الحمد لله ورقي جاهز للسفر سياحة لتركيا و معايا...

  • بادئ الموضوع بادئ الموضوع Bebo Ahmed
  • تاريخ البدء تاريخ البدء
عرض العطلة
B

Bebo Ahmed

:: مسافر ::
#1
الحمد لله ورقي جاهز للسفر سياحة لتركيا و معايا مراتي وبنتي ..لغاية النهاردة محجزتيش فندق ..انا ما اروح إسطنبول..باذن الله حنقعد ١٠ ايام ..
لاحظنا أن إسطنبول فيها أماكن كثيره المزارات السياحية والشوبينج .. عشان كده بتفكر ما نقعدتشي ف فندق واحد ..نقعد ف تكسيم مثلا ٣ ايام حا اوصل مطار صبيحه واخود الباص ١٥ ليره زي ما عرفنا من ع الجروب ونقعد في فندق هناك ٣ ايام ومن هناك بالمترو تقدر نتحرك بس مش عارفين المترو ممكن نروح بيه فين ..
حا تروح بعد كده فندق تاني في السلطان أحمد ٣ ايام ..
ونشوف فندق ف كادكوي اللي هي تحت كوبري البوسفور..منظر الناس وهما قاعدين ع البحر الصبح تحفه ..

المناطق ديه شفناها ع اليوتيوب .. ممكن حد تنصحني بحكم اني عمري ما سافرت إسطنبول قبل كده ...وايه ارخص أماكن للشوبينج (منطقه محدده) ..

ولو فيه سبق له السفر سياحة ممكن يقولنا ع البرنامج السياحي اللي خالاه يستفيد من إسطنبول...المزارات والشوبينج ..
منتظر آرائكم وبلاش حد يسألني عملت الورق الزاي عشان انا قاعد بفارغ الصبر لردودكم بخصوص طلبي ..
 
عرض العطلة
#6
ملهاش لازمة. اقعد في فندق واحد والمواصلات هناك اصلا سهلة جدا والمترو والترام والباصات مغطين إسطنبول كلها. اشتري إسطنبول كارد بتاع المواصلات و هتركب بسعر أقل.
 
#8
الاماكن كلها قريبة من بعض بالمترو والمترو بيروح كل حتة بلاش تغير الفنادق
سلطان احمد هي المنطقة السياحية الرئيسية في اسطنبول لانها قريبة من اهم معلمين سياحيين في اسطنبول اللي هما ايا صوفيا ومسجد السلطان احمد
تقسيم هو الميدان الرئيسي في اسطنبول ومتفرع منه شارع استقلال اللي هو الشارع التجاري الاول في تركيا. هناك هتلاقي كل حاجة من اول المطاعم والكافيهات والمحلات التجارية لحد الملاهي الليلية
فشوف منطقة الاقامة انت تفضل انهي فيهم واختار لكن اعتقد ان الفنادق في سلطان احمد ارخص
بالنسبة للكورنيش ووكوبري البوسفور فانت ممكن تروحه بالمترو عادي وفيه رحلات بحرية من هناك بتاخدك جولة في البوسفور وتشوف كل القصور العثمانية البي علي البوسفور
 
عرض العطلة
#11
في يوم واحد ممكن تروح
1- TopKapi
2-Aya Sophia
3- Sultan Ahmet Mosque
And grand bazar
بس اهم حاجه تتاكد من الحاجات دي بتقفل امتي .. انا روحت من فتره كان التوبكابي بيقفل التلات و أياصوفيا الاتنين .. فالاحسن زيارتهم جمعه او سبت او اربع ..
هما جنب بعض و اعمل حسابك علي يوم من ٩ ل ٥ هناك و بعدين بعدها بكذا محطه في grand bazar
Another day
1- Dolma Pache palace
2- مركب في البسفور
دول ياخدوا نص يوم تقريبا

ميدان تقسيم و شارع الاستقلال للشوبينج
عامه ١٠ أيام في راي كتير اوي علي اسطنبول بس
 
#13
تقسيم بالنسبة للعائلات مش هيكون مناسب قوي السلطان احمد احسن وارخص ويعتبر هو نقطة الانطلاق لاماكن كتير هناك دة غير ان فيه اكتر المزارات اهميه اهم حاجة يكون الفندق جمب محطة مترو ودي هتسهل الانتقال لاي مكان
 
#14
نصيحة اقعد في فندق واحد، مش هتقعد تتنطط بالشنط، وتقدر تلف اسطنبول كلها بالمواصلات، اسطنبول فيها واحدة من احسن شبكات المواصلات اللي مغطية البلد كلها
 
#15
اولا رأي 10 ايام كتيير اوي على اسطنبول لوحدها تاني حاجه انزل في منطقة السلطان أحمد أنضف وأرقى وأهدى كتيير روح بورصه هتتبسط هناك جزر الأميرات بس متكتفيش بالكارته اطلع لحد القمة شوية مشي على رجليك بس المنظر من فوق وهمي تكسيم طبعا ميني ترك حلوة اوي جراند بازار أورتاكوى القعدة والبطاطس بتاعتهم حلوة اوي اوي
 
عرض العطلة
#16
تقسيم مش حلو وفيه تصليحات الأيام دى ومش هتتبسطوا فيه السلطان احمد ارقى وانضف وممكن تروجوا حديقة الحيوان بتاعتهم حلوه جدا وفِي كمان الأكواريوم كمان حلو في واحد في الاوروبي وواحد اكبر في الآسيوي وفِي فيا لاند عباره عن مول كبير وفيه ملاهي وركوب خَيل وكل حاجه وفِي تل العرايس وطبعا البوسفور جوله بالعبارة وجراند بازار طبعا وفِي حديقة اتاتورك وكمان متحف الشمع ومتحف التلج ومتحف الشيكولاته
 
#18
وفِي هناك لو مش حابب المترو في يوم ممكن تاجر عربيه بتقعد معاك الْيَوْمَ كله تخليله يلففك كل ده خصوصا لو هتروح الجزء الاسيوي بس بتكون أغلى شويه
 
#19
اقعد فى فندق واحد و أفضل منطقه للسكن هى منطقة الفاتح و اختار الفندق جنب محطة مترو او ترام و حتلاقى نفسك تقدر تروح لأى مكان فى اسطنبول ... انا شخصيا بحب اسكن فى اكسراى aksaray لأن فيها محطة مترو رئيسية و محطة ترام و موقف باص
 
عرض العطلة
عرض العطلة
عرض العطلة
أعلى أسفل
عودة
قائمة