M
Mohamed Bayoumi
:: مسافر ::
البوست فيه مبالغه تصل الي حد التدليس
انا اسف طبعا عشان رأيي ممكن يضايقك بس ده عن خبره وتجربه
ياربت ماحدش ياخد الكومنت بشكل مريض ويشوفه طبقي عشان اللعبه دي قدمت
اولا جو باص ودي دهب في داهيه لإنه سهل وصول الشباب ما دون سن الجامعه ودول في بلدنا ماشاءالله مابيستروش.. بيبوظوا كل حاجه قدامهم .. صوت عالي .. الفاظ زي الطين .. معاكسات بنات .. وخلافه
الرحله من القاهره لدهب في جو باص بتاخد حضرتك 12 ساعه وانت طالع حسب الشيزون مرورا ب 12 كمين بتنزل تتفتش فيهم كلهم ويتاخد بطاقتك وتطفح المرار فبلاش نسوق فكره الجو باص علي انها من رحلات البساط السحري
ثانيا اسعار الاقامه اللي حضرتك كاتبها طبعا ملهاش وجود في الحقيقه غير في الكامبات اللي الاقامه فيها لا تتعدي فرشه ودروه
انا مش ضدها, بس منقولش عليها فنادق لان اول منقول يا فندق في دهب بقت الاسعار في احقرهم تبدأ من 125 ج للفرد وبرررردو حسب الشيزون
لك ان تتخيل ان 4s الجربان كان بستاشر الف جنيه فالعيد
ثالثا الدعايه المجانيه اللي حضرتك عملتها ل #Every_Day_Cafe للاسف مش في مكانها لإنه تحول لمكان رخم وغتت وفقد طعمه بتاع زمان وبدأ في فرض اتاوة الMinimum charge وبقي يستخدم اشباه بلطجيه يقفوا عالباب ياخدو 50 جنيه من اللي داخل عشان يضمنوا انه دفع ثم تبتدي رحله المعاناه في طلب الاوردر من ويترز هواه جايين يعملوا مصلحه ويمشوا واللي لما بييجي تحمد ربنا واللي ارخص ديزرت فيه بقي 45 جنيه اللي هي حتة كيكه لمؤاخذه
نيجي لحالة الهوس بالفول والطعميه عند المحلات .. علفكره عادي .. فول وطعميه.. وعلفكره حلوين .. بس بردو فول وطعميه .. مش قادر افهم ايه وجه الابداع في ده
فقرة الغدا واللي بقت من اسوأ الفقرات
الاكل الرخيص في دهب اكل رخيص زيه زي اي مكان فالعالم .. خدمه سيئه .. فراخ زفره.. مكرونه اونطا.. وللاسف عشان تاكل اكل كويس بقبت تكع دم قلبك .. يكفي اني اقولك ان منيو علي بابا مفيهوش حاجه اقل من 100 جنيه فالمين كورس دلوقتي
نيجي لبلو هول اللي ماشاءالله فشخنا الكورال بتاعتها باقدامنا الطاهره
مفيش دايفينج في بلو هول الا للمحترفين
وبالنسبه للسنوركلنج لو الدنيا زحمه شويه هتأجر اسوأ ماسك واكتر لايف جاكت مقطع فالكوكب
اسف لو الكومنت سودوي.. بس دهب اتبهدلت
انا اسف طبعا عشان رأيي ممكن يضايقك بس ده عن خبره وتجربه
ياربت ماحدش ياخد الكومنت بشكل مريض ويشوفه طبقي عشان اللعبه دي قدمت
اولا جو باص ودي دهب في داهيه لإنه سهل وصول الشباب ما دون سن الجامعه ودول في بلدنا ماشاءالله مابيستروش.. بيبوظوا كل حاجه قدامهم .. صوت عالي .. الفاظ زي الطين .. معاكسات بنات .. وخلافه
الرحله من القاهره لدهب في جو باص بتاخد حضرتك 12 ساعه وانت طالع حسب الشيزون مرورا ب 12 كمين بتنزل تتفتش فيهم كلهم ويتاخد بطاقتك وتطفح المرار فبلاش نسوق فكره الجو باص علي انها من رحلات البساط السحري
ثانيا اسعار الاقامه اللي حضرتك كاتبها طبعا ملهاش وجود في الحقيقه غير في الكامبات اللي الاقامه فيها لا تتعدي فرشه ودروه
انا مش ضدها, بس منقولش عليها فنادق لان اول منقول يا فندق في دهب بقت الاسعار في احقرهم تبدأ من 125 ج للفرد وبرررردو حسب الشيزون
لك ان تتخيل ان 4s الجربان كان بستاشر الف جنيه فالعيد
ثالثا الدعايه المجانيه اللي حضرتك عملتها ل #Every_Day_Cafe للاسف مش في مكانها لإنه تحول لمكان رخم وغتت وفقد طعمه بتاع زمان وبدأ في فرض اتاوة الMinimum charge وبقي يستخدم اشباه بلطجيه يقفوا عالباب ياخدو 50 جنيه من اللي داخل عشان يضمنوا انه دفع ثم تبتدي رحله المعاناه في طلب الاوردر من ويترز هواه جايين يعملوا مصلحه ويمشوا واللي لما بييجي تحمد ربنا واللي ارخص ديزرت فيه بقي 45 جنيه اللي هي حتة كيكه لمؤاخذه
نيجي لحالة الهوس بالفول والطعميه عند المحلات .. علفكره عادي .. فول وطعميه.. وعلفكره حلوين .. بس بردو فول وطعميه .. مش قادر افهم ايه وجه الابداع في ده
فقرة الغدا واللي بقت من اسوأ الفقرات
الاكل الرخيص في دهب اكل رخيص زيه زي اي مكان فالعالم .. خدمه سيئه .. فراخ زفره.. مكرونه اونطا.. وللاسف عشان تاكل اكل كويس بقبت تكع دم قلبك .. يكفي اني اقولك ان منيو علي بابا مفيهوش حاجه اقل من 100 جنيه فالمين كورس دلوقتي
نيجي لبلو هول اللي ماشاءالله فشخنا الكورال بتاعتها باقدامنا الطاهره
مفيش دايفينج في بلو هول الا للمحترفين
وبالنسبه للسنوركلنج لو الدنيا زحمه شويه هتأجر اسوأ ماسك واكتر لايف جاكت مقطع فالكوكب
اسف لو الكومنت سودوي.. بس دهب اتبهدلت