انا رحت بالي من 3 شهور....حقولك اللي انا عملته بالظبط....اخدت معايا ال 400 دولار اللي كان البنك سامحلي انه يدهوملي بس مصرفتش منهم ولا مليم لما رحت بالي.....اللي حصل اني كنت واحد معايا visa وكنت معرف البنك في مصر قبل مسافر انا رايح فين بالظبط ومواعيد السفر بتاعتي عشان اضمن انها تكون شغالة هناك يعني قلتله اني رايح بالي يوم كذا وراجع يوم كذا وحتي بلد الترانزيت قلتله عليها عشان لو عاوز اشتري حاجة من المطار في فترة الترانزيت تكون برضه شغالة معايا والكلام ده برضه عملته بالنسبة لشركة الاتصالات عرفت فودافون الكلام ده كله عشان اضمن انها تكون شغالة في اي وقت...المهم بمجرد موصلت بالي فيه ناس صحابي اندونيسين نصحوني اني استخدم ال visa افضل من حوارات تحويل الدولارات لأسباب كتيرة قوي منها منعا للنصب عليا لان فيه ناس هناك قرود واساتذة نصب خصوصا في موضوع تحويل العملة ده ممكن يغفلك ويضحك عليكي النصب هناك علي فكرة سهل جدا فلازم تاخدي بالك كويس قوي قوي......فانا خليت معايا الدولارات احتياطي بس مصرفتش منهم خالص وكنت بستخدم دايما ال visa علي طول....ميزة تانية ل visa انك بتسحبي علي قد اللي انتي محتاجاه في اليوم او مدار يومين ولو الفلوس خلصت تسحبي شوية كمان علي مزاجك لغاية قبل مامشي ماتفضلش معايا الا حاجات بسيطة اخدتهم تذكار معايا انما لو حولتي كمية دولارات كتيرة انتي مش عارفة ال budget اللي حتصرفيها كام فممكن يتفضل معاكي روبية كتيرة وتخسري جامد عشان تحوليها لدولارات تاني قبل ماتمشي....ثالثا اغلبية او 95% من الاجانب اللي قابلتهم هناك بيستخدموا الvisa عشان الاسباب اللي قلتهملك...ومتخافيش البنك مش حياخد منك كتير لما تسحبي برا الموضوع حيكون هوا هوا لما تحولي الدولارات وتخسري شوية فلوس تمن التحويل....بالنسبة لخط التليفون اوعي تستخدمي خط التليفون بتاع مصر للنت اطلاقا حتتبهدلي جامد وحياخد منك فلوس بالهبل...فيه عندك حلين الحل الاول انك تشتري خط بمجرد ماتنزلي المطار بس الخط حيكون اغلي شوية من جوا البلد او تستني لما توصلي البلد وتشتريه وبيبقي فيه باقات كتيرة جيجا مثلا او 2 او 6 جيجا علي حسب اللي انتي عاوزاه وفيه خطوط بتكون حلوة النت ليه تغطية في معظم بالي وخطوط مش شغالة في اماكن معينة حاولي بقي تسالي عن الكلام ده وتعرفيه.....بالنسبة للاماكن فأدخلي علي tripadvisor حتعرفي كل حاجة عن بالي وايه هيا الاماكن اللي ممكن تروحيها....حاجة مهمة جدا متستخدميش التاكسيات العادية عشان غاليين جدا جدا جدا استخدمي افضل uber او شركات تانية زيها اسمها grab او go-jek...
