مساء الخير ... انا زوجتي نمساويه وجايه لي...

[Acc-Mohamed Gomaa]

مساء الخير ... انا زوجتي نمساويه وجايه لي مصرشهرين !! هل يجوز الاستقرار معي بدون فيزه ولا لازم اروح لمجمع التحرير في القاهرة واعملها فيزة سياحه هناك وكده ؟؟

 

[Hend Salem]

هى بتاخد فيزا سياحة شهر فى مطار القاهرة .... و قبل ماتنتهى تروح تجددها لها شهر تانى سياحة من الجوازات المركزية اللى انت تبعها او من التحرير حسب الاقرب لك

 

[Ayman Zico]

روح مجمع التحرير جبلها أقامه من الدور الاول

 

[Moustafa Nabil]

لو معاها عقد الزواج موثق بتوريه لظابط الجوازات و بتدخل من غير تأشيرة و تقعد في البلد زي ما هي عاوزة

 

[Rania Momtaz]

هيا ممكن تاخد ٩٠ يوم سياحه من السفاره المصريه في بلدها هيا بس تقدملهم قسيمة الجواز بتاعتكم وتذكرة الطيران ....وطبعا هيا باسبورها ممكن تاخد بيه التاشيره من المطار بس مش عارفه بتبقي كام يوم
انا جوزي اجنبي واخدها ٩٠ يوم قبل كدا

 

[Ibrahim Elshafei]

المفروض انت بتمشي معاها في اجراءات الإقامة، اما من مجمع التحرير، او من الجوازات التابعة للمحافظة او المركز الي انت ساكن فيه.

 

[Tawfik Azer]

تعملها اقامة قبل تاشيرتها ما تخلص بوقت كاف

 

[Rania Momtaz]

اه نسيت اقولك لو دخلت بتأشيرة المطار بقا وهتنتهي بعد ٣٠ يوم يبقي تروح مجمع التحرير في اقامات الاجانب بتعملها اقامه سنه وانت هناك هما بيوجهوك من شباك لشباك لحد متخلص الورق بياخد يوم وبعدها باسبوعين يتروح تستلم الجواز وفيه الاقامه

 

[Hamada Ismail]

لو معاك عقد ولو عرفى تقدر تاخد فيزا لغير غرض السياحه مدتها 6 شهور

 

[Ahmed Yahya]

لو موجود عقد زواج مصرى تعد زى ما هى عاوزه بدون اقامات ولا مجمع مراتى نمساويه زيك و عايشين فى مصر

 

[Mohamed Elshahat]

لو جواز موثق مبتدفعش حاجة ولا تعمل اي حاجة

 

[Mohamed Elshahat]

لو مش موثق وعقد بس بتروح الجوازات التابع ليها تعمل إقامة بالعقد

 

[Acc-Mohamed Gomaa]

العقد اللي معايا موثق ورسمي بس الموضوع ان ربنا رزقني بابن ومش عايز ابهدلهم معايا في مجمع التحرير وكده

 

[Mostafa Yassen]

لو فى عقد زواج مش محتاجة فيزا وهتاخد ختم دخول ويكتب جمبة زوجة مصرى .. بس أهم الحاجة العقد أو صورة منة

 

[Acc-Mohamed Gomaa]

شكرا جزيلا على المساعده ولكم كل الشكر والتقدير وفائق احترامي

 

[Mohamed Mostafa]

الفيزا بتتباع في البنك في المطار 3
شهور ب 25 دولار و بتديها لظابط الجوازات بيحطها علي الباسبور ويختمها ويكتب التاريخ بس ده لو ما فيش وثيقه جواز رسمي

 

[Maher Elrawi]

لو متجوزبن بتروح بعقد الزواج مجمع التحرير وبتملى طلب هناك وبيعملو لها اذن دخول لزوجة مصرى من غير فلوس بيفعلوة فى المطار وتدخل عادى بدون فيزة

 

[Maher Elrawi]

ولما توصل بتروح الجوزات بتعمل اقامة دة حصل معايا وماروحتش المجمع روحت جوزات مدينة نصر حسب مكان الاقامة بتاعتى

 

[Mohamed Mostafa]

عقد الجواز بيشوفه بيختم الجواز بدون اي شي ولها 3شهور من تاريخ الختم انا متاكد وعن تجربه كل سنه سفر

 

[Abe Hussein]

بتاخد التاشيرة من المطار ب٢٥ دولار مكتوب فيها فترة التاشيرة