R
Reham Fahmy
:: مسافر ::
كل البلاد السياحية فيها حرامية والسرقة امر وارد جدا. في ايطاليا اي مكان بتروحه من اول الفندق للمطاعم حتي مكن التذاكر بيقولك خلي بالك من الحرامية be ware of pick pockets وبعد الساعة 8 ما تحاولش تمشي في اماكن مقطوعة او بعيد عن التجمعات، في حرامية عادي جدا. بس ده ما يمنعش انك تسافر يعني
ه
هشام كامل
:: مسافر ::
والله انا مش عارف للي بيقولوا باريس لاتستحق وزباله وكلام زي ده يابهوات مش معقوله عشرات الملايين اللي بيزروها سنويا كلهم غلط واحنا صح والله السائحين اللي في برج ايفل وفي اللوفر وفي ديزني لاند واللي بيدفعوه لو عندنا لمده شهر لنسدد ديون مصر باريس عاصمه الجمال بقت وحشه بلاش كده كيفيه اداره مقوماتهم السياحيه هي سبب نجاحهم مش مطلوب مني في زياره باريس اروح الازقه والمناطق المجهوله زي مش مطلوب من السياح عند زياره مصر الذهاب الي الدويقه والزاويه الحمراء
E
Eslam Heider
:: مسافر ::
مفيش حاجة اسمها حلوة او وحشة لجميع الأذواق ، الفكرة في حضرتك محتاج ايه من البلد اللي رايحها و ايه شكل الأنشطة اللي حابب تعملها ، اغلب الول الأوروبية زي بعض ( غرب أوروبا قريبين من بعض و شرف أوروبا بردو ليهم طابع خاص بيهم ) ، بغض النظر عن رأيي الشخصي عن باريس بس هي اغلب مزاراتها متاحف و مازالت تاريخية و جو هادي شوية ، شوف الأنسب ليك و لدماغك ممكن تلاقي بلد مش مشهورة بس هي اللي تعلم معاك عشان فيها دماغك
M
Mido Karam
:: مسافر ::
متلازمة باريس (بالفرنسية: Syndrome de Paris) هي حالة نفسية يصاب بها البعض عند زيارة باريس نتيجة للصدمة الكبيرة بين ما وجدوا باريس عليه وما كانوا يتوقعون أنها عليه وقد ينتهي الأمر إلى حصول انهيار عقلي أثناء زيارتهم للعاصمة الفرنسية، فمن بين الملايين من السائحين الذي يزورون باريس سنوياً، يصاب بتلك المتلازمة العشرات منهم إذ يعانون تعباً ويضطرون على إثره الى العودة إلى وطنهم. وتعتبر تجسيداً للصدمة الثقافية التي قد يصاب بها البعض، فباريس مرتبطة في عقولهم بصورة مثالية راقية طالما قاموا برسمها منذ صغرهم نتيجة الأفلام السينمائية الكثيرة التي شاهدوا فيها جمال المدينة وحضارتها العريقة، ولكن عندما يقومون بزيارتها على أرض الواقع يتعرضون لصدمة ثقافية نتيجة مشاهدتهم صورة مغايرة تماماً تتسم بالسرعة والنشاط والحداثة والصخب والضجيج تختلف تماماً عما رسموه في مخيلتهم