ياجماعه انا لو معايا فيزا 5 سنين امريكا كنت...

[Mohamed Ahmed]

ياجماعه انا لو معايا فيزا 5 سنين امريكا كنت مقدم ع مؤتمر هحضره هناك واستلمتها
دلوقتي لازم أنزل من أمريكا بعد اد ايه علشان الفيزا ماتكونش كسرتها
ف ناس بتقولي لازم قبل 6 شهور لازم تنزل مرة
صحيح الكلام ده ؟؟

 

[وحيد عبد المقصود]

نزل صورة التأشيرة عشان نعرف

 

[Mohamed Khater]

الخمس سنين دي صلاحية الفيزا. المده اللي تقدر تقعدها في كل زياره هما بيحددوهالك و انت داخل في المطار. غالبا بتكون ٦ شهور. ممكن تكون اقل علي حسب ضابط الجوازات

 

[M AL Farouk]

اول ما بتدخل بتداخد ختم الدخول بيبقي واضح فيه المده اللي المفروض تقعد فيها ودايما بتبقي 6 شهور

 

[Mohamed Elshazly]

وهما بيحددوا مده الاقامه على اساس ايه

 

[Hesham A. Monam]

في الغالب ٦ شهور ممكن تخرج فيهم يوم واحد لكندا او المكسيك طبقاً لمكانك في امريكا وتعود لمدة ٦ شهور اخري وهكذا

 

[Ahmed Tahoun]

حضرتك ماحدش هايقدر يفيدك فى السؤال ده الا ظابط الجوازات اللى هايختملك وانت داخل من المطار فى امريكا
ممكن ٣ شهور او ٦ شهور
ولازم تراجع تاشيرتك اذا كان مذكور فيها الولايه او مده المؤتمر ام لا
ممكن تكون الفيزا بتاعتك صلاحيتها ٥ سنوات ولكن مذكور فبها سبب الزياره وهى مؤتمر ولمده ١٠ ايام مثلا
وتنتهى بانتهاء المؤتمر
ارجو انك تكون فهمت فكرتى

 

[Nada Badawy]

لو التأشيرة B1-B2 بتكون صلاحيتها 5 سنين بحد أقصى 6 شهور فى الزيارة الواحدة و كده كده ضابط الجوازات بيكتب لك التاريخ بالظبط جنب ختم الدخول عشان ماحدش يحسبها غلط

 

[Ahmad Fathi Nassar]

وانت داخل بيختموا على ااباسبور تاريخ للخروج .... على الارجح التاريخ ده بيبقى بعد ٦ شهور من الدخول .... الا لو رخم مممن يديك ٣ شهور او شهر .... لازم تطلع من البلد قبل التاريخ ده و الا تعتبر كسرت الفيزا

 

[Mohamed Gazzar]

6 شهور

 

[Medo Sh]

بالنسبة لامريكا ظابط الجوازات اللي ييختملك هو اللي بيحدد المدة اللي انت هتقعدها داخل البلاد ... المفروض انهم بيكتبوا علي التاشيرة بس امريكا ليها وضع مختلف

 

[Mohammed Badari]

في دول بدون فيزا وقريب من امريكا ممكن برضو تاخد فيزا برازيل سهله