي لافتقاد الاهل والأصحاب... للأسف برة في حرية ومحدش بيعتدي علي حرية حد وفي احترام ونظام وكمان في تقدير في العمل والماديات.... الحياة برة تجربة جيدة وخاصة لما تكون في بلد محترمة
I
Islam Yousry
:: مسافر ::
حتلاقي نوعين من الردود لسؤالك، لو حد عملي و عديم الاحساس، حيقولك سافر و اهرب من مصر، و لو حد بيحب بلده بس فقري ، حيقولك اوعي تسافر و مفيش احلي من مصر ، انا نصحتي ليك عن تجربة غربة 10 سنين، سافر بس لو مش قادر تعيش عيشة كويسة في مصر ، لو عايش كويس اوعي تسافر ، الغربة عاملة زي الورد البلاستيك، لا طعم ولا ريحة ، منظر بس