انا عايزة اروح مرسي علم دي هتبقي اول مرة ممكن...

  • بادئ الموضوع بادئ الموضوع Nemo Ahmed
  • تاريخ البدء تاريخ البدء
عرض العطلة
N

Nemo Ahmed

:: مسافر ::
#1
انا عايزة اروح مرسي علم
دي هتبقي اول مرة
ممكن اعرف افضل منطقة انزل فيها عشان بسمع ان اماكن المزارات بعيدة ب 30 ك و اكتر
تاني حاجة عايزة اماكن رخيصة لان علي Booking الليلة ب 1200ج !! و ارخص حاجة ب 900ج لو حد يعرف هوستيل او شقق رخيصة يقول
تالت حاجة ايه اسامي المناطق اللي اعمل فيها دايفنج مع الدلافين و السلاحف و حيوان عجل البحر
-لو سمحت الاجابة من اصحاب الخبرة فقط-
 
#2
اول حاجه المواصلات
عندك اتوبيسات وجه قلبى
وشركه الخليجيه وجو باص والزهور
افضل مناطق للغطس صمداى وعجله
اما الدوليفين موجود فى صمداي فى مرسى وسطايح فى حماطه وحنكوراب فى مرسى فيها دولفين اما عجل البحر الدجنجو موجود فى شاطئ ابو دباب بس مش دايما
اسعار الشقق فى مرسى علم والفنادق الداخليه تترواح من 150-200 فى اليوم
 
#3
مرسى علم بتبدا من بورتو غالب على بعد ٧٠ كيلو من مرسى علم ..وبتخلص بعد ١٢٠ كيلو من مرسى علم
المسافات دى كلها فيها فنادق جنب بعض ..
المزارات على حسب انتى عايزه تروحى فين ومعاكى عربيه او لا لا لو معاكى عربيه هتبقى اسهل ..لو مش معاك ممكن تقعدى فى بورتو غالب علشان تبقى أماكن الخروج زى السفارى البحريه والجبل ..الفنادق على بوكينج سعرها عالى جدا انتى رينج الفلوس معاكى كام وأنا اقولك على الفندق المناسب
 
عرض العطلة
#8
مرسي علم يا جماعة بلد عادية مش زي شرم الشيخ أو الغردقة اللي بيروح مرسي علم حتي لو أجانب بيقعدوا مدة إقامتهم في الفندق و بالنسبة للأنشطة البحرية موجودة في كل فندق لوحده و أنسب حاجة للأسرة فندق في بورت غالب عشان لو بيحبوا يخرجوا بليل علي مطاعم أو كافيهات
 
عرض العطلة
#15
ده برنامج تقدر تعملوا انت وزميلك لوحدكم بس لازم تكونوا مجموعه لو انتم عدد صغير ممكن تيجوا معانا الاربعاء الي بعد الجاي البرنامج بأختصار لو طلعتوا انت وزميلك او جيت معانا
احنا بنطلع علي موقف الترجمان وبنحجز تذاكر الي طالعه مرسي علم بس بيكون قبل الرحله بكام يوم
سعر التذكره حوالي 120 ج رايح وزيهم راجع المهم بننزل مدينه مرسي علم قدام الشقق بالظبط بنحط حاجتنا ونغير هدومنا طبعا البنات الي بيكونوا معانا بيكون ليهم شقه لوحدهم
بعدين بنكون متفقين مع اتنين اولهم سواق ميكروباص يودينا الاماكن دي وسواق عربيات دفع رباعي عشان لو حبينا ندخل الصحراء
اول يوم بنطلع علي شاطيء راس صمداي مكان كده جميل اوي في حيونات بحريه وشعب مرجانيه وبليل بنقضي السهر في مدينه مرسي علم
تاني يوم بنطلع علي شاطيء مرسي مبارك بردو من الاماكن المميزه جدا في مرسي علم الي فيه سمك ملون كتير وكاءنات بحريه جميله اوي وبليل بنقضي السهره في بورت غالب
اليوم التالت بنصحي الساعه 6 الصبح ونطلع علي وادي ابو غصون وبعدين نتحرك علي حنكوراب والقلعان الي فيها شجر المانجروف
اليوم الرابع بنروح بحيره النيزك ودي بسين كده طبيعي جنب البحر وبليل بناخد عربيات الدفع الرباعي ونطلع علي مكان كده وهم وسط الصحراء اسمه وادي سفين وبنقضي ليله هناك مع البدو عشان نعيش حياتهم ونشرب الجبنه
اليوم الخامس بنطلع علي شاطيء اصلايه وده تقريبا محوط بالشعب المرجانيه من كل مكان واخر النهار بنكون حاجزين علي تذاكر الباص الي بيرجعنا تاني القاهره
الرحله دي عشان تعملها لازم تكونوا انت وزميلك حوالي 11 واحد هتحتاج بس عربيه دفع رباعي وعربيه ميكروباص وتلف مرسي علم كلها
احنا لما كنا بنطلع انا وزميلي كانت بتكلفنا بتذاكر الباص بكل حاجه من 850 ج ل 950[
 
عرض العطلة
عرض العطلة
عرض العطلة
عرض العطلة
أعلى أسفل
عودة
قائمة