استفسار بخصوص الطيران منخفض التكلفة في اوروبا....

  • بادئ الموضوع بادئ الموضوع Adam Noah
  • تاريخ البدء تاريخ البدء
عرض العطلة
A

Adam Noah

:: مسافر ::
#1
استفسار بخصوص الطيران منخفض التكلفة في اوروبا.

بخصوص موضوع الشنط وان انت ليك شنطة صغيره معاك للكابينة بس مقاسها 55x45x20 تقريبا ووزنها مابيزيدش عن ١٠ كيلو .

السؤال.. هل هما بيركزوا في الابعاد دي فعلا ؟؟ وبيركزوا في الوزن ؟؟ وهل ممكن حد يشاركنا كن خبرته ازا كان المقاس ده كفايه لرحلة اسبوعين لاوروبا مثلا .

واو حبيت اخد شنطه زيادة في الوزن .. بتكلف كتير ؟
 
#3
طبعا بيركزوا فى الابعاد دى لان الشنطة لازم تدخل فى المكان المخصص للشنط فوق
و الطيارات الخاصة بالشركات دى بتكون صغيرة ... لو اسبوعين فى الشتا الشنطة دى مش كفاية لان اللبس الشتوى بياخد مساحة كبيرة فى الشنطة
انا سافرت على ايزى جيت و اشتريت وزن شنطة ٢٠ كيلو بحوالى ٥٥ يورو .. شوف سياسة الامتعة على موقع الشركة اللى هتحجز عليها بيكون مكتوب
هم بيعوضوا سعر التذكرة المنخفض فى الخدمات الاضافية
 
#5
اولا في فروقات بين كل خط و خط. يعني في مثلا خط اسمه ويزاير الشنطة اللي ببلاش اصغر من كده كتير زي شنطة اللابتوب. شنطة الكابينه بتدفع عليها فلوس و الشنطة الاكبر بسعر اكبر. و في خطوط الوزن ٨ كيلوا مش عشرة. و عموما بيدققوا لو الشنطة شكلها منفوخ زيادة و واضح هيحطها في المقاس. لو شكلها من بعيد عادي مش هيقسها. و المقاس عموما بيبقي في حوالي تلاته سنتي زيادة عن المقاسات المعلنه. تكلفه الشنط الزيادة بتختلف بردو من خط للتاني من اول ٥ يورو ل ٣٠ يورو في الرحلة الواحدة. موضوع تكفي. اسبوعين علي حسبك استخدامك. انا باخد شنطة كابينه بس معايا اسبوعين بروح كذا دولة في الرحلة و بركب كذا طيارة و ببقي واخد شوية اكل خفيف كمان. بس بعمل حاجتين مهمين. شنطة اللابتوب بتاعتي كبيرة بتاخد كل اوراقي و شواحن برفانات و كده و شوية حاجت رفيعه. كمان بنزل غالبا في استوديوهات خاصه علشان يبقي في غسالة اغسل عليها الملابس كل كام يوم.
 
عرض العطلة
#8
لو تقصد حاجات زي راين اير مثلا والشركات ام 15 يورو التذكره فده اصلا اكل عيشهم ان حضرتك تلبس وتدفع 50 يورو ع الشنطه
 
#10
انا كنت راكب طيران wizz air كنت حاجز تذكره من بوزنان الي باريس 100 يورو وعلشان معايا الشنطة العاديه الي بتطلع في اي طيران فى العالم قالو لي الابعاد دي غير مناسبه ولازم تدفع مش فاكر دفعت كام بس اعتقد من 50 الي 100 يورو غرامه عند الكاونتر وانت داخل الطائره
 
عرض العطلة
#12
أحسنلك لو عندك شك ان الوزن او الحجم هيكون أزيد انك تشتري أونلاين شنطة ٢٠ كيلو وزي ما الإخوة تفضلوا هتلاقي بوكس معدن لو الشنطة دخلت فيه يبقى أوكيه غير كده هتزعل من الرقم اللي هتدفعه، انا دفعت مرة ١٠٠ إسترليني وزن زيادة لرحلة إيزي جت من لندن لمدريد
 
#14
في demo للشنطه في المطار. بمعني. بتضع الشنطه جوه صندوق لو لم تدخل تصبح غير مطابقة للمواصفات.
بالنسبة للوزن دي بترجع لموظفي الطيران في المطار لو عايز يغلس عليك ممكن. علي فكرة شركات الطيران العربيه هي التي تشترط الوزن ظ
 
عرض العطلة
عرض العطلة
أعلى أسفل
عودة
قائمة